Qoǵam • 01 Naýryz, 2021

Elińdi súıý – jaqynyńdy jaqsy kórýden bastalady

16 ret kórsetildi

Jasym 32-de, ultym – ýdmýrt, anam – qazaq. Qazir áke-sheshem Shubarqudyqta turady, ózimniń otbasym bar. Temir aýdanyndaǵy №2 Shubarqudyq qazaq-orys orta mektebin bitirgen soń Q.Jubanov atyndaǵy Aqtóbe óńirlik memlekettik ýnıversıtetine dızaın mamandyǵy boıynsha oqýǵa túsip, ony jaqsy bitirdim. Dıplom alǵan soń osy oqý ornynda beıneleý óneri jáne syzý mamandyǵy boıynsha qosymsha bilim aldym.

2013 jyly oqýymdy bitirgen soń týǵan aýylyma oralyp, eńbek jolymdy bastadym. Áýeli №1 Shubarqudyq mektep-gımnazııasynda syzý páninen sabaq berip, eki jyldan soń Temir aýdandyq kórkemsýret mektebiniń dırektory bolyp taǵaıyndaldym. So­dan beri aýdan balalaryna sýret óneri, keskindeme, dızaın bo­ıynsha qosymsha bilim bere­miz. Kórkemsýret mektebinde 150 bala bilim alady, 8 úıirme jumys isteıdi. Biz oqýshylarǵa sýret, dızaın, keskindeme, mú­sin óneriniń qyr-syry týraly múmkindigimizshe tereńdete úıretemiz. Oqýshylarymyz óte yntaly, shyǵarmashylyqpen jumys istegendi jaqsy kóredi. Bir áttegen-aıy, aýdan­dar­daǵy shy­ǵarmashylyq ortalyq­ta­ry­nyń materıaldyq-tehnıkalyq ba­­zasy syn kótermeıdi. Bizge sý­ret tehnıkasyn jan-jaqty úı­­re­tetin kompıýterler, túrli jabdyqtar qajet. Máselen, saz balshyqpen qumyra, basqa da keramıkalyq zattar jasaý tehnıkasyn úıretkimiz keledi. Biraq oǵan arnaıy kásibı quraldar men arnaıy daıyndalǵan shıkizat kerek, oǵan aýyldaǵy qum-saz jaramaıdy. Mine, osyndaı túrli jabdyqtar bolmaǵannan keıin balanyń barlyq múmkindigin asha almaı jatamyz.

Degenmen, Kórkemsýret mek­te­­biniń ustazdarynyń arqa­syn­­da Temir aýdanynyń balalary jan-jaqqa konkýrstarǵa qatysady. Bizdiń mekteptiń oqýshylary sýret, keskindeme óneri boıynsha halyqaralyq jarystarǵa  ba­­ryp, júldeli oryndarǵa ıe bolyp júr. Ýkraına, Belarýs, Túrkııaǵa baryp qatysyp keldi. 2018 jyly osy bilim ordasy Qazaqstandaǵy IýNESKO klýby  mártebesin aldy. Jalpy, Temir aýdanynda 4 qosymsha bilim berý mektebi jumys isteıdi.

Aýyl balalary óte talantty, zerek, qaıyrymdy, sen­gish. Olardy jastaıynan óner­ge, sportqa, bilimge baý­ly­sa, bala­larmen erinbeı ju­mys is­­te­­sek, talaı jastyń baǵyn ashar edik. Jastaıynan shyǵar­ma­­shy­­lyqpen aınalysqan bala­lar óte meıirimdi, kópshil, jańa ortaǵa tez beıimdelgish, ósken­de de tyǵyryqtan jol taýyp shyǵa biletin bolyp ósedi. О́ıt­keni kez kelgen shyǵar­ma­shy­­lyq orta, qosymsha bilim berý mekemesi balany tulǵa re­­tinde qalyptastyrady ári bola­­shaq mamandyǵyna jol asha­­dy. Mundaı bala ózin kez kelgen ortada qalaı ustaýdy biledi, bos júriske salynbaıdy, ýaqytyn únemdeıdi. Jáne bir baı­qaǵanym, qosymsha bilim berý uıymdarynda dáris alatyn bala­nyń mekteptegi oqý úlgerimi de birden jaqsarady.

Men naǵashylarymdy jaq­sy kóremin, óz tegimdi de  umyt­­qan joqpyn. Ata-ana­myz­­­dan kishkentaıymyzdan ultqa bóliný degen sózdi esti­gen joqpyn. Eń bastysy – óz Otanyńa, elińe adal qyz­met etý kerek dep oılaımyn. Bıylǵy qańtarda ótken saılaýda Temir aýdandyq máslıhatyna depýtat bolyp saılandym. Bul maǵan artylǵan úlken se­nim, úlken jaýapkershilik. De­­pýtat­tyq qyzmetimde ba­la tárbıesi, oqýshylardyń shyǵarmashylyǵyn damytý ba­ǵy­tynda aýqymdy jumystar atqar­ǵym keledi. Eń bastysy eldi me­ken­derde turatyn bala­lardyń oqýy men zamanaýı bilim alýy úshin múmkindikter jasaý kerek dep oılaımyn.

Temir aýdanynyń órkendep-kórkeıýi  úshin qoldan kelgendi aıamaımyn. Bizdiń adamdar óte meıirimdi, dosqa adal, qolymnan kelmeı jatqan iske qolǵabys ja­saı­­dy. Sol úshin de óz elimdi, óz jerimdi, jerlesterimdi jaqsy kóremin.

 

MAKSIM ChIRKOV,

Temir aýdandyq kórkemsýret mektebiniń dırektory, aýdandyq máslıhattyń depýtaty

 

Aqtóbe oblysy

 

Sońǵy jańalyqtar

Qarasý aýdanynda 39 úıdi sý basty

Aımaqtar • Búgin, 17:12

Almaty oblysynda orman alqaptary órtendi

Ekologııa • Búgin, 16:10

Búgin – ekologııalyq bilim kúni

Ekologııa • Búgin, 15:59

Esil ańǵarynan asyp, qaýip tóndirýde

Aımaqtar • Búgin, 13:50

Pavlodar oblysynda da balyqtar qyrylyp qaldy

Ekologııa • Búgin, 12:25

Túrkistanǵa 3000 jyl

Rýhanııat • Búgin, 12:10

Elimizde jumyssyzdyq deńgeıi ósti

Qoǵam • Búgin, 10:03

2002 adam koronavırýstan emdelip shyqty

Koronavırýs • Búgin, 09:32

Dollar qaıtadan arzandaı bastady

Qarjy • Búgin, 09:22

Saryala qazdyń qańqyly estildi

Rýhanııat • Búgin, 08:51

Shyǵyrshyqtar jeńiske shaqyrady

Oqıǵa • Búgin, 08:50

Aqmolalyqtar Aqkólge qarap boı túzeıdi

Tehnologııa • Búgin, 08:40

Qor naryǵy qymbattady

Álem • Búgin, 08:33

La-Sýfrıer janartaýy oıandy

Álem • Búgin, 08:30

Baba amanatyna adaldyq

Rýhanııat • Búgin, 08:07

Medıatorlar qatary qalyńdaı túsedi

Qoǵam • Búgin, 08:05

Balýannyń alǵashqy altyny

Kúres • Búgin, 08:02

Nannyń qadir-qasıetin umytpaıyq

Qoǵam • Búgin, 08:01

PSJ ese qaıtardy

Fýtbol • Búgin, 07:59

Jarysty jeńispen bastady

Boks • Búgin, 07:56

Jaqaevtyń taqııasy

Rýhanııat • Búgin, 07:47

Uqsas jańalyqtar