Qoǵam • 25 Aqpan, 2021

Shymkenttik ustaz – respýblıkada úzdik atandy

101 ret kórsetildi

Adal eńbegimen elge tanylǵan adamdar qaı salada da kezdesedi. Búkil bir áýlettiń atadan balaǵa beriletin kásibi arqyly eldiń qurmetine bólenýi sol eńbektiń aqtalǵanyn kórsetse kerek. Sondaı otbasynyń biri – Shymkent qalasynda turatyn Júnisbekovter áýleti.

ul úlken otbasyn qala turǵyndary «Ustazdar dınastııasy» dep atap ketken. Osyndaı otbasyda týyp, ósken Dana Júnisbekova búginde M. H. Dýlatı atyndaǵy úsh tilde oqytatyn № 8 mamandandyrylǵan gımnazııada fızıka páninen ustazdyq etedi. 

Dananyń bul mamandyqty tańdaýǵa ákesi Dúısebaı Júnisbekov sebep bolǵan. Ákesi 35 jyldan astam ýaqyt fızıka páninen sabaq berýmen birge metodıkalyq qoldanbalar, oqýlyqtar jazǵan. Bolashaqta bul eńbekterdi óz balalary qoldanýdy armandap, ózinen órbigen perzentterin bilim salasyna baǵyttaǵan. 

Áke tilegi oryndalyp, bes perzenti aǵartý jolyn tańdady. Dana Dúısebaıqyzy jáne baýyrldary áke jolynyń izimen Shymkent qalasyndaǵy mektepterde ustazdyq eńbekterin adal atqaryp keledi. 

Dana Dúısebaıqyzy - óz isiniń naǵyz mamany, zaman talabyna saı bilimdi, bilikti, shyǵarmashyl ustaz. Ol QR bilim jáne ǵylym mınıstrliginiń 1-dárejeli dıplomymen, Respýblıkalyq KIO olımpıadasynyń birneshe ret jeńimpazy, «Nıýton» olımpıadasynyń «Alǵys hatymen» jáne  2018 jyly elimizdiń «Úzdik pedagog-2018» tósbelgisimen marapattalǵan. 

Respýblıkalyq, qalalyq semınar sabaqtar barysynda ózindik is-tájirıbesimen de bólisip otyratyn jańashyl ustaz – YouTube jelisinde «Fızıka. Teorııa. Praktıka» kanalyna jarııalap otyrady. Qazirgi tańda YouTube kanalyndaǵy sabaqtardy metodıka retinde qoldanýshy ustazdar sany artyp keledi. 

О́tken jyly elimizde múmkindigi shekteýli balalarǵa erikti túrde ustazdyq etkeni úshin respýblıkalyq «Pedagogtar akademııasy» qoǵamdyq birlestigi uıymdastyrǵan «Jyl volontery» baıqaýynda «Bilimdi áıgileýdegi úlesi úshin» nomınasııasy boıynsha úzdik atandy. 

D.Júnisbekova balalardyń qabiletin ushtaý maqsatynda 2012-2016j.j. aralyǵynda 7,9,10,11-synyptarǵa arnalǵan «Fızıka» oqý – ádistemelik quraldaryn jazǵan. Sonymen birge, 8-synypqa arnalǵan «О́zindik jáne baqylaý jumystary» jınaǵynyń avtory.

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar