Aımaqtar • 26 Aqpan, 2021

Bıyl 8 myń almatylyqty baspanamen qamtý josparlanýda

5 ret kórsetildi

Almaty qalasynyń óńirlik kommýnıkasııalar qyzmetinde megapolıste memlekettik turǵyn úı baǵdarlamalarynyń júzege asyrylý barysy týraly ótken brıfıngte Almaty qalasy Turǵyn úı saıasaty basqarmasy basshysynyń orynbasary Ermek Ámirov jáne Almaty qalasy «Otbasy Bank» AQ fılıaly dırektorynyń orynbasary Danagúl Túsipova aldaǵy josparmen bólisti.

Jaýaptylardyń sózinshe, almaty qalasynyń ákimdigi halyqty qoljetimdi jáne jaıly baspanamen qamtamasyz etý boıynsha keshendi jumystar júrgizýde. 

 

"2020 jyly 2926 otbasy baspanamen qamtamasyz etildi, onyń ishinde: 

- 429 – kommýnaldyq turǵyn úı qorynan (satyp alý quqyǵynsyz jalǵa berý) kezektilik tártibimen;

- 1186 – kezekte turǵandar úshin jeńildikti nesıelik baǵdarlamalar (Shańyraq (5-10-20) – 457, Baqytty otbasy (2-10-20) – 363, kredıttik turǵyn úı (5-20-25) - 366);

- 1311 – jastarǵa arnalǵan baǵdarlamalar (Almaty jastary boıynsha kredıtteý (5-10-25) – 961, jumys isteýshi jastar úshin satyp alý quqyǵynsyz jalǵa berý – 350)", dep atap ótti basqarma ókilderi.

 

Qazirgi ýaqytta «Shańyraq» pılottyq baǵdarlamasyna qatysý úshin qujattardy qabyldaý jalǵasýda jáne aǵymdaǵy jyldyń basynan bastap jeke turǵyn úı satyp alý úshin 225 qaryz berildi.

 

Osy baǵdarlama boıynsha jalpy somasy 9,2 mlrd.teńgege barlyǵy 682 qaryz berilgen.

 

Sonymen qatar, páterlerdiń basym bóligi óz baspanasy joq azamattardy qoljetimdi turǵyn úımen qamtamasyz etý úshin ázirlengen «Nurly jer» baǵdarlamasy sheńberinde jeńildikti kredıtteý boıynsha beriletinin atap ótý qajet.

 

Jalpy, osy jyly 8 myńnan astam qala turǵynyn baspanamen qamtamasyz etý josparlanýda, onyń ishinde: 

- HÁOT - 427 ;

- Kópbalaly otbasylar - 452;

- Shańyrak - 3578, 

- Kredıttik baspana – 1411;

- Almaty jastary – 1000; 

- Jumys isteıtin jastar úshin jaldamaly baspana – 1050;

- Baqytty otbasy – 374.

 

Sonymen qatar, qoǵamdyq pikirdi eskere otyryp, kórsetiletin qyzmetterdiń sapasyn arttyrý jáne bıznes prosesterdi ońtaılandyrý, ashyqtyqty qamtamasyz etý jáne sybaılas jemqorlyq qaýpin boldyrmaý maqsatynda búgingi tańda turǵyn úıge kezekte turǵandardy esepke alýdyń Respýblıkalyq biryńǵaı ulttyq júıesi quryldy.

- kezek tolyǵymen elektrondyq úkimet portalyna aýystyryldy (e.gov), bul onymen aıla-sharǵy jasaýdyń kez-kelgen múmkindigin joqqa shyǵardy. Endi kez kelgen kezekte turǵan azamat ESQ bolǵan jaǵdaıda kún saıyn óz kezegin qarap, onyń alǵa jyljý dınamıkasyn kóre alady.

 

Osylaısha, búgingi kúni kezekke qoıýdan bastap páter berýge deıin turǵyn úıdi bólý prosesterin aqparattandyrý tolyǵymen aıaqtaldy.

 

Esterińizge sala keteıik, Almatyda memlekettik turǵyn úı qorynan turǵyn úı alý kezeginde 27 797 azamat tur. Onyń ishinde:

- 1 770 – jetim balalar, 

- 2 605 – kópbalaly otbasylar, 

- 8 009 – tolyq emes otbasylar, 

- 1 326 – múgedek balany tárbıeleýshi otbasylar,

- 10 403 bıýdjettik uıymdar qyzmetkerleri 

- 3 684 halyqtyń áleýmettik osal toptarynyń basqa sanattary.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar