Qoǵam • 01 Naýryz, 2021

Ǵasyrlyq shejiresi bar áýlet

50 ret kórsetildi

«T.Shevchenko atyndaǵy ýkraın mádenıetiniń Pavlodar seriktestigi» oblystyq qoǵamdyq birlestigi elimizdiń birligin nyǵaıtýǵa qyzmet etip kele jatqan qurylymdardyń biri.

Qazaqstanda turatyn ýkraın­dardyń salt-dástúrin, ádet-ǵurpyn jáne mádenıetin jań­ǵyrtý, óńirdegi etnostar dostyǵy men ózara kelisimdi nyǵaıtý, Táýelsiz Qazaqstan eliniń má­de­nı jáne ekonomıkalyq damý úrdisine ýkraındyqtardy tar­­tý boıynsha jumystardy uıym­das­tyryp otyrǵan bul bir­les­tiktiń árbir múshesi ózde­riniń Qazaq elinde ósip-ónip otyr­ǵandaryn maqtanyshpen aı­typ júredi. Máselen, atal­ǵan birlestiktiń belsendi mú­she­si Anatolıı Vasılevıch Neýmyvako Qazaqstan óz otbasy úshin qutty meken bolǵanyn aıtady.

– Iá, bizdiń áýletimiz qazaq jerinde bir ǵasyrdan astam ómir súrip keledi. Osy jerde týyp-ósip, bilim alyp, otbasyn quryp, qyzmet etýdemiz. Osy eldiń  azamaty retinde qazaq halqyna shyn júrekten alǵys aıtamyn! – deıdi ol.

Bir ǵasyr demekshi, 1907 jyly atasy Fedor men ájesi Domna qazaq jerine, qazirgi Er­tis aýdanyna Ýkraınanyń Harkov gýbernııasynan kóship kelgen eken. Ashtyq jyldaryn, stalındik  qýǵyn-súrgindi, Ekinshi dúnıejúzilik soǵys kezin­degi qıyndyqtardy qazaq ha­lqymen birge bastan ótkergen. О́zderiniń ýkraınalyqtarǵa tán eńbekqorlyǵymen urpaq ósirip, ata-anasy otbasyndaǵy bes balamen áýlet kóbeıtip osy jerde máńgi turaqtap qalady.

– Men ózim 1949 jyly Ertis aýdany Sileti aýylynda dúnıege keldim. Mektepte bilim alyp, áskerı boryshymdy ótegen soń, Pavlodar pedagogıkalyq ınstıtýtyn bitirdim. Alǵashqy eńbek jolymdy týǵan aýylymdaǵy mek­tepte ustazdyq qyzmetten bas­­tadym. Keıin oblys or­ta­lyǵyna kóship kelip, №17 mek­tepte muǵalim boldym, – deıdi Anatolıı Vasılevıch.

Biraq ol qalalyq turǵyn bolsa da týǵan jeri – Ertis aýdanyna jıi baryp turady. Ondaǵy dostary, oqýshylary – olardyń aldy zeınetke de shyǵyp úlgerdi – ár kelgen saıyn ony qýana qarsy alady.

Qazirgi kezde Anatolıı Vasıl­­evıch ózi múshesi bolyp taby­latyn jergilikti bir­les­tik­tegi «Halyq horynyń» ánshisi. Birlestik quramyna negizinen basqarma, aqsaqaldar alqasy kiredi. Seriktestikte jastar qa­na­ty, kitaphana, oqý zaldary, ýkraın shamshyraǵy jumys isteıdi.

Ýkraın ulttyq ortalyǵynda «Halyq hory» kollektıvi, «Cha­rıv­­nı strýny» bandýrıster vokaldy aspaptar ansambli, «Lileıa» jáne «Djerelo» jastar vokaldy ujymdary, «Veselka» horeografııalyq ujymy bar.

2019 jyly Anatolıı Neý­my­vako Assambleıadaǵy óz árip­­testeri, yntymaǵy ja­ras­­qan basqa da qoǵamdyq birles­tik­terdegi dostary ortasynda 70 jasqa tolǵan mereıtoıyn atap ótti. Áriptesteri onyń ánshi­lik ónerin jaqsy baǵalaıdy, 1996 jyldan bastap qoǵamdyq bir­les­tiktiń mádenı ómirine belsene aralasady, túrlimádenı kesh­ter, arnaıy festıvaldarǵa qa­ty­sady. Anatolıı Neýmyvako 150-ge jýyq ýkraın ánderin hormen de, jeke ózi de oryndaıdy. Hor músheleri ýkraın ánderinen basqa, Abaıdyń, basqa da qazaq kompozıtorlarynyń ánderin oryn­daıdy.

– Eki ul, bir qyz ósirip, er jetkizdik. Valentına Nıko­laev­na ekeýimiz nemere­le­ri­mizdi tárbıelep otyrmyz. Biz baqytty otbasymyz. El táýel­siz­diginiń 30 jyldyq mereıtoıy qarsańynda barsha otandastaryma qut-bereke, beıbit ómir tileımin. «Aqyly kópti daý almaıdy, dosy kópti jaý almaıdy» demekshi, elimizdegi etnostardyń dostyǵy men yn­­ty­maǵyn arttyryp, týǵan je­ri­mizdi kórkeıtýge bárimiz bir kisideı atsalysaıyq degim ke­le­di, – deıdi A.Neýmyvako.

 

Pavlodar oblysy

 

Sońǵy jańalyqtar

Jambyl jastary Elbasy úndeýin qoldaıdy

Aımaqtar • Búgin, 09:07

Sportty serik etken

Sport • Búgin, 09:02

Sóresinde – san kitap

Ádebıet • Búgin, 09:00

Juldyzdy sátter jylnamasy

Elbasy • Búgin, 08:55

Damý dınamıkasynda oń serpin baıqalady

Ekonomıka • Búgin, 08:53

Nar Narymbetov edi...

Qazaqstan • Keshe

«Omıkron» shtamy oqshaýlaıdy

Koronavırýs • Keshe

Portrettegi parasat

Elbasy • Keshe

Almatyda 5G jelisi iske qosyldy

Tehnologııa • Keshe

Uqsas jańalyqtar