Aımaqtar • 11 Aqpan, 2021

Múmkindigi shekteýli jandarǵa berilgen múmkindik

109 ret kórsetildi

Osydan biraz ýaqyt buryn Taraz qalasynda múmkindigi shekteýli jandarǵa arnalǵan «Asar» ońaltý ortalyǵynyń qurylysy bastalǵan. «Asar» Jambyl oblysynyń múgedektermen jumys isteıtin uıymdar odaǵy» Zańdy tulǵalar birlestigine arnalǵan ońaltý ortalyǵynyń qurylysy kóne shahardaǵy «Mamyr» toǵaıyndaǵy jasyl jelektiń arasynda júrgizilýde. Ortalyq eki nysannan turady.

 

Taraz qalasynyń ákimi Aıt­qazy Qarabalaevtyń aıtýynsha, ortalyqtaǵy osy jáne ózge de jumystar jergilikti kásip­kerlerdiń kómegimen júzege asýda. Olardyń birqatary qaıtarymsyz negizde qurylys materıaldaryn jetkizip berse, endi biri qarjylaı qoldaý kórsetip keledi.

Bul bastama óńirdegi múm­kindigi shekteýli jandarǵa jańa múmkindikter berip otyr. Negi­zinen «Asar» ZTB jumysyn demeýshiler esebinen júrgizedi. «Ortalyq negizinen múgedek balalardy ońaltý jáne beıimdeýmen aınalysady. О́tken jyly 5 bala jalpy bilim beretin mektepke barsa, tirek-qımyl apparaty bu­zylǵan 17 bala júre bastady. Sonymen qatar múmkindigi shekteýli jandar úshin bıznes-ınkýbator uıymdastyrý da josparlanýda. Qoǵamdyq birlestikter olardy búgingi tańda suranysqa ıe mamandyqtarǵa oqytyp, odan ári jumysqa ornalastyrýǵa nıetti. Bizdiń basqarma olarmen memlekettik-áleýmettik tapsyrys sheńberinde jumys isteýdi josparlap otyr. Ol úshin bıýdjetten aqsha qarastyrylatyn bolady», deıdi oblystyq jumyspen qamtýdy úılestirý jáne áleý­mettik baǵdarlamalar basqar­ma­sy­nyń basshysy Jorabek Baý­bekov.

«Asar» ZTB-nyń basshysy Rýslan Tólegenov ortalyq fızıoterapııa, zooterapııa jáne bıznes-oqytý sııaqty úsh baǵyt bo­ıynsha jumys isteıtinin jet­­kizdi. Ol negizgi maqsat – bar­­lyq tıisti úkimettik emes uı­ym­­dardy biriktirý, olardyń kúsh-jigerin, bıýdjettik jáne demeý­­shilik qarajattaryn ar­tyq shyǵyndamaý, bir-birin qaı­talamaý, múgedekter ómiriniń má­selelerin sheshý, olarǵa jan-jaqty qoldaý kórsetý ekenin de aıtty. «Biz kelgen adamnyń eń áýeli qanshalyqty qabiletti ekendigin anyqtaımyz. Sodan keıin ony stasıonarǵa nemese kádesyılar jasaý sheberhanalaryna jumysqa jiberemiz. Sondaı-aq olardy óz bıznesin uıym­dastyrýǵa jáne júrgizýge úı­retemiz. Jumysymyzdy osy baǵytta júıeleı túskimiz kele­di. Bul turǵyda bizdiń memleket «Múgedekterdi ońaltý» ba­ǵyty boıynsha jumys is­teıtin qoǵamdyq uıymdardyń qyzmetkerlerine áleýmettik qyzmetkerler mártebesin berse eken degen tilegimiz bar. Bizde grant­tarǵa alynǵan 3D stanok­tarǵa deıingi ártúrli óndiristik jabdyqtar bar. Buryn olardy uıymdastyrýǵa múmkindik beretin bólmeler joq bolatyn», deıdi Rýslan Tólegenov. Osylaısha, múmkindigi shekteýli jandarǵa mem­leket tarapynan tıisti qol­daýlar da qajet bolyp otyr.

Sonymen qatar ońaltý orta­lyǵynda turaqty kútimdi qa­jet etetin múgedekterdiń týys­taryna psıhologııalyq jáne praktıkalyq kómek kórsetý baǵdarlamasyn iske asyrý jos­parlanýda. «Múgedekter bizge kelip-ketip júredi, al ata-analary men jaqyndary olarmen únemi birge. Olar bir-birin qanshalyqty jaqsy kórgenimen, báribir fızıkalyq jáne emosıonaldy sharshaý bolmaı turmaıdy. Biz olarǵa sál ýaqytqa bolsa da aýyrtpalyqtan arylýǵa kómek­tesemiz. Mysaly, jaqynda ǵa­na bir áıel bizge qońyraý shalyp, kúıeýiniń múgedek bolyp tý­ǵan balasyn moıyndaǵysy kelmeıtinin jetkizdi. Biz otbasyn­daǵy tynyshtyq pen tatýlyqty qalpyna keltirý úshin de kóptegen psıhologııalyq jumystar júr­gizdik», deıdi ortalyq basshysy. Bul jumystar ári qaraı óz jalǵasyn tabady.

Alaıda atalǵan ortalyqta sheshilýi tıis máseleler de bar eken. Jýyrda ǵana oblys ákimi Berdibek Saparbaev «Asar» orta­lyǵyna kelip, atalǵan mekemege jumysqa keletin mamandardyń arasynda massajıst joq eken­digin aıtqan edi. Sóıtip bul máse­leni kórý qabileti nashar adam­dardy oqytý arqyly sheshýge bolatynyn aıtyp, Taraz qala­syndaǵy medısınalyq kolled­jinen múmkindigi shekteýli jandar arasynan massajısterdi daıyndaıtyn arnaıy top ashýdy tapsyrǵan. Sondaı-aq oblysta múmkindigi shekteýli adamdarǵa arnalǵan birde-bir monsha joq ekendigi aıtylyp, bul másele de sheshimin tabatyn boldy. Eger munyń bári retimen júzege asatyn bolsa, óńirdegi múmkindigi shekteýli jandarǵa taǵy da jańa múmkindikter beriledi.

 

Jambyl oblysy

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar