Aımaqtar • 05 Naýryz, 2021

ShQO turǵyny 230 keliden astam maraldyń múıizin urlaǵan

15 ret kórsetildi

О́tken jyldyń sońynda Zaısan aýdanynda urlanǵan 230 keliden astam maraldyń múıizin Almaty qalasynda satpaq bolǵan Shyǵys Qazaqstan oblysynyń turǵyny ustaldy, dep habarlaıdy Polisia.kz.

Urlyq ótken jyldyń jeltoqsan aıynyń ortasynda oryn alǵan. Zaısan aýdany polısııa bóliminiń “102” pýltine Zaısan qalasynda ornalasqan jaýapkershiligi shekteýli seriktestikterdiń biriniń 62 jastaǵy kúzetshisinen Qyzyl kitapqa engizilgen janýardyń múıizderin urlaý faktisi boıynsha habarlama túsken.

– Tekserý barysynda túnde belgisiz bireýdiń jaýapkershiligi shekteýli seriktestiktiń aýmaǵyna kirip, konteınerdiń aspaly qulybyn buzyp, ishinde jalpy salmaǵy 236 keliden asatyn maraldyń múıizderi salynǵan qoraptardy urlap ketkeni anyqtaldy. Keltirilgen shyǵyn 20 mıllıon teńgeden asady, – dedi ShQO PD bastyǵy Saǵat Madıev.

Bıylǵy jyldyń aqpan aıynda osy qylmysty jasaýǵa kúdikti Almaty qalasynda ustaldy. Ol Zaısan aýdanynyń 23 jastaǵy turǵyny bolyp shyqty. Ustaý barysynda er adam urlanǵan zattardan qutylmaq bolyp, olardy joldyń boıyna laqtyryp ketken. Qazirgi ýaqytta aıǵaq zattar tárkilendi.

Atalǵan fakt boıynsha QR QK-niń 188-babynyń 3-bóliginiń 3-tarmaǵymen (Turǵyn, qyzmettik nemese óndiristik úı-jaıǵa, qoımaǵa ne kólik quralyna zańsyz kirýmen jasalǵan urlyq) sotqa deıingi tergeý jalǵasýda.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar