Qazaqstan • 16 Aqpan, 2021

NQA jobalaryna sarapshylardy konkýrstyq irikteý bastaldy

6 ret kórsetildi

NQA jobalaryna sybaılas jemqorlyqqa qarsy ǵylymı saraptama júrgizý boıynsha sarapshylardy konkýrstyq irikteý bastaldy, dep habarlaıdy Egemen.kz.

EYDU usynymdaryn iske asyrýǵa Memleket basshysynyń bastamasy boıynsha NQA jobalaryna sybaılas jemqorlyqqa qarsy saraptamany qalpyna keltirý boıynsha keshendi jumys júrgizildi.

Atalǵan jumystyń negizgi maqsaty normatıvtik-quqyqtyq aktilerdi qoldaný kezinde sheneýniktiń tańdaý erkindigin shekteý, sondaı-aq, NQA jobalaryndaǵy sybaılas jemqorlyqqa ushyraǵan normalardy anyqtaý jáne olardy joıýǵa baǵyttalǵan usynymdardy ázirleý bolyp tabylady.

Sybaılas jemqorlyqqa qarsy saraptamanyń tıimdiliginiń negizi 125 sarapshydan turatyn sarapshylar tiziliminiń sapalyq quramy bolyp tabylady.

Azamattardyń basym kópshiliginiń osy jumysqa belsendi qatysý múmkindigin qamtamasyz etý maqsatynda tizilim turaqty negizde jańartylatyn bolady.

Osyǵan oraı sarapshylyq qoǵamdastyq ókilderin keńinen tartý jáne sarapshylardy irikteýdiń barlyq kezeńderiniń ashyqtyǵyn qamtamasyz etý strategııalyq turǵydan mańyzdylyqqa ıe bolýda.

Osyǵan baılanysty, aǵymdaǵy jyly 15 aqpanda NQA jobalaryna sybaılas jemqorlyqqa qarsy ǵylymı saraptama júrgizý úshin, sarapshylardy tórt kezeńnen turatyn konkýrstyq irikteýdiń bastalǵany týraly jarııalandy:

1) konkýrsqa qatysýǵa nıet bildirgen tulǵalardan qujattardy qabyldaý – aǵymdaǵy jyly 15-19 aqpan aralyǵy;

2) konkýrstyq irikteýge qatysýshylardyń qujattaryn qaraý - aǵymdaǵy jyly 22-23 aqpan aralyǵy;

3) úmitkerlerdi testileýden ótkizý - aǵymdaǵy jyly 26 aqpany;

4) sarapshylar tizilimine engizý úshin kandıdattarmen suhbattasý – aǵymdaǵy jyly 1, 2, 3 naýryz.

Obektıvtilik pen beıtaraptylyqty qamtamasyz etý maqsatynda árbir kezeń boıynsha sheshimder qabyldaýdy Agenttiktiń qyzmetkerleri, úılestirýshi jáne qoǵamdastyq ókilderi qatarynan arnaıy qurylǵan konkýrstyq komıssııa júzege asyratyn bolady.

Sondaı-aq, suhbattasý rásimi Agenttik pen úılestirýshiniń áleýmettik paraqshalarynda onlaın-formatta kórsetiledi.

Konkýrstyq irikteýge qatysýǵa nıet bildirgen úmitkerlerdiń qujattaryn qabyldaý poshta arqyly qolma-qol nemese elektrondyq túrde ýnıversıtettiń elektrondyq poshtasynyń meken-jaıyna ([email protected][email protected]) joldaý arqyly júzege asyrylady.

Osyǵan baılanysty Agenttik sybaılas jemqorlyqqa qarsy saraptama júrgizýge qatysýǵa jáne sybaılas jemqorlyqty joıýǵa óziniń jeke kásibı úlesin qosýǵa barlyq nıet bildirýshilerdi shaqyrady.

Konkýrstyq irikteýdiń erejelerimen úılestirýshiniń saıtynda (https://www.kaznu.kz/kz/23392/page/) tanysýǵa bolady.

Bul ınstıtýt ótken jyldyń qarasha aıynan bastap jumys isteı bastaǵanyn esterińizge sala keteıik. Saraptamaǵa barlyǵy 4 myńǵa jýyq NQA jobasy kelip tústi, olarǵa 9164 sybaılas jemqorlyq faktory bar 3116 qorytyndy daıyndaldy.

Saraptama nátıjeleriniń qoljetimdiligin qamtamasyz etý úshin, árbir NQA jobasynyń quny kórsetilgen qorytyndylar ornalastyrylǵan «Saraptama» (www.expertize.kz) sybaılas jemqorlyqqa qarsy saraptamanyń arnaıy portaly quryldy.

Sybaılas jemqorlyqqa neǵurlym beıim salalardyń qatarynda áleýmettik, qarjylyq, medısınalyq, aýyl sharýashylyǵy jáne áleýmettik zańnamalary aıqyndalǵan.

Sońǵy jańalyqtar

Uqsas jańalyqtar