Úkimet • 28 Qańtar, 2021

Roman Sklıar jumys saparymen Máskeýge bardy

15 ret kórsetildi

26-27 qańtarda Qazaqstan Respýblıkasy Premer-Mınıstriniń orynbasary Roman Sklıar bastaǵan úkimettik delegasııa Máskeý qalasyna jumys saparymen bardy.

Reseı Federasııasy Úkimeti Tóraǵasynyń orynbasary Iýrıı Borısovpen kezdesý barysynda ónerkásip jáne ǵarysh salalaryndaǵy yntymaqtastyqtyń keń aýqymdy máseleleri qaraldy.

О́nerkásiptik kooperasııa taqyryby Reseı Federasııasynyń ónerkásip jáne saýda mınıstri Denıs Mantýrovpen kelissózderde kórinis tapty. Taraptar ýaǵdalastyqtardy, onyń ishinde 2019 jylǵy 3 sáýirde eki memleket basshynyń qatysýymen qol qoıylǵan Qazaqstan-Reseı óndiristik kooperasııasy salasyndaǵy birlesken is-qımyl baǵdarlamasy sheńberindegi ýaǵdalastyqtardy iske asyrý barysyn talqylady.

Sapar aıasynda Roman Sklıar sonymen qatar Reseı Federasııasynyń kólik mınıstri Vıtalıı Savelevpen kezdesti. Kólik salasyndaǵy, sondaı-aq Qazaqstan-Reseı shekarasy arqyly avtomobıl joldary men ótkizý pýnktteriniń ınfraqurylymy salasyndaǵy ózara is-qımyldyń eń ózekti máseleleri talqylandy.

Kezdesýge qatysýshylar ekijaqty yntymaqtastyqty odan ári nyǵaıtý jáne ózara tıimdi birlesken jobalardy iske asyrý boıynsha birlesken kúsh-jigerdiń nátıjeliligin atap ótti.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar