Qazaqstan • 26 Qańtar, 2021

IIDM-de sybaılas jemqorlyq táýekelderin joıý prosesteri kórsetildi

9 ret kórsetildi

Sybaılas jemqorlyqqa qarsy is-qımyl agenttiginiń bastamasymen Agenttik pen Indýstrııa jáne ınfraqurylymdyq damý mınıstrligi basshylyǵynyń kezdesýi ótti. Negizgi kún tártibi mınıstrlik jetekshilik etetin salalarda sybaılas jemqorlyqtyń aldyn alý baǵyty boıynsha ózara is-qımyl máselelerine baǵyttalǵan, dep habarlaıdy Egemen.kz

Beınekonferensııa baılanysy arqyly is-sharaǵa Sybaılas jemqorlyqqa qarsy qyzmettiń aýmaqtyq bólimsheleri, IIDM, onyń vedomstvolary men vedomstvolyq baǵynystaǵy uıymdary, sondaı-aq oblys ákimderiniń orynbasarlary men jergilikti atqarýshy organdardyń beıindi basqarmalarynyń basshylary qatysty.

IIDM qyzmetkerlerine qatysty tirkelgen barlyq qylmystyń jarty úlesi tıesili kóliktik baqylaý salasyndaǵy joǵary sybaılas jemqorlyq táýekelderin eskere otyryp, Kólik komıtetiniń Ahýaldyq ortalyǵynyń jańa tásilderi tanystyryldy. Atap aıtqanda, kóliktik baqylaýdy sıfrlandyrý jáne avtomattandyrý arqyly sybaılas jemqorlyq táýekelderin joıý prosesteri kórsetildi.

Indýstrııa jáne ınfraqurylymdyq damý mınıstri Beıbit Atamqulov Memleket Basshysynyń tapsyrmalaryn iske asyrý aıasynda sybaılas jemqorlyqtyń aldyn alý boıynsha belsendi jumys júrgizilip jatqanyn atap ótti. Bıznesti qorǵaý jáne sybaılas jemqorlyqqa qarsy is-qımyl jónindegi jol kartasy jasaldy, ishki aýdıt bólimsheleriniń jumysy kúsheıtildi, Qoǵamdyq keńes jandandyryldy, úkimettik emes sektormen jáne bıznes-qaýymdastyqtarmen ózara is-qımyl jáne «keri baılanys» iske asyryldy, azamattar men bıznes úshin qyzmet kórsetý josparly túrde avtomattandyrylyp, elektrondyq formatqa kóshirilýde.

IIDM-de «Adaldyq alańy» jobalyq keńsesi jumys isteıdi, onyń aıasynda sybaılas jemqorlyq táýekelderine, ákimshilik kedergiler men bıýrokratııalyq rásimderge taldaý júrgiziledi. Memlekettik satyp alýǵa erekshe kóńil bólindi.

Jobalyq keńseniń jumysyna qoǵam ókilderi de baǵasyn berdi, qurylǵanyna az ýaqyt bolǵanyna qaramastan, keńselermen eleýli tabystarǵa qol jetkizilgen, olardyń eń bastysy – sybaılas jemqorlyqqa qarsy is-qımyl máselelerinde mınıstrlik pen sarapshylyq qoǵamdastyqtyń kúsh-jigerin shoǵyrlandyrý ekenin atap ótti.

О́z kezeginde Agenttik ókilderi IIDM-de is júzinde árbireýinde sybaılas jemqorlyq táýekeli joǵary memlekettiń keń aýqymdy, negizgi fýnksııalary shoǵyrlanǵanyn atap ótti. Kóliktik baqylaý, avtomobıl joldary, qurylys jáne TÚKSh salalary, sondaı-aq vedomstvolyq baǵynystaǵy uıymdardyń qyzmeti erekshe alańdaýshylyq týdyrady.

Osyǵan baılanysty, Agenttik Qurylys jáne TÚKSh isteri komıtetiniń, sondaı-aq «QazAvtoJol «UK» AQ qyzmetindegi sybaılas jemqorlyq táýekelderine syrtqy taldaý júrgizdi. Aǵymdaǵy jyly bul jumys kólik jáne avtomobıl joldary komıtetterinde jalǵasady.

Sybaılas jemqorlyqqa qarsy bastamalardyń iske asyrylý barysyn jarııa ete otyryp, Agenttik Tóraǵasy Alık Shpekbaev: «Sybaılas jemqorlyqqa qarsy is-qımyl-búginde bul ýákiletti organ retindegi Agenttiktiń ǵana mindeti emes, búginde bul árbir basshynyń mindeti. Tek birigý arqyly ǵana biz jaǵdaıdy túbegeıli ózgerte alamyz. Budan mynadaı mýltıplıkatıvtik áser bolady: ekonomıkanyń ósýi, halyqtyń ál-aýqatyn arttyrý, adamı kapıtaldy damytý».

Sybaılas jemqorlyqqa qarsy qyzmettiń memlekettik organdardyń ashyqtyǵy, aıqyndylyǵy jáne klıentke baǵdarlanýy boıynsha júrgizip jatqan jumystary týraly aıta kelip, ol mınıstrlikti salalyq qyzmetterdiń tıisti spektrin kórsetý jáne jurtshylyqpen ózara is-qımyl jasaý úshin óńirlerde servıstik ortalyqtar ashýǵa shaqyrdy.

Sońǵy jańalyqtar

Qylań

Tanym • Búgin, 22:27

Ekpe saldyrýshylar sany artyp keledi

Aımaqtar • Búgin, 22:20

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Uqsas jańalyqtar