Ákim bastap, dárigerler qostap...

Koronavırýsqa qarsy erik­ti túrde vaksına salý naý­qanyna alǵashqylardyń biri bolyp qala ákimi Murat Áı­tenov qatysty. Shahar bas­shy­sy Shymkent qalalyq №3 em­hanada ekpe aldynda dári­gerge tekserilip, qarsy kórset­kish­ter anyqtalmaǵan soń, erikti túrde ekpe ektirdi.

«Spýtnık V» vaksınasy­nyń 1 myń dozasy qalalyq qan ortalyǵyndaǵy muzdatqysh kameralarda ýaqytsha saqtaý úshin ornalastyrylyp, dúı­sen­bi tańǵy saǵat 06:00-de 4 em­hanaǵa jetkizildi. Egý úshin qa­la­daǵy emhanalardyń bazasynda 4 vaksınasııa kabıneti uıymdastyrylyp, vaksınalardy saqtaýǵa arnalǵan muzdatqyshtar ornatylǵan.

Erikti túrde vaksına egý úshin medısına qyzmetkeriniń tizimi qalyptastyrylǵan. So­ny­men qatar medısına qyz­met­kerleri úshin vaksınalaý boıynsha semınar-trenıngter ótkizilip, qajetti medısına qyzmetkerileriniń barlyǵy oqytýdan ótti. Vaksınalaýǵa profılaktıkalyq egýge qarsy kórsetkishteri joq adamdar jiberiledi. Vaksınalaý aldynda dárigerler turǵyndardy min­­detti túrde tekserýden ót­ki­­zedi. Búgingi tańda qalada tórt emhana bazasynda ekpe egi­­lý­de. Qalalyq №6 emhana sol tórt bazanyń biri.

Birinshi kezekte emhananyń 6 medısınalyq qyzmetkeri erikti túrde koronavırýsqa qarsy vaksına aldy. Emhana­nyń bas dárigeri Aıgúl Qy­lysh­baevanyń habarlaýynsha, pýnktke tań azanymen «Spýtnık V» vaksınasy­nyń 250 dozasy jetkizilgen. Alǵashqy kúni bul bazadan qaladaǵy 4 densaýlyq saqtaý mekemesinen 50-ge tarta medısına qyzmetkeri vaksına alady dep josparlanǵan.

«Aldymen densaýlyǵymdy tek­­sertip aldym. Dene qyzýym, qan qysymym barly­ǵy qa­lyp­ty jaǵdaıda bolyp, ruqsat etil­di. Jarty saǵat SOVID-19-ǵa qar­sy ekpe egýden keıingi kútý za­lyn­da mamandardyń ba­qy­laýyn­da boldym. Qazirgi jaǵ­da­ıym jaqsy. «Aýyryp em iz­d­e­genshe, aýyrmaýdyń jolyn izde» degen. Qazirgi tańda ko­ro­navırýstan saqtanýdyń bir­den-bir joly – osy ekpe bo­lyp tur. Osy kezge deıin dert­ke qarsy ózge de vaksına­lar­dy úzbeı alyp júrdim. Sol úshin asa qorqynyshty bol­ǵan joq. О́zimdi, otbasymdy, aı­na­lamdaǵy adamdardy saq­taý­dyń, qorǵaýdyń joly osy bol­­ǵan­dyqtan azamattyq min­de­tim­di oryndadym, – dedi al­ǵash bo­lyp indetke qarsy ekpe ektir­gen bas dáriger Aıgúl Qylyshbaeva.

Búgingi tańda qalada tórt emhana bazasynda ekpe egilýde. Sol bazanyń biri – qalalyq №6 emhana. Alǵashqy kezekte emhananyń 6 medısınalyq qyz­metkeri erikti túrde koro­na­vırýsqa qarsy vaksına aldy. Qalalyq №6 emhana bazasy vaksınalaýǵa aldyn ala daıyndalyp, qajetti qural-jabdyqtarmen jabdyqtalǵan. Ekpe alatyn medısınalyq qyz­metkerler birinshi dáriger­lik tekserýden ótip, óz kelisi­min jazbasha qaldyrady. So­syn ekpe júrgizilip, arnaıy kútý zalynda jarty saǵat dári­ger­lerdiń baqylaýynda bola­dy. Aıta keterligi, medı­sına mamandary vaksınalaý – koronavırýstyń odan ári taralýyna jol bermeı, qatań lok­daýn engizbeýdiń jalǵyz ba­la­masy degen oıdy ortaǵa salady.

ShYMKENT