Qoǵam • 02 Naýryz, 2021

Qaı elderge áýe reısi kóbeıedi?

9 ret kórsetildi

2021 jyldyń 24 aqpanynan bastap elimiz Túrkistan qala­synan Ystan­bulǵa halyq­ara­lyq reısterdi ashty. «Air Astana» jáne SCAT áýe kompanııa­lary bul baǵytta aptasyna tórt reıs oryndaıdy.

Indýstrııa jáne ınfraqu­ry­lymdyq damý mınıstrligi tıisti sheshimniń epıdemııalyq jaǵ­daı­dyń ózgerýine jáne Qazaqstan Res­pýblıkasynyń aýmaǵynda koronavırýs ınfeksııasynyń paıda bolýy men taralýyna jol bermeý jónindegi vedomstvoaralyq komıssııanyń sheshimine baılanysty qabyl­danǵanyn aıtady.

Atalǵan sheshim aıasynda О́zbek­stan, Qyrǵyzstan jáne Ýkraı­naǵa da reıster sanyn arttyrýǵa ruqsat etilgen. Almaty – Tashkent – Almaty baǵytynda aptasyna 4-ten 8 reıske deıin ulǵaıdy (Air Astana men Uzbekistan Airways 2 reısi qosylady). Almaty – Bishkek – Almaty baǵytynda aptasyna 3-ten 5 reıske deıin (Air Astana 2 reısi qosylady). Sonymen qatar Almaty – Kıev – Almaty baǵytynda aptasyna 1-den 2 reıske deıin (Air Astana 1 reısi qosylady) artady.

Reıster sanıtarlyq-epıde­mııa­lyq talaptardy qatań saqtaı otyryp, áýe kompa­nııalarynyń saıttarynda jarııalanǵan kes­tege sáıkes oryndalady.

 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar