Ekonomıka • 02 Naýryz, 2021

Únemdi óndiriske – úlken qadam

18 ret kórsetildi

Únemdi óndiris taqyryby búginde óte ózekti sanalady. Bıyl «QazMunaıGaz» UK» AQ óziniń enshiles kásiporyndary jumy­synyń baǵytyn anyqtaǵanda, shyǵaryndylardy azaıtýǵa jáne únemdi óndiris ıdeıalaryn alǵa jyljytý úshin energııalyq tıimdi sharalardy engizýge erekshe nazar aýdardy.

Pavlodar munaı-hımııa zaýyty únemdi óndiris qaǵıdattaryn kásiporynǵa engizý boıynsha josparly túrde jumys júr­gizip keledi. Zaýytta osy qaǵıdat­tar­dy júzege asyratyn tórt ne­gizgi baǵyt anyqtaldy. Ony úsh taqyryptyq blokqa biriktirýge bolady: «Ysyraptar men jaǵý­lardy tómendetý», Lean Six Sigma, «Qorshaǵan ortany qor­ǵaý». Árbir taqyryptyq bloktyń ishin­de ár baǵyt boıynsha PMHZ jumy­syn jaqsartýǵa arnalǵan jobalar men baǵdarlamalar bar.

Mysaly, «Ysyraptar men jaǵýlardy tómendetý» blogy sheńberinde №1 munaıdy bas­tapqy óńdeý óndirisiniń jáne №3 munaıdy tereń óńdeý óndirisiniń peshterin tekserý jumystary bastaldy. Bul jumystar olardy jobalyq mánge jetkizý maq­satynda oryndalady, sony­men qatar bıtým shyǵarý qondyr­ǵysynyń peshterin aýystyrý bo­ıynsha jumystar da bastaldy.

Kásiporynda jeke blok re­tinde Lean Six Sigma – «Únemdi óndiris» baǵdarlamasy qyzmet etedi. Ádis jáne baǵdarlama retinde bul 2016 jyly PMHZ-da engizildi jáne osy kúnge de­ıin qoldanylady. 2021 jyly Lean Six Sigma 15 jobany qa­byldady, qazir iske asyrý ba­ry­synda. Bular zaýyttyń bar­lyq óndirisinde shyǵyndardy, sonyń ishinde elektr energııasy­nyń, býdyń, sýdyń, óndiristik peshterdiń otyndy tutynýyn, sil­tiniń shyǵyndaryn ońtaı­lan­dyrýǵa qatysty. Sonymen qa­tar ońtaılandyrý jumystary teh­nologııalyq qondyrǵylar jumy­synyń tártibin uıymdastyrýǵa, zerthanalyq baqylaý kestelerine jáne zerthanalyq taldaý júrgizý shyǵyndaryna da qoldanylady.

«Qorshaǵan ortany qorǵaý» blogy belsendi damyp keledi. Zaýytta «Jer. Sý. Aýa» dep atalatyn baǵdarlama qoldanysqa engizildi. Sonyń nátıjesinde sýyt­qysh munaralardy kúrdeli jón­deýden ótkizý, tazartylǵan aǵyndar sý qubyrlaryn Sarymsaq jınaqtaýyshyna deıin salý, eki jańa qabyldaý suıyqqoımasyn salý, suıyqqoımalardaǵy ty­ǵyz­daǵysh japqyshtardy aýys­tyrý, ashyq munaı ónimderin av­tomattandyrylǵan taktilik quıý qon­dyrǵysyn salý jumystary júrgizilýde.

Únemdi óndiris jylyna jos­parlanǵan is-sharalardyń bar­lyǵy zaýyt shyǵyndaryn, otyn-energetıkalyq resýrstaryn, teh­nologııalyq úderistiń ár ke­zeń­derinde shıkizat shyǵynyn azaı­týǵa, sý resýrstaryn tıimdi paı­­dalanýǵa, qorshaǵan ortaǵa shy­­ǵaryndylardy azaıtýǵa jáne tu­tastaı búkil kásiporyn ju­my­sy­nyń tıimdiligin arttyrýǵa múm­kindik beredi.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar