Aımaqtar • 28 Qańtar, 2021

Almaty oblysynda iri kólemde balyq aýlaǵan brakoner muz ústinde ustaldy

242 ret kórsetildi

Almaty oblysynda iri kólemde balyq aýlaǵan brakoner muz ústinde ustaldy, – dep habarlaıdy Polisia.kz.

Almaty oblysynyń tabıǵat qorǵaý polısııasy men oblystyq Balyq sharýashylyǵy jáne janýarlar álemi ınspeksııasynyń birlesken reıdi barysynda Balqash kóliniń Sarqan aýdanyna qarasty ýchaskesinde iri kólemdegi balyq aýlaǵan brakoner ustaldy. Kúdiktiniń balyq aýlaý kezinde qoldanystaǵy zańmen tyıym salynǵan tásildi paıdalanǵany áshkerelendi.

– Atalǵan derek boıynsha QR Qylmystyq kodeksiniń 335-babyna sáıkes sotqa deıingi tergeý amaldary júrgizilip jatyr. 40 jastaǵy kúdiktiniń kóligin tekserý barysynda 300 kılogramnan astam balyq tabylyp, tárkilendi. Sonymen qatar, qylmys quraly retinde paıdalaný tyıym salynǵan balyq aýy tárkilendi. Kúdiktiniń memleketke úsh mıllıonǵa jýyq materıaldyq shyǵyn ákelgeni anyqtaldy, – dedi oblystyq PD JPQB Tabıǵat qorǵaý ınspektory Baǵlan Rymjanov.

Tártip saqshylary tárkilegen balyqtar arnaıy qabyldaý oryndaryna ótkizilip, odan túsken qarajat memleket paıdasyna aýdarylatynyn atap ótý qajet. Esterińizge sala keteıik, Almaty oblysynda “Brakoner” jedel aldyn alý is-sharasy 16 qańtarda bastalyp, osy aıdyń sońyna deıin jalǵasady. Arnaıy shara barysynda buǵan deıin de tabıǵı baılyqqa qol suǵýshylar ustalǵan bolatyn.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar