Aımaqtar • 06 Naýryz, 2021

Taraz qalasynda 135 otbasy baspanaly boldy

23 ret kórsetildi

«Nurly jer» memlekettik turǵyn úı baǵdarlamasy aıasynda búgin Taraz qalasynda birqatar turǵyndar baspanaly boldy.

Atalǵan 135 páterli kópqabatty turǵyn úıdiń qurylysyn «Bınom» jaýapkershiligi shekteýli seriktestigi júrgizgen. Baspanaly bolǵandardyń arasynda 27 jetim bala, 66 áleýmettik jaǵynan az qamtylǵan otbasy jáne 42 bıýdjettik uıym qyzmetkeri bar. Aıta keteıik, tarazdyq turǵyndarǵa páter kiltteri 8 naýryz merekesi qarsańynda tabystalyp otyr.

Jıynǵa Jambyl oblysynyń ákimi Berdibek Saparbaev qatysyp, turǵyndarǵa páter kiltterin tabystady.

«Memleket basshysynyń tapsyrmasyna sáıkes, jyl saıyn oblystyń júzdegen turǵyndary jańa páterlerge ıe bolýda. О́tken jyly Taraz qalasynyń turǵyndaryna eki myńǵa jýyq páter berildi. Aǵymdaǵy jyly biz bul kórsetkishti arttyryp, sol arqyly kezekti qysqarta túsýdi josparlap otyrmyz. Osy 15-shaǵyn aýdanynyńdaǵy oń ózgeristerge ózderińiz kýásizder. Jaqynda munda taǵy eki mektep, balabaqsha, feldsherlik pýnkt, polısııa bólimsheleri ashylatyn bolady. 8 naýryz merekesimen men oblys basshylyǵy atynan barlyq analar men arýlardy quttyqtaımyn. Ana – otbasynyń júregi. Sondyqtan biz olardy jan-jaqty qoldap, jas urpaqty soǵan úıretýimiz kerek», dedi Berdibek Saparbaev.

Sondaı-aq, mereke qarsańynda baspanaly bolǵan birqatar tarazdyq turǵyndar da qýanyshymen bólisti. «Meniń eki balam bar. Búgin bizge eki bólmeli páterdiń kilti tabystalyp, qýanyshty sezimdi bastan keship otyrmyz. Bul mereke osynaý jaǵymdy áserimen bizdiń jadymyzda uzaq saqtalatynyna senemin», dedi jalǵyzbasty ana Amına Iаkýbjanova. Al, tolyq emes otbasy sanaty boıynsha kezekte turyp, baspanaly bolǵan Nazıra Ábdiraıymova da óz tilegin jetkizdi. «Qýanyshymdy sózben aıtyp jetkizý múmkin emes. Men barlyq analar atynan oblys basshylyǵyna degen rızashylyǵymdy jetkizgim keledi. Kez-kelgen adam jeke baspanasyna qol jetkizýdiń qanshalyqty mańyzdy ekenin túsinedi jáne sony armandaıdy. Men ár otbasyna osyndaı baqytty sezinýin tileımin», dedi ol.

Aıta keteıik, qazirgi tańda oblysta turǵyn úı qorynan páter alý úshin kezekte 30 myńnan astam adam tur eken. О́tken jyldyń qorytyndysy boıynsha 250 myń sharshy metrden astam turǵyn úı paıdalanýǵa berilgen.

 

Jambyl oblysy

Sońǵy jańalyqtar

Eldanaǵa el rıza

Sport • Keshe

Jumekenniń «Balaýsasy»

Rýhanııat • Keshe

«Sálemetsiz be, Baqtııar!»

Rýhanııat • Keshe

Sortóbeniń baǵy eselenip keledi

Rýhanııat • Keshe

Aldaǵy apta kún jylynady

Aýa raıy • Keshe

Súıispenshilik sabaǵy

Aımaqtar • Keshe

Uqsas jańalyqtar