Aımaqtar • 02 Naýryz, 2021

Elordada tilsiz jaýmen kúres qalaı júrgizilýde?

4 ret kórsetildi

Nur-Sultan qalasy TJD Memlekettik órt baqylaý basqarmasynyń basshysy Erkin Otarǵalymuly jyl basynan beri el astanasynda tilsiz jaýmen kúres qalaı júrgizilip jatqanyn málim etti, dep habarlaıdy qala ákimdiginiń resmı saıty.

«Nur-Sultan qalasynyń aýmaǵynda 2021 jyldyń ótken kezeńinde 165 órt boldy. О́rtterdiń basym bóligi turǵyn úı sektorynda boldy – 71 oqıǵa nemese órtterdiń jalpy sanynyń 43%-y, al 35%-y jeke sektorlarǵa tıesili. О́rttiń negizgi sebepteri jylytý peshterin paıdalaný kezinde qaýipsizdik erejelerin buzý bolyp sanalady (33 oqıǵa), sol sııaqty elektr jelileri men elektr qondyrǵylaryn paıdalaný kezinde de paıda bolady (12 oqıǵa)», deıdi basqarma basshysy.

2020-2021 jylytý kezeńinde Nur-Sultan qalasynyń aýmaǵyndaǵy turǵyn úı sektorynda 220 órt tirkeldi.

«Turǵyn úı sektoryndaǵy órtterdiń negizgi sebepteri mynadaı: Peshterdi ornatý jáne paıdalaný kezinde órt qaýipsizdigi erejelerin buzý – 107 jaǵdaı nemese turǵyn úı sektoryndaǵy órtterdiń jalpy sanynyń 48%; elektr jabdyqtaryn montajdaý jáne tehnıkalyq paıdalaný erejelerin buzý – 47 jaǵdaı nemese 21%; turmystyq elektr quraldaryn paıdalaný kezinde órt qaýipsizdigi erejelerin buzý – 8 jaǵdaı nemese 4,3%; halyqtyń otty abaısyz paıdalanýy – 48 jaǵdaı nemese 11%», deıdi Erkin Otarǵalymuly.

Nur-Sultan qalasynyń Tótenshe jaǵdaılar departamenti jylytý kezeńinde 42 myńnan astam aýlany aralap, órt qaýipsizdigi boıynsha jadynamalar taratty, olardyń barysynda 55 myńnan astam adamǵa nusqaýlyqtar berildi.

Ol sóz arasynda ótken jyldarǵy tájirıbe negizinde 1543 áleýmettik az qamtylǵan otbasylardyń tizimi jasalyp, esepke alynǵanyn málim etti.

«Astana ERS» JShS kómegimen kommýnaldyq qyzmetterdi tóleý týraly túbirtekterde 325 myń dana kóleminde peshti paıdalaný kezindegi órt qaýipsizdigi boıynsha jadynama ornalastyryldy. О́rtke qarsy taqyrypta qala boıynsha bılbordtar men bannerler ornatyldy. «О́rt qaýipsizdigi aılyǵy» aıasynda iri saýda úılerinde, bazarlarda, adam kóp jınalatyn obektilerde órtke qarsy taqyrypta aýdıo jáne beınerolıkter turaqty qoıylyp turdy», dedi ol.

Sózin jalǵaı otyryp, turǵyn úılerdiń WhatsApp jelisindegi chattarynda da órt qaýipsizdigin saqtaý jaıly málimetter taratylǵanyn málim etti.

«Qalanyń oqý oryndarynda oqýshylarmen «Sirińke – bir ómirdiń baǵasy!» taqyrybynda túrli konkýrstar men dárister ótti. Sol sııaqty órtterdiń aldyn alý maqsatynda ishki ister organdarymen birlesip áleýmettik emes ómir saltyn ustaıtyn azamattardyń sanattaryna arnap 8 myńnan astam reıdtik is-sharalar ótkizdi. Úısiz adamdar kóp jınalatyn oryndar boıynsha 146 reıd júrgizildi. Osy baǵyttaǵy jumys ary qaraı da jalǵasa beredi», dep basqarma basshysy sózin qorytyndylady.

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar