Aımaqtar • 26 Qańtar, 2021

Qordaıdaǵy bıofarmasevtıkalyq zaýyttyń qurylysy qarqyn aldy

17 ret kórsetildi

Memleket basshysy Qasym-Jomart Toqaevtyń tapsyrmasyna sáıkes, búginde Qordaı aýdanynyń Gvardeıskıı aýylynda bıologııalyq qaýipsizdik problemalary ǵylymı-zertteý ınstıtýty bazasyndaǵy bıofarmasevtıkalyq zaýyttyń qurylysy júrgizilip jatyr, dep habarlaıdy Egemen.kz

Atalǵan kásiporynda álemdik standarttar boıynsha ımmýnobıologııalyq preparattar, onyń ishinde koronavırýstyq ınfeksııaǵa, tumaýǵa, týberkýlezge, brýsellezge, nodýlıarlyq dermatıtke jáne basqa da ınfeksııalyq aýrýlarǵa qarsy vaksınalar shyǵarý josparlanyp jatyr. Onyń jyldyq óndiris kólemi 30-60 mıllıon doza bıologııalyq ónimdi quraıdy.

Jambyl oblysynyń ákimi Berdibek Saparbaev Qordaı aýdanyndaǵy bıofarmasevtıkalyq zaýyttyń qurylysy boıynsha keńes ótkizdi. Keńeske Qazaqstan Respýblıkasy Premer-Mınıstri Keńsesi basshysynyń orynbasary Oljas Smaǵulov, Densaýlyq saqtaý mınıstriniń birinshi vıse-mınıstri Marat Shoranov jáne Bilim jáne ǵylym mınıstriniń orynbasary Mıras Daýlenov qatysty.

Sonymen qatar basqosýda Bıologııalyq qaýipsizdik ǵylymı-zertteý ınstıtýtynyń basshylary, múddeli memlekettik organdardyń, sarapshylar men merdigerlerdiń ókilderi de boldy. Kezdesý barysynda jobany iske asyrýdaǵy aǵymdyq máseleler talqylandy. Sondaı-aq kelýshiler qurylys-montajdaý jumystary, óndiristik jabdyqty satyp alý jáne ornatý, valıdasııa jáne GMP sertıfıkattaý rásimderin jáne basqa da jaıttardy saralady.

«Zaýyttyń strategııalyq mańyzy bar. Sondyqtan jumys sapasyna jáne belgilengen merzimde aıataýǵa basa nazar aýdarý qajet. Zaýyt óndiristik tájirıbeniń halyqaralyq standarttaryna sáıkes kelýi tıis. Bul úshin barlyq memlekettik organdar men qurylymdardyń úılesimdi jumysy qajet», dedi Berdibek Saparbaev.

Budan keıin Berdibek Saparbaev Qordaı aýdanyn gazdandyrý máselesi boıynsha da keńes ótkizdi. Jıynda oblystyq energetıka jáne turǵyn úı-kommýnaldyq sharýashylyq basqarmasynyń basshysy Qudaıbergen Qorǵanbaev osy baǵytta júrgizilip jatqan jumystar týraly baıandap, qys mezgiline qaramastan, eldi mekenderge gaz qubyryn tartý jumystary jalǵasyp jatqanyn aıtty.

Jıynǵa mundaǵy jobalardy júzege asyryp jatqan merdigerlik uıymdardyń basshylary da qatysty. Keńes sońynda ákim Qordaı aýdanyndaǵy eldimekenderdi odan ári gazdandyrý boıynsha jaýapty tulǵalarǵa birqatar naqty tapsyrmalar berdi.

Sońǵy jańalyqtar

Aqtóbede «Igi ister» marafony bastaldy

Aımaqtar • Búgin, 17:48

Shymkentte mektepterde ystyq tamaqpen qamtýǵa ruqsat joq

Ońtústik Qazaqstan • Búgin, 15:52

Uqsas jańalyqtar