Ádebıet • 24 Aqpan, 2021

Túrkistanda «Uly Jeńiske – 75 jyl» kitabynyń tusaýy kesildi

7 ret kórsetildi

Túrkistan oblystyq ardagerler keńesiniń IV plenýmynda «Uly Jeńiske – 75 jyl» kitabynyń tusaýy kesildi. Oblys basshylyǵynyń qoldaýymen jaryq kórgen kitapta ardagerler týraly sońǵy derekter tolyq qamtylǵan, dep habarlaıdy Egemen.kz

Jıynǵa aýdan, qalalardan beınebaılanys arqyly aýdandyq, qalalyq jáne bastaýysh ardagerler uıymdarynyń ókilderi, ájeler alqasynyń tóraıymdary, zııaly qaýym, aýdan, qalalyq Jastar resýrstyq ortalyǵynyń basshylary qosyldy.

«Biz keler urpaqtyń Táýelsizdikke qurmetpen qaraýyn qanshalyqty qalaıtyn bolsaq, sonshalyqty onyń qadirin túsindire bilýimiz kerek. Ol árıne, ózderińizdiń kómekterińizben júzege asady. Osy oraıda barshańyzdy Táýelsizdiktiń 30 jyldyǵy aıasyndaǵy mańyzdy sharalarǵa atsalysyp, jastardyń sanasyna onyń qadir, qasıetin sińirýge bir kisideı atsalysýǵa shaqyramyn», dedi otyrysta sóz alǵan oblys ákiminiń orynbasary Sáken Qalqamanov.

Al oblystyq Ardagerler keńesiniń tóraǵasy Jeńisbek Máýlenqulov  elimizde, sonyń ishinde oblys kólemindegi dinı ahýal turaqty bolǵanymen, búgingideı aqparattar aǵyny shekten tys taralyp jatqan ýaqytta arqany keńge salmaý qajettigin aıtty.

«Sondaı-aq álemde, elimizde oryn alǵan pandemııaǵa baılanysty jaqyndarymyzdan kóz jazyp qalǵan oqıǵalar az emes. Keı jerlerde janaza kúnderi adamdardyń kóp shoǵyrlanýymen qatar, as-sýlardyń ysyrapqa ushyrap jatqandyǵyna qoǵam kýá. Sondyqtan aldaǵy ýaqytta oblystyq «Ardagerler keńesi», zııaly qaýym ókilderi men Qazaqstan musylmandary dinı basqarmasynyń ókildigimen birlese otyryp, osy máseleni retteýdiń tıimdi tásili retinde jer-jerlerde túsindirý jumystaryn júrgizý qajet», dedi J.Máýlenqulov.

Oblys kóleminde Qazaqstan musylmandary dinı basqarmasynyń 750 meshit-fılıaldary jumys atqarýda. Bul respýblıkadaǵy meshitterdiń 3/1 quraıdy. Jastar arasyndaǵy túrli jat qylyqtardyń aldyn alý, ulttyq ádet-ǵuryptardy saqtaý maqsatynda «Ardagerler keńesi» janynan qurylǵan «Ákeler mektebi» tıisti sharalardy qolǵa alýdy kózdeýde. Jıynda, sondaı-aq oblystyq ardagerler keńesi 2021 jylǵa josparlaǵan negizgi is-sharalardy júzege asyrý mindetteri aıtyldy. Keńes músheleri óz oılaryn ortaǵa saldy.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar