Prezıdent • 04 Naýryz, 2021

Prezıdent Ekonomıkalyq yntymaqtastyq uıymynyń 14-sammıtine qatysty

45 ret kórsetildi

Vıdeo konferensııa formatynda ótken jıynǵa Pákistan Premer-Mınıstri Imran Han, Túrkııa Prezıdenti Rejep Taııp Erdoǵan, Túrikmenstan Prezıdenti Gýrbangýly Berdimuhamedov, Aýǵanstan Prezıdenti Ashraf Ǵanı, Ázerbaıjan Prezıdenti Ilham Álıev, Iran Prezıdenti Hasan Rýhanı, Qyrǵyzstan Prezıdenti Sadyr Japarov, Tájikstan Prezıdenti Emomalı Rahmon, О́zbekstan Prezıdenti Shavkat Mırzııoev, Ekonomıkalyq yntymaqtastyq uıymynyń Bas hatshysy Hadı Sýleımanpýr qatysty.

Qasym-Jomart Toqaev sóziniń basynda baýyrlas túrik halqyna jáne Túrkııa Prezıdenti Rejep Taııp Erdoǵanǵa pandemııaǵa qarsy kúreste elimizge kómek kórsetkeni úshin rızashylyǵyn bildirdi. Memleket basshysy osynaý qıyn-qystaý kezeńde elderimiz jahandyq deńgeıdegi ózara kómek pen qoldaýdyń qanshalyqty mańyzdy ekenine taǵy bir márte kóz jetkizgenin atap ótti.

Prezıdent baıandamasynda pandemııanyń ekonomıkaǵa tıgizgen keri áserin eńserýge basa mán berdi.

– Qajetti qarjymen qamtamasyz etilgen Daǵdarysqa qarsy keshendi jospardy iske asyrýdyń arqasynda Qazaqstan pandemııanyń teris áserin barynsha azaıta aldy. Tipti qurylys, aýyl sharýashylyǵy jáne óndiris sekildi salalarda ósimge qol jetkizdik. Bıyl biz ishki jalpy ónim 3 paıyzdan astam ósedi dep josparlap otyrmyz, ­– dedi Qasym-Jomart Toqaev.

Memleket basshysy Ekonomıkalyq yntymaqtastyq uıymymen yqpaldastyq Qazaqstan syrtqy saıasatynyń basym baǵyttarynyń biri ekenin atap ótti. Prezıdenttiń pikirinshe, uıym aıasyndaǵy ózara is-qımyldyń negizi ınfraqurylymdyq, áleýmettik jáne mádenı baǵyttardaǵy iri jobalar bolýy kerek. Qytaımen birlesip qolǵa alynǵan Transkaspıı halyqaralyq kólik baǵyty – sondaı bolashaǵy zor jobalardyń biri. Atap aıtqanda, 2019 jyldyń qarasha aıynda Qazaqstan, Qytaı, Ázerbaıjan, Grýzııa jáne Túrkııany baılanystyratyn Sıan-Ystambul-Praga baǵyty boıynsha konteınerlik poıyzy júre bastady. Byltyr sáýir aıynda Sıan-Izmır baǵytyndaǵy birinshi konteınerlik quram júrip ótti. Ol 7000 shaqyrym qashyqtyqty 16 kúnde eńserdi.

– Bul – ózara yqpaldastyǵymyzdyń jaqsy úlgisi. Degenmen ornyqty damýdy qamtamasyz etý úshin áli de kóp is atqarýymyz kerek. Bıyl biz Qazaqstan – Túrikmenstan – Iran temir jol baǵytynyń tolyq iske qosylýyn qamtamasyz etýge tıispiz. Basqa da jańa baǵyttar pysyqtalýda. Túrkistan men Tashkent arasyndaǵy joǵary jyldamdyqqa arnalǵan temir jol Qazaqstannyń da, О́zbekstannyń da týrıstik áleýetin arttyrady dep kútilýde. Bul jol ýaqytty eki saǵatqa deıin qysqartýǵa jáne eki el kásipkerleri arasyndaǵy baılanystardy jeńildetip, áleýmettik qatynastardy jaqsartýǵa múmkindik beredi, – dedi Qasym-Jomart Toqaev.

Sonymen qatar Prezıdent óz sózinde Qazaqstannyń Aýǵanstandaǵy ınfraqurylymdyq jobalarǵa qatysyp jatqany týraly málimdedi. Qazaqstan reseılik jáne ózbekstandyq seriktesterimen birlesip, Mazarı-Sharıf – Kvetta jáne Mazarı-Sharıf – Peshavar baǵyttarynda temir jol salyp jatyr. Aýǵanstanmen aradaǵy ekijaqty saýda-sattyqtyń ósimi byltyr 55 paıyz bolǵan.

Bul óńir úshin taǵy bir mańyzdy basymdyq – azyq-túlik qaýipsizdigi. Prezıdent Qazaqstannyń Ekonomıkalyq yntymaqtastyq uıymynyń aýyl sharýashylyǵy salasyna qatysty barlyq bastamalaryn qoldaıtynyn aıtyp, múshe-memleketterdi Azyq-túlik qaýipsizdigi jónindegi ıslam uıymyna (IOFS) qosylýǵa shaqyrdy. Atalǵan uıymnyń shtab-páteri Nur-Sultan qalasynda ornalasqan.

– Biz dıstrıbıýtorlyq jáne logıstıkalyq kóterme ortalyqtarynyń ulttyq jelisin qurý úshin jumys istep jatyrmyz. Azyq-túlik qaýipsizdigi men onyń qol jetimdiligi – ortaq problema. Sondyqtan tıimdi logıstıka qurý úshin kúsh jumyldyrýdyń mańyzy zor dep sanaımyz. Qazaqstan men О́zbekstan shekarada Saýda-ekonomıkalyq yntymaqtastyqtyń halyqaralyq ortalyǵyn ashady, – dedi Memleket basshysy.

Qasym-Jomart Toqaev  týrızm salasynyń áleýetin arttyrý máselesine de toqtaldy. Bul sala pandemııaǵa qaramastan, yntymaqtastyqtyń perspektıvti baǵyttarynyń biri bolyp qala beredi.

– Qazaqstan  týrıstik salanyń úlesin 2025 jylǵa qaraı ishki jalpy ónimniń 8 paıyzyna deıin jetkizýdi kózdep otyr. Biz Ortalyq Azııa elderi men kúlli túrki álemi úshin qasıetti sanalatyn Túrkistan qalasyn belsendi damytyp jatyrmyz. Tek 2020 jyldyń ózinde qalanyń ınfraqurylymyna, Túrkistannyń týrızmi men logıstıkasyna quıylǵan ishki ınvestısııa shamamen 1 mıllıard dollardy qurady. Túrkistan Qazaqstannyń TOP-10 týrıstik baǵytyna kirdi. Bul sizderdiń elderińizdiń ınvestorlary men týrısteri úshin tartymdy óńir bolmaq, – dedi Prezıdent.

Memleket basshysy densaýlyq saqtaý salasy da Qazaqstanǵa keletin sheteldik ınvestısııaǵa «tartylys ortalyǵy» bola alatynyn atap ótti. Básekege qabiletti tarıfter, joǵary bilikti jumys kúshi jáne memlekettik-jeke menshik áriptestiktiń basqa da kóptegen múmkindikteri arqyly elge túrik kompanııalary tartyldy. Olar Qazaqstanda jańa aýrýhanalardyń qurylysyna jáne olardy joǵary tehnologııaly medısınalyq quraldarmen jabdyqtaýǵa atsalysýda.

– Túrkııanyń Rönesans Holding kompanııasy Qazaqstannyń jeti qalasynda óz emhanalarynyń qurylysyn bastamaqshy. Sondaı-aq biz Qazaq ulttyq onkologııa jáne radıologııa ınstıtýtymen birlese otyryp, bıyl Almaty qalasynda Tomoterapııa ortalyǵyn iske qosýdy josparlap otyrǵan Orhun Medical kompanııasynyń jumysyna sáttilik tileımiz. Túrik kompanııalarymen yntymaqtastyq jalǵasa beretinine senimdimin. Sonymen qatar biz Qazaqstannyń densaýlyq saqtaý salasyna ınvestısııa quıý úshin basqa da qatysýshy-memleketterdegi seriktesterimizdi shaqyrýǵa nıettimiz, – dedi Qasym-Jomart Toqaev.

Prezıdent Ekonomıkalyq yntymaqtastyq uıymynyń tıimdiligin arttyrý boıynsha birqatar usynys jasady. Onyń aıtýynsha, Qazaqstan Azııadaǵy ózara is-qımyl jáne senim sharalary jónindegi keńestiń tóraǵasy retinde EYU men AО́SShK-niń ekonomıka salasyndaǵy yntymaqtastyǵyn damytýǵa qoldaý kórsetýge ázir. Atalǵan qurylymdar arasyndaǵy ózara is-qımyldardy kólik jáne logıstıka, aýyl sharýashylyǵy, qarjy, energetıka, týrızm, sıfrlyq tehnologııalar jáne basqa da salalar boıynsha damytýǵa bolady.

– Ortaq múddelerdi kózdegen, birlesken jobalardy naqty júzege asyrýǵa negizdelgen jan-jaqty yntymaqtastyq qazirgi syn-qaterlerge tótep berip, erteńgi kúnge daıyn bolýǵa múmkindik jasaıdy degen nıettemiz. Biz uıymǵa úlken úmit artamyz, – dedi Memleket basshysy.

Sóz sońynda Qasym-Jomart Toqaev Túrikmenstanǵa Ekonomıkalyq yntymaqtastyq uıymyndaǵy tóraǵalyǵynyń sátti ótýine tilektestigin bildirdi.

 

Sońǵy jańalyqtar

«Qyzyl» aımaqta bir ǵana óńir qaldy

Koronavırýs • Búgin, 09:52

Qazaqstanda qansha adam vaksına saldyrdy

Koronavırýs • Búgin, 09:50

Kógershinder kórmesi

Aımaqtar • Búgin, 09:44

Mindetti qarsylas atandy

Boks • Búgin, 09:42

Táýelsizdik taspasy taratylady

Táýelsizdiktiń 30 jyldyǵy • Búgin, 09:40

QPL-diń qymbat fýtbolshylary

Fýtbol • Búgin, 09:38

Elbasy ónegesi – Túrkistan tórinde

Aımaqtar • Búgin, 09:37

Arda azamattyń esimi el esinde

Qazaqstan • Búgin, 09:29

Qozybaev kabıneti ashyldy

Qazaqstan • Búgin, 09:28

«Boksshy» fılmin tamashalady

Kıno • Búgin, 09:25

«Qyzyl aımaqtan» qutyla almaı turmyz

Koronavırýs • Búgin, 09:23

Eldi aman alyp qalatyn ekpe ǵana

Koronavırýs • Búgin, 09:21

Epıdahýal turaqtalyp keledi

Koronavırýs • Búgin, 09:19

228 eldi mekenge aýyz sý keledi

Aýyl • Búgin, 09:16

Jambyl jastary Elbasy úndeýin qoldaıdy

Aımaqtar • Búgin, 09:07

Sportty serik etken

Sport • Búgin, 09:02

Sóresinde – san kitap

Ádebıet • Búgin, 09:00

Juldyzdy sátter jylnamasy

Elbasy • Búgin, 08:55

Damý dınamıkasynda oń serpin baıqalady

Ekonomıka • Búgin, 08:53

Nar Narymbetov edi...

Qazaqstan • Keshe

«Omıkron» shtamy oqshaýlaıdy

Koronavırýs • Keshe

Uqsas jańalyqtar