Qoǵam • 02 Naýryz, 2021

Qarttarym aman-saý júrshi...

5 ret kórsetildi

Eýropa elderinde qart­tar­dyń ómir súrýin qada­ǵalaý, olar úshin túrli úıir­meler men klýbtar ashý, sol ar­qyly zeınet jasyndaǵy azamat­tar­dyń ómir súrýge degen qulshy­nysyn jo­ǵalt­­paý jaqsy qolǵa alyn­ǵan ári kádimgideı qada­ǵa­la­nady. Bul úl­ken­der­diń ǵumyr jasynyń uzaq bolýyna da áser eteri sózsiz.

Osy maqsatta Eńbek jáne halyqty áleýmettik qorǵaý mı­nıs­trligi 2025 jylǵa deıingi «Bel­sendi uzaq ómir súrý» is-sha­ra­lar josparyn bekitti. Qujat Qazaqstannyń 2030 jylǵa de­ıin­gi áleýmettik damý tujy­rym­damasyn jáne Nur Otan par­tııasynyń saılaýaldy baǵ­dar­­lamasyn iske asyrý sheń­be­rinde ázir­len­gen. Onda áleý­mettik saıasattyń basym baǵyt­ta­rynyń biri – qarttardyń ómir súrý sapasyn jaqsartý ekeni atap kórsetilgen.

Jalpy, josparda 9 baǵyt boıynsha iske asyrylýy tıis 36 is-shara bar: Aǵa býyn aza­mat­tarynyń quqyqtary men qa­dir-qasıetterin saqtalýyn qam­­tamasyz etý; Materıaldyq jaǵ­daıdy jaqsartý; Aǵa býyn aza­mattarynyń jumyspen qam­tylýyn arttyrý; Egde adamdary bar otbasylardy qoldaý; Densaýlyq saqtaý júıesin jetil­di­rý; Áleýmettik qyzmet kórsetý deńgeıin arttyrý; Bos ýaqytty uıymdastyrý úshin jaǵdaı jasaý; Qoǵamdyq sanany jańǵyrtý; Tótenshe jaǵdaı kezeńinde qart adamdardy qoldaý.

Osynyń bári aǵa býyn azamat­tardyń ómir súrý sapasyn, ómir uzaq­tyǵyn arttyrýǵa, áleý­met­tik jáne psıhologııalyq sa­lamattylyqqa, áleýmettik ómir­ge tartýǵa baǵyttalǵan. Má­se­len, «Bos ýaqytty uıym­das­ty­rý úshin jaǵdaı jasaý» ba­ǵy­ty aıasynda elimizdiń barlyq óńi­rin­de belsendi uzaq ómir súrý ortalyqtaryn ashý, qart adamdar úshin mádenı-buqaralyq is-sharalar ótkizý, qarttar kúnin merekeleýge arnalǵan is-sharalar ótkizý josparlanǵan.

«Ulttyq jospardy ázirleý kezinde Madrıdtiń qartaıý máse­le­leri jónindegi halyqaralyq is-qımyl josparynyń usy­nys­­tary eskerildi. Onda qart adam­­dardyń tek áleýmettik qamta­masyz etilýine ǵana emes, sonymen qatar zııat­ker­lik jáne óndiristik tájirıbe ıesi, qoǵam damýy­nyń belsendi qatysý­shy­lary retinde suranysqa ıe bolýy­na baǵyttalǵan sharalar qaras­ty­rylǵan. Búgingi tańda Qazaqstan BUU anyqtaǵan 7 paıyzdyq shekti eńserip, halqy qartaıǵan elderge jatqyzyldy. Elimizdiń 8 aımaǵyna qartaıý prosesi tán» delingen vedomstvo habarlamasynda.

 

ALMATY

 

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar