Aımaqtar • 02 Naýryz, 2021

Elordalyq oqýshylar 2 naýryzdan bastap qalaı oqıdy

15 ret kórsetildi

Elimizdiń bas memlekettik sanıtarlyq dárigeriniń 2021 jylǵy 27 aqpandaǵy №9 qaýlysyna sáıkes, sanıtarlyq-epıdemıologııalyq jaǵdaıdyń jaqsarýy men turaqtalýyn eskere otyryp, 2 naýryzdan bastap jalpy bilim beretin mektepterdiń 1-5 synyp, sondaı-aq halyqaralyq mektepterdiń 1-7 synyp oqýshylaryn aralas formatta oqytýǵa ruqsat etildi, dep habarlaıdy elorda ákimdiginiń resmı saıty.

Al 6-8,10-synyp oqýshylary qashyqtan bilim alady.

Pánderdiń 70%-y shtattyq rejımde, 30%-y qashyqtan ótkiziletin bolady. «Kórkem eńbek» jáne «Mýzyka» 1-5-synyptarda qashyqtan asınhrondy formatta júrgiziletin bolady.

Shtattyq rejımde myna pánder oqytylatyn bolady:

- 1-synyptarda: matematıka, saýat ashý, shet tili, orys synyptaryndaǵy qazaq tili, qazaq synyptaryndaǵy orys tili, jaratylystaný, dúnıetaný, ózin-ózi taný;

- 5-synyptarda: qazaq tili, qazaq ádebıeti, orys tili jáne orys ádebıeti, shet tili, matematıka, ınformatıka, Qazaqstan tarıhy, ózin-ózi taný, dene shynyqtyrý, jaratylystaný.

9-11 (12) synyptar «kezekshi toptar» rejıminde oqýyn jalǵastyrýda.

Oqytýdy aralas formatta uıymdastyrý kezinde sabaqtardyń bastalý jáne aıaqtalý ýaqyty kórsetile otyryp, ıkemdi sabaq kestesi jasalady.

Sondaı-aq, áleýmettik qashyqtyqty saqtaý úshin aýysymdar kóbeıtildi, ıaǵnı dárister synyptar arasynda túrli ýaqytqa qoıylady.

Mektepterde epıdortalyq týraly anyqtamalar talap etilmeıdi, alaıda ishki súzgi men dezınfeksııalyq is-sharalar kúsheıtiledi.

Sonymen qatar, erekshe jaǵdaılarda, aýrý nemese naýqastarmen qarym-qatynas jaǵdaılarynda ata-analardyń ótinishi boıynsha balalardy qashyqtan oqytýǵa ruqsat etiledi.

9-11 (12) synyptar oqýdy aralas formatta jáne «kezekshi toptar» rejıminde jalǵastyrady.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar