Aımaqtar • 05 Naýryz, 2021

Almatyda ózin Antıkor qyzmetkeri retinde tanystyrǵan alaıaq sottaldy

3 ret kórsetildi

Almatyda ózin Sybaılas jemqorlyqqa qarsy qyzmet ókili retinde tanystyrǵan alaıaq ustaldy, dep habarlady Egemen.kz vedomstvo baspasóz qyzmetine silteme jasap.

2020 jylǵy jeltoqsanda ózin Antıkor qyzmetkeri retinde tanystyryp, senimge kirý jáne aldaý arqyly aqsha urlaǵan alaıaq anyqtalǵan.

«Ol O.M.Bazarbaıdan Almaty qalasy qylmystyq ister jónindegi mamandandyrylǵan aýdanaralyq sot qaraýyndaǵy M.Súleımenge qatysty qylmystyq is boıynsha qylmystyq jazany jeńildetý úshin Almaty prokýratýrasy men sotynyń laýazymdy tulǵalaryna beremin degen syltaýmen bes mıllıon teńgeni alyp ketken. 2021 jyldyń aqpanynda M.Súleımen 10 jylǵa bas bostandyǵynan aıyryldy», delingen habarlamada.

Kúdikti ustalyp, Almaty polısııasynyń ýaqytsha ustaý ızolıatoryna qamaldy. Onyń kinási týraly sońǵy sheshimdi sot shyǵarady.

Sońǵy jańalyqtar

Uqsas jańalyqtar