Tehnologııa • 16 Aqpan, 2021

IT-naryqtaǵy aıshyqty ózgerister

37 ret kórsetildi

О́tken jyl barlyq salaǵa ózgeris ákeldi. Ásirese aqparattyq-tehnologııalyq baǵytta úlken dúmpý sezildi. IT-naryqtaǵy jahandyq trendter Qazaqstandy aınalyp ótken joq. Osy oraıda IT jáne ınnovasııa salasyndaǵy sarapshy Erkeǵalı Mashır elimizge tikeleı áser etken negizgi ózgeristerdi atap ótti.

E.Mashırdiń pikirinshe, «bult­ty» sheshimder sońǵy bes jyl kóle­minde álemdik IT-naryqtaǵy negizgi trendtiń birine aınalǵan. De­mek, onyń Qazaqstanǵa áser etýi zańdylyq. Keıbir kompanııa­lar «bultty» servısterdi ınfra­qurylymdy ustap turýǵa, derek­terdi saqtaýǵa, qyzmetterdiń joǵa­ry qoljetimdiligin qamtamasyz etý­ge jumsalatyn shyǵyndardy azaı­tý úshin paıdalanady. Al endi biri aǵymdyq máselelerdi sheshý úshin ǵana qoldanady. «Bult­ty» servıs­ter kez kelgen aýqym­daǵy bızneske platforma men de­rekterdi basqarýǵa múmkindik berip, prosesterdi oń­taılandyrýǵa kómektesedi. Búgingi tańda Amazon, Microsoft, Google jáne Yandex sııaq­ty iri kompanııa­lardan bólek, jergilikti baılanys operatorlary da naryqtyń túrli segmentteri men qyzmet baǵyt­ta­ry boıynsha tıimdi «bultty» she­shimderdi usynyp keledi.

– 2020 jyldyń kóp bóligin qashyqtan jumys isteýge arnadyq. Sol sebepti ZOOM qosymshasyn paıdalanýshylar bazasy byltyr 30 ese ósken. Al kompanııa aksııa­larynyń quny 100 dollardan 600 dollarǵa deıin eselenip, AQSh-tyń eń qymbat IT kásiporyndarynyń úzdik jıyrmalyǵyna endi. Servıs­tik qyzmetterdiń barlyǵy joǵary sapaly baılanys arnasy men derekter ortalyǵy bolmasa, ómirsheń dúnıege aınala almaıdy, – deıdi inbusiness.kz saıtyna suhbat bergen E.Mashır.

Demek, «bultty» servısterge negizdelgen ZOOM qosymshasy qazaqstandyqtardyń ómirine ózgeris engizdi.

Sonymen qatar byltyr onlaın tólem, onlaın aýdarym sekildi fın­teh-servısterdiń de dáýreni júrdi. Bul rette Kaspi bankti atap ótý­ge bolady. О́tken jyly dál osy qo­sym­shaǵa degen suranys ta erekshe artty.

– Kaspi bank emes, IT-kompanııaǵa aınalǵandaı áser qaldyryp keledi. Qazaqstan halqynyń 41,49 paıyzy Kaspi qosymshasyn aı saıyn turaqty túrde qoldanady. Bul degenimiz – 7,8 mln adam. Kaspi-di Reseıdiń «Tınkoff» bankimen salystyryp kórelik. Kórshi eldiń naryǵyndaǵy 146,7 mln klıenttiń tek 6 mln ǵana «Tınkoff»-tyń ıgiligin kórip otyr. Máselen, «Iаn­deks» kompanııasy «Tınkoff»-ty 5,48 mlrd dollarǵa satyp al­ǵysy keldi, al Kaspi-diń London bır­jasyndaǵy IRO-sy 6,5 mlrd dollarǵa baǵalandy. Qazaqstandyq Kaspi-diń qandaı qýatqa ıe ekenin osydan-aq ańǵarýǵa bolady, – deıdi sarapshy.

Sondaı-aq byltyr onlaın oqý qarqyn aldy. Adamdar munyń qanshalyqty tıimdi ekenin túsindi. Qazaqstandyqtardyń ómirindegi úlken ózgeristerdiń biri sol boldy.

– Qazaqstannyń pandemııa bas­talǵan kezde bilim berý júıesin onlaın formatqa kóshirýi sátsizdikke ushyrady dep aıtýǵa bolady. Dese de, júıeni rettep, qalpyna keltirýge múmkindik týdy. Qazir onlaın oqý úzdiksiz júrip jatyr. Atap óterligi, pandemııanyń nátıjesinde mektepter men ýnıversıtetterde bilim alý­ǵa arnalǵan otandyq platformalar paıda boldy. Men materıaldardy sıfrlandyrýǵa nazar aýdarar edim. О́ıtkeni oqý konferensııa baılanysy emes qoı. Bul jerde kitaptar, materıaldar, bazanyń ózi jáne oqytý ádistemesi sıfrlandyrylýy kerek, – deıdi ol.

Jasandy ıntelekt jer-jahan­dy jaýlap keledi. Alaıda ázirge Qazaqstanǵa tisi batar emes. E.Ma­shırdiń aıtýynsha, bizdiń elde bul baǵyttaǵy orny myqty oıynshylarmen áli tolyǵa qoıǵan joq.

– Belsendi damyp kele jatqan startaptarǵa jáne sheteldik oıyn­shylardyń naryqqa kirýine qa­ramastan, keıbir mańyzdy ózgerister tek iri korporasııalarda ǵana oryn alýda, – deıdi IT jáne ınno­vasııa salasyndaǵy sarapshy.

Sońǵy jańalyqtar

Qıly-qıly taǵdyrlar

Tarıh • Keshe

Tozaqtan ótse de túńilmegen

Rýhanııat • Keshe

Radıst qazaq qyzdary

Tarıh • Keshe

Qarsy barlaýshylar qaharmandyǵy

Rýhanııat • Keshe

Maıdangerdiń ónegeli joly

Rýhanııat • Keshe

Turlaýy qıyn taǵdyrlar

Tarıh • Keshe

Bar úmitimiz Almat Kebisbaevta

Sport • 08 Mamyr, 2021

Bir shańyraqtan – úsh maıdanger

Rýhanııat • 08 Mamyr, 2021

Jetpis jeti jyldan keıin kelgen marapat

Aımaqtar • 08 Mamyr, 2021

Taraz qalasynda 20 soǵys ardageri bar

Aımaqtar • 08 Mamyr, 2021

Qazaqstannyń 7 óńiri «qyzyl aımaqta» tur

Koronavırýs • 08 Mamyr, 2021

Qazaq degenimiz – Baýyrjan...

Rýhanııat • 08 Mamyr, 2021

505-shi túrmeniń tutqyndary

Tarıh • 08 Mamyr, 2021

Áskerı ınjenerler ustahanasy

Oqıǵa • 07 Mamyr, 2021

Boryshymdy abyroımen ótesem deımin

Rýhanııat • 07 Mamyr, 2021

Ardagerler azaıyp bara jatyr...

Qazaqstan • 07 Mamyr, 2021

Uqsas jańalyqtar