Ekologııa • 02 Naýryz, 2021

Kózboıaýshylyqpen aınalysatyn kompanııa

8 ret kórsetildi

Jýyrda Ekologııa, geologııa jáne tabıǵı resýrstar mınıstri Maǵzum Myrzaǵalıev «ArselorMıttal» kompanııasynyń vıse-prezıdenti Vıjaı Goıal myrzamen kezdesti. Kezdesý barysynda taraptar kompanııa ótkizetin tabıǵatty qorǵaý is-sharalaryn, sondaı-aq emıssııalardyń asyp ketýi boıynsha jaqynda oryn alǵan oqıǵany talqylady.

Áńgime barysynda mınıstr Temirtaý atmosferasynyń las­taný deńgeıi búginde elimizdegi basty ekologııalyq prob­le­ma­lardyń biri ekenin atap ótti. M.Myrzaǵalıevtiń aıtýynsha, jyl saıyn «Arselor Mıttal Temirtaý» AQ metal­lýrgııalyq kesheninen atmos­feralyq aýaǵa 230 myń tonnadan astam las­taýshy zat shyǵarylady. Bul qalanyń ár­bir turǵynyna (balalar men áıel­derdi qosa alǵanda) shamamen 11 tonna lastaýshy zattan keledi.

Vedomstvo basshysy kom­panııa júzege asyryp jat­qan tabıǵatty qorǵaý is-shara­la­ry­nyń tıimsiz ekenin jetkizdi.

«Kásiporynda tek qaǵaz jú­zinde jáne kózboıaýshylyq úshin jumys isteıtin tıimdiligi az ta­­bıǵat qorǵaý sharalary en­gi­zil­di», dedi mınıstr.

Sońǵy 5 jylda kásiporyn tabıǵatty qorǵaý is-sharala­­ry­na 28 mlrd teńge (67 mln dollar) jumsady, al ekologııa­lyq tıimdilik shyǵaryndylar­dyń 190 tonna nemese «Arselor Mıt­­tal Temirtaý» naqty shy­­ǵa­ryndylarynyń 0,08%-yna tómen­deýin ǵana qurady. 2019 jyly kompanııa 2019-2024 jyl­­dar ishinde shyǵaryndylar kó­­lemin 60 myń tonnaǵa azaıtý min­detin aldy.

«Alaıda kásiporyn áli kún­ge deıin ózine alǵan mindet­te­­melerdi oryndaý boıynsha sha­­ralar qabyldamady», dedi M.Myrzaǵalıev.

Temirtaýdyń ekologııalyq ahýalyn eskere otyryp, vedom­stvo basshysy kompanııa bas­shylyǵynyń al­dyna ozyq qol­jetimdi tehno­logııalarǵa kó­she otyryp, shyǵaryndylar kó­lemin taıaýdaǵy 4 jylda keminde 30%-ǵa tómendetip, óndiristi tolyq rekonstrýksııalaý já­ne jańǵyrtý týraly má­sele qoı­­dy. Sondaı-aq mınıstr naq­­ty ýaqyt rejiminde derek­ter­­di bere otyryp, emıs­sııa­lar monıtorınginiń avto­mat­tan­­dyrylǵan júıesin en­gizý qa­jettigin atap ótti. Qa­la eko­lo­gııasynyń jaı-kúıin jaq­sar­­tý sharalarynyń qa­ta­ryn­da M.Myrzaǵalıev kom­pa­nııa­nyń Temirtaý men oǵan irge­les aýmaqta (500 myń aǵash otyr­ǵyzý) «jasyl beldeý» qurý jó­­nindegi mindettemesin eske saldy.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar