Qazaqstan • 04 Naýryz, 2021

Ań aýlaý erejesin buzǵandarǵa qandaı jaza qoldanylady?

21 ret kórsetildi

1 naýryz ben 15 mamyr aralyǵynda Qazaqstanda kóktemgi ań aýlaý kezeńi ashyq bolady. Bul rette kóktemde tıisti ańshylyq sharýashylyǵy sýbektisiniń qoryqshysynyń mindetti qatysýymen qońyr aıýdy, úırekti, qara torǵaıdy jáne tizimge sáıkes basqa da janýarlardy aýlaýǵa ruqsat etiledi, dep habarlaıdy Egemen.kz.

Aıta keteıik, QR Ekologııa, geologııa jáne tabıǵı resýrstar mınıstrliginiń Orman sharýashylyǵy jáne janýarlar dúnıesi komıteti QR Aýyl sharýashylyǵy mınıstriniń m.a. buıryǵymen bekitilgen ań aýlaý qaǵıdalarynyń 19-tarmaǵy negizinde ań aýlaý maýsymynyń bastalýy týraly buıryq shyǵarady.

Kóktemgi ań aýlaý erejelerine sáıkes, úırekterdi aýlaýǵa tek ańshyda eliktiretin úırek nemese toltyrylǵan janýar bolǵan jaǵdaıda ǵana ruqsat etiledi. Al áýesqoılyq (sporttyq) ań aýlaýǵa bekitilgen ańshylyq alqaptarda ǵana ruqsat etiledi. Sondaı-aq, bul bekitilgen ańshylyq alqaptarǵa barý quqyǵyna joldamanyń bolýyn talap etedi.

Eger janýarlar dúnıesin paıdalaný talaptary men ań aýlaý qaǵıdalary buzylǵan jaǵdaıda, QR Ákimshilik quqyq buzýshylyq týraly kodeksiniń 382-babyna sáıkes jeke tulǵalarǵa 70 AEK mólsherinde aıyppul salý ne ákimshilik quqyq buzýshylyq zattary men quraldary tárkilenip, eki jylǵa deıingi merzimge ań aýlaý quqyǵynan aıyrý túrindegi eń joǵarǵy jaza kózdelgen.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar