Aımaqtar • 26 Qańtar, 2021

Monıtorıngtik toptar 100-den astam nysandy tekserdi

1 ret kórsetildi

Elordanyń monıtorıngtik toptary turaqty túrde barlar men meıramhanalarǵa reıd júrgizedi. Mekeme qyzmetkerleri tıisti nusqaýlardy oryndamaýymen jáne saǵat 20.00-den keıin klıent qabyldaýymen kózge túsip jatady. Mundaı jaǵdaıda mekeme ıelerine aıyppul salynady, dep habarlaıdy ákimdiktiń resmı saıty.

Mynadaı tártip jıi ári óreskel buzylyp jatady: buqaralyq is-sharalar ótkizý, jumys rejımin jáne kelýshilerdiń belgilengen sanyn saqtamaý, oıyn-saýyq oryndarynyń jumysyna tyıym salýdy elemeý, sondaı-aq qoǵamdyq mekemeler qyzmetkerleriniń maska rejımin saqtamaýy.

Elordalyq kafelerdiń birinde monıtorıngtik toptyń paıda bolýy onyń ıeleri men kelýshileriniń kóńiline kirbiń túsireri anyq. Saǵat 21:20. Kelýshiler áli tarqamaǵan jaıttar myna mekemelerde anyqtaldy: "Ýgol" klýby, "Toı" kafesi, "Nırvanna", "Easy", "Brewery" barlary, "Schaste" meıramhanasy.

Elordanyń bas sanıtarlyq dárigeri keshki saǵat 20.00-den keıin barlar men meıramhanalarda kóńil kóterýge qatań tyıym saldy. Tártip buzýshylarǵa aıyppul salynady. Bıznesmenderge 600 myń teńgeden astam, al qonaqtardyń 87 000 teńgeden astam aıyppul tóleýine týra keledi.

Aıta ketý kerek, karantın rejımin qasaqana buzýshylarǵa qatysty materıaldar sotqa jiberiledi.
Máselen, shekteý sharalaryn buzǵany jáne nusqamalardy oryndamaǵany úshin birneshe ret jaýapqa tartylǵan 24 kásipkerlik sýbektisine qatysty elordanyń ákimshilik sotyna 30 materıal jiberildi. Olar "SOVA" karaoke-bary, "Janym Sol" karaoke-bary, "Alanya" túngi klýby, «Echo» bary, «ZOLOTO» meıramhanasy, «Storıs» laýndj bary, "Tequila" kafe-bary, «AURA ALANYA» túngi klýby, «Raspawn» kompıýter klýby, "Abba" bary, «Kango» batýt ortalyǵy,«Icon» klýby, "GINZA" meıramhana-karaoke, "Hero" oıyn klýby, «Ryba moeı mechty» laýndj bary, «Sátti» dúkeni, «Grafın» kafesi, "Fashion bar" bary, "Qoyan" laýndj-bary, "Alanya" restoran karaoke, «Cabera» resto-bary, "Tabys" dúkeni, "Ekıpaj" resto-bary.

Sot barlyǵy 11 qoǵamdyq mekemeniń qyzmetin toqtatty. Qyzmetin toqtatý týraly sot sheshimi oryndalmaǵan jaǵdaıda ShOB obektileriniń basshylaryna ákimshilik qamaýǵa alý sharalary qoldanylatyn bolady.

Esterińizge sala keteıik, qazirgi ýaqytta elorda koronavırýstyq ınfeksııanyń taralý qarqyny boıynsha "qyzyl" aımaqqa ornalasqan. Buǵan deıin elordanyń bas sanıtarlyq dárigeri Sarhat Beısenovanyń qaýlysy kúshine endi, oǵan sáıkes turǵyndar arasynda KVI aýrýlarynyń ósýine baılanysty qoǵamdyq tamaqtaný obektileri shekteý sharalaryn qatań saqtaǵan jaǵdaıda ǵana jumys isteýi tıis.

Sońǵy jańalyqtar

Aqtóbede «Igi ister» marafony bastaldy

Aımaqtar • Búgin, 17:48

Shymkentte mektepterde ystyq tamaqpen qamtýǵa ruqsat joq

Ońtústik Qazaqstan • Búgin, 15:52

Uqsas jańalyqtar