Aımaqtar • 12 Aqpan, 2021

Jańatas qalasyndaǵy jylý qazandyǵy qalpyna keltirildi

2 ret kórsetildi

9 aqpan kúni Sarysý aýdanynyń ortalyǵy Jańatas qalasyndaǵy ortalyq qazandyqta jylytý qurylǵylary isten shyqqan bolatyn. Atalǵan máselege oraı, Jambyl oblysy ákiminiń tapsyrmasymen oblys ákiminiń orynbasary Ulan Jazylbek, Sarysý aýdanynyń ákimi Baqytjan Jaqsylyqov jáne kommýnaldyq mekemelerdiń basshylary oqıǵa ornyna bardy.

Nátıjesinde, jylý jáne ystyq sýmen qamtýdy turaqtandyrý jóninde barlyq tıisti sharalar qolǵa alynyp, medısınalyq nysandar ýaqytsha qosymsha elektr jylytý qurylǵylarymen qamtyldy. Qurylǵylardyń isten shyǵý sebepterin anyqtaý men Jańatas qalasyn jylýmen qamtýdy qalpyna keltirý boıynsha jumys toby quryldy.

  Qabyldanǵan sharalardyń nátıjesinde, Jańatas qalasyndaǵy «Jańatas Sý-jylý» kommýnaldyq memlekettik mekemesiniń ortalyq qazandyǵy turaqty túrde jylý bere bastady. 11 aqpan, keshki saǵat 22:00-de beriletin jylý temperatýrasy +39, al qaıtarymy +26 gradýsty kórsetti. Apatty jaǵdaıdan soń mazýt qubyrlaryn, qoımasyn kondensattan, bý qazandyǵyn sýdan tazalaý jumystary júrgizilip, qosymsha Qarataý qalasynan mazýt jetkizildi. Qazirgi ýaqytta 720 tonna otyn qory jasaqtaldy. Aqpan aıynyń sońyna deıin 1500 tonna jetkizý kózdelip otyr. Qazirgi ýaqytta jylý berýdegi temperatýralyq rejım turaqtalyp keledi.

  Aldyn ala málimetter boıynsha, qazandyqtyń isten shyǵýyna sapasyz mazýt sebep bolǵan. Qazir otyn jetkizýge jaýapty merdiger mekemege shara qoldaný máselesi qarastyrylýda. Qaladaǵy ortalyq jylý qazandyǵy 92 kópqabatty turǵyn úı, 41 bıýdjettik mekeme, onyń ishinde 11 bilim berý jáne 2 densaýlyq saqtaý nysanyn jylýmen qamtıdy.

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar