Medısına • 05 Aqpan, 2021

Jambyl oblysynda sút bezi qaterli isigi birinshi orynǵa shyqqan

3 ret kórsetildi

Jambyl oblystyq kópbeıindi aýrýhanasynyń bas dárigeri Abaı Nurjanov óńirlik kommýnıkasııalar qyzmetiniń alańynda brıfıng ótkizip, búginde oblysta obyr aýrýynyń úles salmaǵy boıynsha sút bezi qaterli isigi birinshi orynǵa shyqqanyn aıtty.

Onyń aıtýynsha bul 12,2 paıyzdy qurap otyr eken. Al, ekinshi orynda 10,0 paıyz ókpeniń qaterli isigi, asqazan qaterli isigi 8,5 paıyz, teri qaterli isigi 7,9 paıyz, jatyr moıny qaterli isigi 5,2 paıyz, toq ishek pen tik ishek qaterli isigi 4,7paıyz bolyp otyr.

Brıfıng barysynda bas dáriger aýrýdyń ótken jylǵy kórsetkishterine de toqtaldy. О́tken jyly oblysta obyr aýrymen tirkeýde turǵandar sany 7652-ge jetken. Al, 2019 jyly 7360 bolǵan. «2020 jyly qaterli isik alǵashqy ret anyqtalǵan aýrýlar sany 1414-ti qurasa, 2019 jyly 1550 bolǵan. Al,aýrýshańdyq kórsetkishi 124,2 boldy. Iаǵnı, az da bolsa onyń tómendegeni baıqalady. О́lim kórsetkishine kelsek, oblys  boıynsha 2020 jyly 768 aýrý qaıtys bolyp, ólim kórsetkishi 100,0 myń adamǵa shaqqanda 67,4-ti qurady. 2019 jyly 743 adam qaıtys bolyp, ólim kórsetkishi 66,0-ti qurdy. О́lim kórsetkishiniń azdap kóterilgeni baıqalady. Onyń sebebi esepte turǵan aýrýlardyń kóbeıýine baılanysty dep esepteımiz», dedi bas dáriger Abaı Nurjanov.

О́tken jyly óńirde qaterli isikpen alǵash ret aýyrǵan 1414 adamnyń  58,2 paıyzy syrqattyń I jáne II satysynda ekeni anyqtaldy. Eger bul naýqastar qajetti emdi ýaqtyly alsa, jazylyp ketý múmkindigi joǵary eken. Aıta keteıik, elimizde190 myń 159 adam onkologııalyq aýrýmen esepte turady. Onyń ishinde Respýblıka boıynsha 33 537 adam atalǵan aýrýmen alǵash ret aýyrǵan. Jıyn sońynda dáriger turǵyndarǵa aýrýdyń aldyn alý úshin turaqty túrde tekserilip turýǵa keńes berdi.

 

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar