Qarjy • 17 Aqpan, 2021

Zeınetaqy jınaǵynan jeke tabys salyǵy qalaı tólenedi?

11 ret kórsetildi

Memlekettik kirister komıteti turǵyn úı jaǵdaıyn jaqsartýǵa, qymbat em qabyldaýǵa aqy tóleýge zeınetaqy jınaqtarynyń bir bóligin paıdalaný barysynda salyq salý tártibine túsindirme berdi. Bul maqsattarǵa birjolǵy zeınetaqy tólemderine salyq salýdyń jeke tártibi kózdelgen.

Jeke tabys salyǵy (JTS) somasyn ustap qalýdy «Biryńǵaı jınaqtaýshy zeınetaqy qory» AQ (BJZQ) jeke tulǵanyń tańdaýy boıynsha eki tásildiń birimen JTS ustap qalý týraly ótinish negizinde júrgizedi. Birinshiden, BJZQ ýákiletti operatorǵa aýdarǵan kezde – bir ret, ekinshiden, BJZQ belgilegen keste boıynsha (zeınetaqy aýdarý bastalǵan kelesi aıdan bastap) 16 jyldan aspaıtyn merzim ishinde aı saıyn teń úlestermen júzege asyrylady. Mysaly, salymshynyń jeke zeınetaqy shotyndaǵy zeınetaqy jınaqtarynyń somasy =

8 500 000 teńge; jetkiliktilik shegi = 3 500 000 teńge; birjolǵy zeınetaqy tólemi = 5 000 000 teńge (8 500 000 -3 500 000) bolsa, JTS tóleýdiń 1-tásili eseptelgen JTS somasy = 5 000 000 (tolyq kólemde) * 10%= 500 000 teńge; ustap qalýǵa jáne bıýdjetke aýdarýǵa JTS somasy = 500 000 teńge; birjolǵy zeınetaqy tólemi túrindegi kiris somasy = 4 500 000 teńge

(5 000 000 – 500 000) bolady. Al JTS tóleýdiń 2-tá­sili eseptelgen JTS somasy = 5 000 000 (tolyq kólemde) * 10%= 500 000 teńge bolsa, birjolǵy zeı­netaqy tólemi túrindegi kiris somasy = 5 000 000 teńge bolmaq. Bul rette JTS zeınetaqydan ustalady.

«JTS ustap qalýdyń ekinshi tásilin tańdaǵan kezde (zeınetaqyny aýdarý kezinde keıinge qaldyra otyryp) keıinge qaldyrýdy alǵannan keıin bolǵan jaǵdaılar boıynsha JTS ustap qalý boıynsha jekelegen erejeler belgilengen. Iаǵnı Qazaqstan aýmaǵynan tys jerlerge turaqty turýǵa ketken kezde – zeınetaqy tóleminiń somasynan bir ret; zeınetaqy jınaqtarynyń somalaryn saqtandyrý uıymdaryna aýdarý kezinde – zeınetaqy tóleminiń somasynan bir ret; qaıtys bolǵan jaǵdaıda – muragerlermen muraǵa qaldyrylǵan zeınetaqy jınaqtarymen bir mezgilde», dep tolyqtyrdy Memlekettik kirister komıteti.

 

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar