Kúres • 26 Qańtar, 2021

Búgin Valentın Iordanovtyń týǵan kúni

8 ret kórsetildi

Búgin dańqty balýan, erkin kúrestiń has sheberi Valentın Iordanovtyń týǵan kúni. Bolgarııanyń betkeustary 61 jasqa tolyp otyr, dep habarlaıdy Egemen.kz

Erkin kúresten ótken álem chempıonattarynda jeńip alǵan júldelerdiń sany men sapasy jaǵynan Valentın Iordanovtyń ózgelerden shoqtyǵy bıik. Bolgarııanyń baǵyna týǵan balýannyń baǵyndyrmaǵan belesi joq. 1983-1995 jyldar aralyǵynda jalaýy jelbiregen aıtýly jarysta 10 márte baq synaǵan ol barlyǵynda oljaǵa keneldi. Naqtylap aıtsaq, 7 altyn, 2 kúmis jáne 1 qola medaldi oljalady.

Sonymen qatar Eýropa birinshiliginde jeńip alǵan 9 (7 altyn+1 kúmis+1 qola) júldesi taǵy bar. Bir qyzyǵy, osyndaı orasan zor belesterdi baǵyndyrǵan dańqty balýannyń kópke deıin Olımpıada altynyna qol jetkize almaı júrdi. 1988 jyly Seýlde Iordanov sátsizdikke ushyrady. 1992 jyly Barselonada qola medaldi qanaǵat utty. Tek 1996 jyly Atlantada asyǵy alshysynan túsip, 36 jastan asqan shaǵynda «máńgi tozbas» ataqqa qol jetkizdi.  

52 kılo salmaqta kúsh synasqan Valentın Iordanovtyń Atlanta Olımpıadasynyń úshinshi aınalymda bizdiń Máýlen Mamyrovtan basym túsken edi. Sol jarysta Bolgarııanyń ókili bas júldeni oljalasa, qazaqtyń uly qola medaldi moınyna ildi.

 

Sońǵy jańalyqtar

Ulytaý aýdanynyń ákimi taǵaıyndaldy

Taǵaıyndaý • Búgin, 20:45

Aqtóbede «Igi ister» marafony bastaldy

Aımaqtar • Búgin, 17:48

Shymkentte mektepterde ystyq tamaqpen qamtýǵa ruqsat joq

Ońtústik Qazaqstan • Búgin, 15:52

Uqsas jańalyqtar