Qazaqstan • 03 Naýryz, 2021

Áleýmettik-eńbek salasyn sıfrlandyrý qalaı júzege asýda?

46 ret kórsetildi

QR Eńbek jáne halyqty áleýmettik qorǵaý vıse-mınıstri Erbol Ospanov QR Prezıdenti janyndaǵy Ortalyq kommýnıkasııalar qyzmetinde ótken brıfıngte áleýmettik-eńbek salasyn sıfrlandyrý boıynsha atqarylǵan jumystar jáne zamanaýı tehnologııalardy paıdalaný esebinen QR Eńbekmıniniń qyzmetteriniń sapasyn jaqsartý josparlary týraly aıtty.

О́z sóziniń basynda vıse-mınıstr búgingi tańda áleýmettik-eńbek salasynda 44 qyzmet túri kórsetiletinin, onyń ishinde 40 qyzmet (91%) elektrondyq túrde kórsetiletinin, onyń 18-i proaktıvti ekenin habarlady.

«2020 jyldyń qorytyndysy boıynsha 12,4 mln qyzmet kórsetildi, onyń ishinde 7,8 mln qyzmet elektrondyq túrde kórsetildi. Aǵymdaǵy jyly avtomattandyrylǵan qyzmetterdiń úlesin 93% - ǵa deıin jetkizý josparlanýda. Sonymen qatar, Memleket basshysynyń 2020 jylǵy 1 qyrkúıektegi Qazaqstan halqyna Joldaýynda aıtylǵan tapsyrmaǵa sáıkes biz zeınetaqy men járdemaqy taǵaıyndaý men tóleýge baılanysty prosesterdi sıfrlandyrý boıynsha jumys júrgizip jatyrmyz», dedi Ospanov.

Sonymen qatar, ol karantın jáne shekteý sharalary kezeńinde QR Eńbekmıniniń barlyq qyzmetteri elektrondyq nemese proaktıvti formatqa aýystyrylǵanyna qaramastan, kórsetiletin elektrondyq qyzmetterdiń úlesi orta eseppen 60% - dy, proaktıvti qyzmetterdiń úlesi 12% - dy quraıtynyn atap ótti. Taldaý nátıjesinde belgili bir tejeýshi faktorlar anyqtaldy.

«Mysaly, eń qajetti qyzmetterdiń biri – bala týý boıynsha járdemaqy taǵaıyndaýdy alaıyq. 2020 jyly 425,6 myńǵa jýyq bala dúnıege keldi, onyń ishinde 58,3 myń járdemaqy proaktıvti túrde taǵaıyndaldy. Biz nege sonshalyqty az? degen oıda qaldyq. Taldaý júrgizildi, nátıjesinde birqatar tejeýshi faktorlar anyqtaldy. Bul – týystyq baılanystar boıynsha durys emes málimetter, mobıldi azamattar bazasynda telefon nómirin tirkemeý, azamattar tarapynan SMS-habarlamaǵa jaýaptyń bermeý, banktik shottardyń durys emestigi, mártebesiniń ózgerýi», dep túsindirdi vıse-mınıstr.

Elektrondyq jáne proaktıvti formatta kórsetiletin qyzmetter úlesin arttyrý maqsatynda múddeli memlekettik organdarmen birlesip, halyqqa qyzmet kórsetý tásilderi men prosesterin ózgertý boıynsha jumys bastaldy, Memlekettik qyzmet kórsetýdi transformasııalaý jáne reınjınırıngi boıynsha usynystar ázirlendi.

«Qyzmet alýshylarǵa yńǵaıly bolý maqsatynda biz zeınetaqy men járdemaqy taǵaıyndaýǵa ótinishterdi eksaýmaqtyq qabyldaý boıynsha jumys júrgizip jatyrmyz. Endi azamattar qaı jerde ornalasqanyna qaramastan, kez kelgen halyqqa qyzmet kórsetý ortalyǵynda zeınetaqy men járdemaqy taǵaıyndaýǵa ótinish bere alady. Qyzmetterdi kezeń-kezeńmen aýystyrýdy aǵymdaǵy jylǵy 1 sáýirden bastap iske qosý josparlanýda», dep tolyqtyrdy Ospanov.

Sonymen qatar, vıse-mınıstr aqpan aıynyń sońynda QR Prezıdenti Ulttyq qoǵamdyq senim keńesiniń otyrysynda bergen múgedektigi bar adamdarǵa qolaıly jaǵdaı jasaý boıynsha tapsyrmany oryndaý týraly aıtyp berdi.

«Búgingi tańda qazaqstandyqtarǵa múgedektikti belgileý, járdemaqylardy resimdeý, tehnıkalyq quraldar men ońaltý qyzmetterin alý úshin túrli ınstansııalarǵa barýǵa týra keledi. Instansııalarǵa barýdy, qaǵazbastylyqty, sondaı-aq kórsetiletin qyzmetti berýshilerdiń kórsetiletin qyzmetti alýshylarmen baılanysyn boldyrmaý maqsatynda biz prosesterdi sıfrlandyrý boıynsha jumys júrgizip jatyrmyz. Bul jerde biz múgedektikti syrttaı belgileý týraly aıtyp otyrmyz – ótinish berýshi tek medısınalyq mekemelerge júginedi, qalǵan prosester adamnyń qatysýynsyz aqparattyq júıelerdi ıntegrasııalaý arqyly ótedi: járdemaqylar, áleýmettik qyzmetter jáne tehnıkalyq ońaltý quraldary avtomatty túrde taǵaıyndalady. Qazirdiń ózinde barlyq qajetti aqparattyq júıelerdiń ıntegrasııasy júrgizildi, Densaýlyq saqtaý mınıstrligimen ıntegrasııany aıaqtaý ǵana qaldy, bul jaqyn arada jasalatyn bolady», dep habarlady Erbol Ospanov.

Ol sondaı-aq, 2020 jyly múgedektigi bar adamdarǵa tehnıkalyq quraldar (budan ári – OTQ) men ońaltý qyzmetterin óndirýshi men jetkizýshini óz betinshe tańdaýǵa múmkindik beretin Áleýmettik qyzmetter portaly (budan ári – ÁQP) iske qosylǵanyn, al memleket olardyń qunyn jetkizýshige óteıtinin eske saldy.

«Áleýmettik qyzmetter portaly adamı faktordy, ıaǵnı osy saladaǵy sybaılas jemqorlyq táýekelderin tómendetýdi yntalandyrady. Osy sıfrlyq alańnyń arqasynda kezektilik prosesteri aıqyn boldy, OTQ jetkizý merzimderi qysqardy, jetkizýshiler óz reıtıngterin arttyrý úshin óz qyzmetterin barynsha sapaly kórsetýge múddeli. Árıne, aýyldyq jerlerde ınternetpen tolyq qamtylmaý, taýarlar men qyzmetterdi sapasyz jetkizýshiler jáne áleýetti jetkizýshilerdiń shekteýli sany sııaqty tejeýshi faktorlar da bar, biraq bul baǵytta biz Sıfrlyq damý mınıstrligimen birlesip jumys isteımiz», dep atap ótti vıse-mınıstr.

2020 jyly ÁQP-da jeke irikteýdi talap etpeıtin OTQ-nyń 55 túriniń 24-in satyp alý múmkindigi iske asyryldy. 28,8 myń ońaltýdyń tehnıkalyq quraly berildi. 1 jyldyń 2021 qańtarynan bastap OTQ-nyń 55 túri qoljetimdi boldy (túrlerin eskergende - 67). Sondaı-aq portal arqyly jeke kómekshiniń, ymdaý tili mamanynyń qyzmetterine jáne sanatorlyq-kýrorttyq emdelýge tapsyrys berýge bolady.

«Sondaı-aq, biz otbasynyń sıfrlyq kartasyn jasaý boıynsha jumys istep jatyrmyz. Joba qıyn ómirlik jaǵdaıdaǵy otbasylardy avtomatty túrde anyqtaýǵa baǵyttalǵan. Derekter bilim berý, ekonomıkalyq jaǵdaılar, densaýlyq, sondaı-aq turǵyn úı jáne áleýmettik jaǵdaılar sııaqty túrli baǵyttar boıynsha memlekettik organdardyń ıntegrasııalanǵan júıeleri negizinde qalyptastyrylatyn bolady. Bul azamattardyń ınstansııalarǵa júginýin kútpeı-aq, túrli salalardan belsendi túrde keshendi qoldaý sharalaryn kórsetýge, sondaı-aq qoljetimdi ındıkatorlar arqyly otbasynyń áleýmettik jaǵdaıynyń nasharlaýyna boljam jasaýǵa múmkindik beredi», dep tolyqtyrdy Erbol Ospanov.

Vıse-mınıstr sondaı-aq elektrondyq eńbek bırjasy (budan ári-EBT) portalynyń jumysyn jetildirý týraly habardar etti. Bul resýrs 2018 jyly iske qosyldy jáne jumys berýshilerden, memlekettik jumyspen qamtý ortalyqtarynan jáne jeke jumyspen qamtý agenttikterinen, onlaın-alańdardan túsetin bos jumys oryndaryn, sondaı-aq jeke tulǵalardyń túıindemelerin jınaqtaıdy.

«2020 jyly EEB arqyly 532 myńnan astam adam jumysqa ornalastyryldy, onyń ishinde 319 myńy turaqty jumys oryndaryna jáne 213 myńy ýaqytsha jumysqa ornalastyryldy. Jyl basynan beri EEB kómegimen 101 myń adam jumys tapty», dedi ol.

Budan basqa, resýrsta jumyspen qamtý ortalyqtarynyń qyzmetterin usynatyn jańa servıster iske qosyldy. Oblys ortalyqtarynyń, oblystyq, respýblıkalyq mańyzy bar qalalardyń jáne astananyń turǵyndary úshin jumys izdep júrgen adamdardy jáne jumyssyzdardy tirkeý, memleket sýbsıdııalaıtyn jumys oryndaryna jiberý (áleýmettik jumys oryndary, qoǵamdyq jumystar, jastar praktıkasy), erikti qonys aýdarýǵa járdemdesý sııaqty qyzmetterdi onlaın rejımde kórsetý múmkindigi berildi.

«Sondaı-aq, Eńbek sharttaryn esepke alýdyń biryńǵaı júıesi (e-HR) belsendi qoldanylady, onda jumys berýshiler eńbek sharttaryn tirkeıdi. Osynyń arqasynda jumysqa ornalastyrý jeńildeıdi jáne ashyqtyq joǵarylaıdy, azamattardyń eńbek quqyqtarynyń saqtalýyna monıtorıng júrgiziledi, kadrlyq is júrgizý avtomattandyrylady. Júıe elektrondyq jeke isti qalyptastyrýǵa jáne eńbek resýrstaryna qajettilikti boljaýǵa qabiletti. Búgingi tańda 3,9 mln kelisimshart tirkelip, 150 myń uıym qosyldy, bul barlyq jumys isteıtinderdiń 70% - yn quraıdy. Aǵymdaǵy jyly bizdiń aldymyzda eńbek sharttarynyń keminde 85% - yn tirkeý mindeti tur», dep tolyqtyrdy Erbol Ospanov.

О́z sóziniń sońynda ol QR Eńbekmıni «Sıfrlyq Qazaqstan» memlekettik baǵdarlamasy aıasynda azamattardyń áleýmettik mártebesin rastaý prosesin avtomattandyrý jáne qaǵazǵa balama retinde sıfrlyq qujattardy engizý júrgizilip jatqanyn habarlady.

«2020 jyly Sıfrlyq damý, ınnovasııalar jáne aeroǵarysh ónerkásibi mınıstrligimen birlesip «eGov mobile» mobıldik qosymshasyna «zeınetker kýáligi», «qandas kýáligi», «áleýmettik ID» (azamattyń barlyq belsendi mártebeleri boıynsha jınaqtalǵan qujat) sıfrlyq qujattary shyǵaryldy. Bıyl kópbalaly otbasy múshesiniń qujattary, múgedektigi bar adamnyń, ataýly áleýmettik kómek alýshynyń, jumyssyzdardyń kýálikteri sıfrlandyrylady», dep túıindedi Ospanov.

Sońǵy jańalyqtar

Áskerı tikushaq apatqa ushyrady

Álem • Búgin, 15:21

Túrkistan oblysynda eki brakoner ustaldy

Aımaqtar • Búgin, 13:06

Efıopııada pilder qyrylyp jatyr

Álem • Búgin, 11:58

Qazaqstanda un óndirý kólemi tómendedi

Ekonomıka • Búgin, 11:45

Dastın Pore: Makgregor – ótken shaq

Jekpe-jek • Búgin, 11:40

Gazǵa aýysqan kólikter sany artty

Qazaqstan • Búgin, 10:50

Alvares aýyr salmaqta alypqa aınala ma?

Kásipqoı boks • Búgin, 10:35

Uqsas jańalyqtar