Ekonomıka • 05 Aqpan, 2021

Qordaı aýdany qaıta túledi

38 ret kórsetildi

Bıyl Jambyl oblysynyń Qordaı aýdanynda oryn alǵan oqıǵaǵa bir jyl bolady. Jyl ishinde atalǵan aýdan qaıta túlep, damýdyń dańǵyl jolyna tústi. Memleket basshysy Qasym-Jomart Toqaevtyń tapsyrmasymen Qordaıǵa tıisti kóńil bólinip, máseleler oń sheshimin tabýda. Prezıdent pármenimen qazirgi kezde aýdan qaıta abattanyp, júıeli jumys atqarylýda. Aýdannyń birqatar aýyldarynda qonystanǵan kópultty halyq búginde beıbit, tatý tirlik keship otyr.

 

О́tken jylǵy qaqtyǵystan aýdan­daǵy Masanchı, Bular batyr jáne Aýqatty aýyldarynda 65 nysan zardap shekken bolatyn. Bul rette byltyr Prezıdent Qasym-Jomart Toqaev Qordaı aýda­nyna arnaıy kelip, oblys basshylyǵyna mundaǵy jaǵdaıdy retteýdi tap­syr­ǵan edi. Arada jyl ótpeı Mem­leket basshysynyń qoldaýy­men qalpyna keltirý jumystary jo­ǵary deńgeıde júrgizildi. Jalpy, ótken jyly Qordaı aýdanyna mem­leket qazynasynan 35,1 mlrd teń­ge bólinip, 400-ge jýyq joba iske asyrylǵan. Onyń ishinde «Jumyspen qamtýdyń jol kartasy», «Aýyl – el besigi», «Nurly jer» baǵdarlamalaryn júzege asy­rý maqsatynda qurylys-jón­deý jumystaryna 21,8 mlrd teńge bólingen. Bul qarajatqa aýdan boıynsha 3 mekteptiń qury­ly­sy, 5 kóp qabatty turǵyn úı, 6 aýyz­ sý júıesi, 7 ınjenerlik ınfra­qurylym, 4 sport kesheni, 4 qazandyq, 6 eldi mekendi gazdandyrý, 4 mektepti kúrdeli jóndeý, 6 densaý­lyq saqtaý, túrli deńgeıdegi 274 joldy qalpyna keltirý, 43 abat­tandyrý, 2 áleýmettik qyz­­met, 2 sý qoımasy jáne 23 aǵym­­da­ǵy jóndeý jumystary qol­ǵa alynǵan. Sonymen qatar atal­­ǵan jobalar aıasynda 4 630 jumys orny ashylǵan. Sondaı-aq «Ju­mys­pen qamtýdyń jol kar­tasy» baǵ­darlamasy aıasynda bó­l­in­­gen qarjyǵa 13 qurylys jobasy iske assa, odan bólek turǵyn úı-kommýnaldyq sharýashylyq, jolaý­shy­lar kóligi jáne avtomobıl joldary salasy boıynsha 198 joba qolǵa alyndy. Bul ju­mys­­tardyń ózi talaı ýaqyttan beri ózek­ti bolyp kele jatqan másele­ler­ge núkte qoıdy.

Al Qordaı aýdanyna Úkimet rezervi esebinen 101 jobaǵa 2 mlrd teńge bólingen. Respýblıkalyq bıýdjetten qarastyrylǵan qarajattyń 1,9 mlrd teńgesine 6 eldi mekendegi 96 kóshege ortasha jóndeý ju­mys­tary júrgizildi. Sonymen qa­tar oblystyq densaýlyq saqtaý bas­qar­­­masy arqyly 73 mln teńgege 3 dárigerlik ambýlatorııa kúrdeli jóndeý­den ótti. «Aýyl – el besigi» baǵdarlamasy aıasynda 1 mln 834 myń teńgege 24 joba iske asqan. Búginde aýdan ortalyǵy Qordaı aýylynda 884,5 mln teńgege 52,8 shaqyrym bolatyn 21 kóshege ortasha jóndeý jumystary jasalyp, tolyqtaı aıaqtalsa, Qordaı, Otar jáne Betqaınar aýyldarynda tıptik sport kesheni paıdalanýǵa berilip otyr. Al aýdanda «Nurly jer» jáne «О́ńirlerdi damytý» baǵdarlamalary aıasynda 7 594,1 mlrd teńgege 25 iri qurylys jobasy qolǵa alynǵanyn aıta ketý kerek. Onyń ishinde 13 jańa qurylys, 8 kúrdeli jáne 4 ortasha jóndeý jumystary bar.

Memlekettiń qoldaýymen Qor­daı aýdanynda turǵyndardyń bas­pa­na máselesi de sheshilip ke­le­di. Máselen, aýdandaǵy baspa­naǵa muqtaj az qamtylǵan jáne kóp balaly otbasylarǵa «Asar­la­typ úı salý» jobasy aıasynda 15 úı salynǵan. Bul bastama oblys ákimi Berdibek Saparbaevtyń ıdeıasy negizinde qolǵa alynǵan bolatyn. Al Qordaı aýylynyń «Batys» turǵyn alabynda bes qabatty úsh turǵyn úı boı kótergen. Dál osyndaı bes qabatty úı Qordaı aýylynyń «Shyǵys» alabynan boı kóterip, muqtaj jandarǵa berilgen. Al Táýelsizdik kúni qarsańynda Qa­rake­mer aýylyndaǵy 20 kom­mý­nal­dyq páter kezekte tur­ǵan kóp ba­laly otbasylarǵa jáne jas mamandarǵa tabystaldy. Son­daı-aq Qordaı aýdanynda búginge deıin 7,4 shaqyrym jol jańa­dan salynyp, 343,6 shaqy­rym ­jol ortasha jóndeýden ótken. Aýdandyq mańyzy bar avtomobıl joldarynyń jaqsy jáne qanaǵattanarlyq úlesi 90 paıyzǵa, al eldi mekender ishindegi kósheler 75 paıyzǵa jetip otyr. Qarakemer, Masanchı, Sortóbe, Bular batyr, Aýqatty, Qordaı, Áljan ana, Qarasaı jáne Eńbek aýyldaryna 100 paıyz asfalt jol tóselgen.

Osy ýaqytqa deıin Qordaı turǵyndary úshin gazdandyrý máselesi de ózekti bolyp keldi. Bıyl da bul máseleniń túıini tarqap, 22 eldi mekendi gazben qamtamasyz etý maqsatynda uzyndyǵy 248 shaqyrymdy quraıtyn úlken jobaǵa 11 mlrd teńge bólingen. Nátıjesinde 41 eldi mekenniń 34-i, ıaǵnı 146 600 turǵyn gazben qamtamasyz etilip otyr. Sol sııaqty, aýdan turǵyndaryn aýyz sýmen qamtamasyz etý maqsatynda 2,7 mlrd teńgege 6 Aral, Qarakemer, О́tegen, Kenen aýyldarymen qatar, Qordaı aýylynyń «Batys» alaby men Otar aýylynyń jańa alaptarynda aýyz sý qubyrlarynyń qurylystary aıaqtalyp, halyqty ortalyqtandyrylǵan aýyz sýmen qamtý úlesi 78 paıyzǵa jetip otyr. Bul jumystar aldaǵy ýaqytta jalǵasyn tabady.

Sondaı-aq aýdanda bilim salasyna nazar aýdarylyp otyr. Aldaǵy ýaqytta úsh birdeı mektep­tiń qurylysy esebinen apatty mektepter men oryn tapshylyǵy máse­lesi tolyqtaı sheshiletin bolady. Sonymen qatar 1,1 mlrd teń­gege 4 mektepke, 3 densaýlyq saqtaý mekemesine kúrdeli jóndeý jumystary júrgizilip, 4 áleýmettik nysanǵa jańa qazandyqtar salynyp, 6 áleýmettik nysannyń qazandyqtary gazǵa aýystyrylǵan. Taǵy bir aıta keterligi, quny 1,3 mlrd teńgeni quraıtyn 4 sporttyq-saýyqtyrý keshenderiniń qurylysy jyl sońyna deıin aıaqtalyp, paıdalanýǵa beriledi. 7 sport nysany, 8 oıyn alańy iske qosylyp, nátıjesinde buqara halyqtyń sporttyq ınfraqurylymǵa qolje­tim­diligi 27 paıyzdan 46 paıyzǵa jetip otyr. Al quny 5,3 mlrd teńge bolatyn «Qordaı» ótkizý pýnktin qaıta jańǵyrtý jumystary jyl sońyna deıin aıaqtalady. Qordaı aýylyndaǵy eń úlken kóshelerdiń biri – Jibek joly kóshesine zaman talabyna saı kóshe jaryǵy júrgizilip, jergilikti halyqtyń máselesi sheshildi. Otar aýylynda quny 307 mln teńge bolatyn 180 oryndyq mádenıet úıiniń qurylysy júrgizilýde. Kenen aýylyndaǵy Kenen Ázirbaev atyndaǵy mýzeıge de demeýshiler esebinen jóndeý jumystary júrgizilgen.

Memleket basshysy Qasym-Jomart Toqaevtyń tapsyrmasymen Gvardeıskıı qalashyǵynda bıologııalyq-ımmýndy preparattar, onyń ishinde koronavırýs indetine qarsy vaksına shyǵaratyn zaýyt qurylysy júrgizilip jatyr. Jobanyń jalpy quny 6,9 mlrd teńgeni quraıdy. Atalǵan zaýytty iske qosý 2021 jyldyń naýryz aıyna josparlanǵan. Mundaǵy qurylys jumystary oblys ákimi tarapynan da jiti baqylaýda. Sondaı-aq ótken jylǵy Qordaı oqıǵasynan zardap shekken 103 nysan demeýshiler esebinen qalpyna keltirildi. Al órtengen 41 úı, 13 kásipkerlik nysanǵa Qazaqstan Respýblıkasynyń «Aza­mat­tyq qorǵaý týraly» zańyna sáıkes, 213 mln teńgege jóndeý jumystary júrgizilgen. Máselen, Masanchı, Bular batyr jáne Aýqatty aýyldarynda qaqtyǵys kezinde 65 nysan zardap shekken. Onyń ishinde 46 turǵyn úı, 18 kásipkerlik, 1 sharýashylyq nysandary jáne 62 avtokólik bolǵan. Osy olqylyqtyń ornyn toltyrý úshin búginge deıin «Nur-Nıet» qaıyrymdylyq qorynan 600 myń teńge qarastyrylyp, 42 úı jáne jergilikti kásipkerler esebinen 1,4 mln teńgege 29 úı qalpyna keltirildi. Budan bólek, merdiger kompanııamen 1,2 mln teńgege plastıkalyq terezege demeýshilik kó­mek kórsetildi. Sondaı-aq Masanchı aýylynda demeýshiler ese­­bi­nen shaǵyn fýtbol, strıtvorkaýt, balalar oıyn alańshasy saly­nyp, paıdalanýǵa berildi. Odan bólek aýyl turǵyndaryna arnalǵan dema­lys alleıasynyń qurylysy aıaq­talyp otyr.

Jalpy, ótken jyly memleket tarapynan Qordaı aýdanyna tıisti kómek kórsetildi. Bul ret­te demeýshilerdiń de úlesi zor. Memleket basshysynyń qoldaýy­men bul kúnde Qordaı aýdany qaı­ta túlep, qarqyndy damý jolyna tústi.

 

Jambyl oblysy,

Qordaı aýdany

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar