Aımaqtar • 05 Naýryz, 2021

Elordalyqtar aqpan aıynda MÁMS-ke 3,2 mlrd teńgeden asa jarna aýdardy

6 ret kórsetildi

Elordalyqtar 2021 jyldyń basynan beri medısınalyq saqtandyrý úshin 5,4 mlrd teńgeden asa jarna aýdardy, al aqpan aıynda MÁMS úshin 3,2 mlrd teńgeden asa jarna tústi. Bul týraly «Áleýmettik medısınalyq saqtandyrý qory» KEAQ Nur-Sultan qalasy boıynsha fılıalynyń baspasóz qyzmeti habarlady.

Nur-Sultan qalasy boıynsha 2017 jyldyń 1 shildesi men 2021 jyldyń 28 aqpany aralyǵynda medısınalyq saqtandyrý úshin jınaqtalǵan jarnanyń jalpy somasy 63,5 mlrd teńgeden asady.

«Osy jyldyń aqpan aıynda medısınalyq saqtandyrý úshin elordalyqtar 3,2 mlrd teńgeden asa jarna aýdarǵan. Onyń ishinde 1,5 mlrd teńge – jumys berýshiler aýdarymdary, al jeke kásipkerlerden 1,7 mlrd teńgeden asa jarna túsken. Sondaı-aq 2021 jylǵy 28 aqpandaǵy jaǵdaı boıynsha 6 333 adam biryńǵaı jıyntyq tólem boıynsha MÁMS-ke jarna tólegen. Áleýmettik medısınalyq saqtandyrý qoryna túsken barlyq mindetti áleýmettik medısınalyq saqtandyrý jarnalary, ıaǵnı jınaqtalǵan qarjy, senimgerlik basqarý týraly jasalǵan kelisimshartqa sáıkes Ulttyq bankte saqtalady, Mindetti áleýmettik medısınalyq saqtandyrý paketi sheńberindegi qyzmetter aqysyn tóleýge jumsalady», deıdi «Áleýmettik medısınalyq saqtandyrý qory» KEAQ Nur-Sultan qalasy boıynsha fılıalynyń dırektory Nurlybek Qabdyqaparov.

Medısınalyq saqtandyrý qory pasıentter quqyǵyn qorǵaıdy. Sondyqtan azamattar mobıldi qosymshalarda óz derekterin tekserýge jáne sáıkessizdikter anyqtalǵan jaǵdaıda qordyń elordalyq fılıalyna habarlaýǵa bolady. Sondaı-aq 1406 telefonyna nemese Qoldau 24/7 mobıldi qosymshasy arqyly baılanysýǵa bolady.

Sońǵy jańalyqtar

Eldanaǵa el rıza

Sport • Keshe

Jumekenniń «Balaýsasy»

Rýhanııat • Keshe

«Sálemetsiz be, Baqtııar!»

Rýhanııat • Keshe

Sortóbeniń baǵy eselenip keledi

Rýhanııat • Keshe

Aldaǵy apta kún jylynady

Aýa raıy • Keshe

Súıispenshilik sabaǵy

Aımaqtar • Keshe

Uqsas jańalyqtar