Ekonomıka • 05 Naýryz, 2021

ForteBank pen Qazposhta yntymaqtastyq týraly memorandýmǵa qol qoıdy

90 ret kórsetildi

ForteBank-tiń basqarma tóraǵasy Gýram Andronıkashvılı men «Qazpochta» AQ basqarma tóraǵasy Qanat Alpysbaev strategııalyq seriktestik pen yntymaqtastyq týraly memorandýmǵa qol qoıdy.

Memorandýmda «Qazpochta» AQ-nyń poshta, agenttik jáne qarjylyq qyzmetter kórsetý salasyndaǵy ózara tıimdi yntymaqtastyqty damytý máseleleri qarastyrylǵan. Memorandýmǵa sáıkes, Forte ekojúıesinde eń aldymen ForteBank, ForteMarket jáne ForteMobile-da ınternet-dúkenderge qyzmetterdiń tolyq spektrin usynatyn Kazpost-tiń oryndaý ortalyqtarynyń qýatyn,  ıaǵnı taýarlardy saqtaýdan bastap ony oraý jáne klıentke jóneltýge deıingi qyzmetti úılesimdi túrde paıdalaný josparlanyp otyr.

 «Bizdiń kompanııanyń úlken ınfraqurylymy jáne durys jolǵa qalyptasqan logıstıkasy – bul tek qana jetkizý ǵana emes, sonymen qatar oryndaýdy qoımaǵa toltyrý syndy ilespe qyzmetteri deýge bolady. Birneshe jyldan beri biz bul salany belsendi damytyp, ekinshi deńgeıli banktermen yntymaqtasa jumys istep kelemiz. Bul ásirese bank keńseleri joq shalǵaıdaǵy aýyldyq jerlerde anyq sezilýde. «Qazpochtanyń» avtomattandyrylǵan bólimderiniń jartysynan kóbi aýdandar men aýyldarda ornalasqan, sáıkesinshe biz jetkizý logıstıkasyn qamtamasyz ete alamyz. Baılanystardy nyǵaıtý sınergetıkalyq nátıje bereri sózsiz», dedi «Qazpochta» AQ Basqarma tóraǵasy Qanat Alpysbaev. 

Birlesken jobalardy iske asyrý kezinde taraptar aqparattyq júıelerdi ıntegrasııalaýdy, sondaı-aq logıstıka salasyndaǵy yntymaqtastyqty josparlaýda.

«Búgin qol qoıylǵan memorandým bizdiń seriktestikter úshin uzaq merzimdi jáne ózara tıimdi negizde iskerı seriktestikter ornatýǵa jáne damytýdyń negizin qalap otyr. Baǵyttardyń biri elektrondyq kommersııa salasyndaǵy seriktestik bolady, endi Forte ekojúıesiniń quramyna kiretin ForteMarket bazarynyń klıentteri úshin «Qazpochtanyń» kez kelgen  fılıalynda búkil Qazaqstan boıynsha jedeldetilgen rejımde óz tapsyrystaryn alýyna múmkindik týdy», dedi ForteBank Basqarma tóraǵasy Gýram Andronıkashvılı.

 ForteMarket 500-den astam satýshylardan turatyn 200 000-nan astam taýarlar katalogyn usynady. ForteMarket-te ónimdi qoljetimdi baǵamen tańdap, tapsyrys berýge, sonyń ishinde nesıege nemese 12 jáne 24 aıǵa bólip tóleýge yńǵaıly. Klıent ótinimin 2 mınýt ishinde jeliden maquldas alady.

«Qazpochtanyń» fılıaldyq jelisinde búkil Qazaqstan boıynsha 3728 fılıal bar. Sondyqtan oblystar men alystaǵy oblys ortalyqtaryndaǵy, shaǵyn qalalardyń klıentteri kez kelgen poshta bólimshelerinde tapsyrys alýǵa múmkindigi bar.

aava

ForteBank – bul elimizdegi eń turaqty, ótimdi jáne jaqsy kapıtaldandyrylǵan bankterdiń biri. AQR qorytyndylary ForteBank-tiń joǵary senimdiligi men turaqtylyǵyn rastap otyr. 2020 jyly ForteBank The Banker jýrnalynyń nusqasy boıynsha úshinshi ret Qazaqstandaǵy «Jyl banki» atandy.

forte

«Qazpochta» AQ – Qazaqstan Respýblıkasynyń ulttyq poshta operatory, Dúnıejúzilik poshta odaǵynda Qazaqstannyń Poshta ákimshiliginiń atyn áıgilep júr. Poshtalyq, qarjylyq, brokerlik, agenttik, elektrondyq qyzmetterdiń keń aýqymyn usynady. «Qazpochta» AQ-nyń elimizdiń barlyq eldi mekenin qamtıtyn eń iri fılıaldyq jelisi bar. «Qazpochta» fılıaldarynyń jelisi – bul elektrondy saýdany, kólik-logıstıkalyq qyzmetterdi, bıznes pen turǵyndar úshin qarjylyq qyzmetterdi ilgeriletýdiń tıimdi quraly.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar