Aımaqtar • 02 Naýryz, 2021

«Dármek» respýblıkalyq operasııasynyń birinshi kezeńi aıaqtaldy

7 ret kórsetildi

Esirtki quraldarynyń, psıhotropty zattar men prekýrsorlardyń zańdy aınalymy salasyndaǵy quqyq buzýshylyqtardy anyqtaý maqsatynda IIM respýblıka aýmaǵynda “Dármek” keń aýqymdy  arnaıy operasııasyn ótkizdi, – dep habarlaıdy Polisia.kz.

Is-shara ótkizilgen bes kún ishinde óz qyzmetinde atalǵan zattardy qoldanatyn 700-ge jýyq kásiporyn men uıym tekserildi. Baqylaýdaǵy zattardyń aınalymy salasynda 102 quqyq buzýshylyq anyqtalyp, olar boıynsha ákimshilik óndiris qozǵaldy. Onyń ishinde olar saqtalatyn obektiler men úı-jaılardyń tehnıkalyq nyǵaıtylýy talaptaryn buzýdyń 38 deregi anyqtaldy.

Qoldanystaǵy zańnamany buza otyryp saqtalǵan nemese satylǵan quramynda esirtki bar  preparattardyń barlyǵy – esirtki quraldarynyń 1200  ampýlasy jáne psıhotropty zattardyń 1800-den astam tabletkasy men 200 ampýlasy aınalymnan alyndy. “Dárihanalyq” nashaqorlyqtyń taralýyn esepke ala otyryp, “Dármek” operasııasy barysynda polıseıler táýeldilik týdyratyn jáne  esirtkige uqsas masaıý kúıine túsý úshin paıdalanylýy múmkin dárilik  preparattardyń reseptsiz satylýyn anyqtaýǵa baǵdarlandy. 

Elimizdiń dárihanalarynda osyndaı preparattardy reseptisiz satýdyń 53 faktisi jáne zańsyz farmasevtıkalyq qyzmettiń 2 faktisi anyqtaldy. Osylaısha, Jambyl oblysynda turǵylyqty jeri boıynsha qatań eseptegi preparattardy satýdy uıymdastyrǵan Taraz qalasynyń 30 jastaǵy turǵyny ustaldy. Odan dárigerdiń resepti boıynsha satylýy tıis 1550 tabletka tramadol jáne 110 tabletka somnol alyndy. Mundaı preparattardy qoldan satýdyń ekinshi faktisi  Balhash qalasynda anyqtaldy, onda jergilikti turǵyn kúshti áser etetin preparatty satpaq bolǵan jerinde ustalǵan. 

Ustalǵan azamatshalarǵa qatysty zańsyz farmasevtıkalyq qyzmet faktisi boıynsha ákimshilik hattamalar toltyryldy. Barlyq anyqtalǵan  quqyq buzýshylyqtar boıynsha materıaldar densaýlyq saqtaý organdarynyń aýmaqtyq farmasevtıkalyq baqylaý bólinisterine joldandy.

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar