Aımaqtar • 26 Aqpan, 2021

Almatyda halyqaralyq forým ótti

15 ret kórsetildi

Pandemııa jaǵdaıyndaǵy bilim berý júıesiniń bolashaǵy qandaı bolmaq? Naqty usynystar bar ma? Osy jáne ózge de saýaldarǵa jaýap izdeý maqsatynda Qyzdar ýnıversıtetinde halyqaralyq forým ótti. Bul týraly oqý ornynyń baspasóz qyzmeti habarlady.

Onlaın rejimde uıymdastyrylǵan alqaly jıynǵa AQSh, Túrkııa, Polsha, Qazaqstan, О́zbekstan, Qyrǵyzstan jáne Reseı memleketterinen ǵalymdar men joǵary oqý oryndarynyń oqytýshylary qatysty.

Halyqaralyq bilim kúnine oraı uıymdastyrylǵan basqosý barysynda koronavırýs indetiniń álemdegi bilim berý prosesine áseri zerdelenip, pandemııa kezinde týyndaǵan problemalardan alǵan tájirıbeler talqylandy. Sondaı-aq COVID-19-dan keıingi bilim berýdiń baǵytyn ózgertýge usynylǵan ssenarııler men strategııalar nazarǵa alyndy.

Forým aıasyndaǵy baıandamalardyń elektrondyq jınaǵy aldaǵy ýaqytta www.kazmkpu.kz ınternet-resýrsynda qoljetimdi bolady.

Baıandamaǵa qoıylǵan talaptarǵa sáıkes kelmeıtin nemese plagıat belgileri anyqtalǵan materıaldar qaralmaıdy jáne jınaqqa enbeıdi.

Sońǵy jańalyqtar

Uqsas jańalyqtar