Onyń aıtýynsha, ótken jyly mınıstrlik belgili bir salaǵa erekshe nazar aýdarmaı, biryńǵaı tásildi kózdeıtin sýbsıdııalaý tetikterin qaıta qarady. Sondaı-aq shaǵyn jáne orta fermerlerdi sýbsıdııalaýǵa qol jetkizý shekteri ózgertildi.

«Memlekettik qoldaýdyń tıimdiligin arttyrý úshin aǵymdaǵy jyldan bastap bıznes úshin qarsy mindettemeler kezeń-kezeńimen engiziledi. Sonymen qatar bazalyq sýbsıdııalar boıynsha sýbsıdııalaý kólemin ulǵaıtý esebinen 2025 jylǵa qaraı aýyl sharýashylyǵy tehnıkasyn satyp alýdy 1,5 ese, mıneraldyq tyńaıtqyshtardy qoldanýdy 1,4 ese, joǵary sapaly tuqym satyp alýdy 1,2 ese ulǵaıtý josparlanǵan. Bul rette memlekettik qoldaýdyń basty qaǵıdaty onyń turaqtylyǵy men sabaqtastyǵy bolady. Bul sharýalarǵa uzaq merzimdi perspektıvada óz qyzmetin boljaýǵa múmkindik beredi», dedi spıker.

Budan basqa, AО́K sýbektilerin qarjylandyrýdyń qoljetimdiligin arttyrý maqsatynda ekinshi deńgeıdegi bankter, Qazaqstannyń Damý banki jáne sındıkattalǵan qaryzdar arqyly aýyl sharýashylyǵy sektoryna kredıt berý múmkindikterin keńeıtý kózdelgen. Olar memlekettik qoldaýdyń salalyq baǵdarlamalaryna engiziledi. Aýyl sharýashylyǵy ónimderin forvardtyq satyp alýdy keńeıtý jáne jastarǵa arnalǵan aýyl sharýashylyǵy salasyndaǵy jobalardy iske asyrýǵa granttar engizý múmkindigi qarastyrylýda. Sondaı-aq, AО́K qoldaýdyń barlyq sharalarynyń biryńǵaı elektrondyq resýrsy qurylady.