Aımaqtar • 07 Naýryz, 2021

Salǵyrt qurylys kompanııalaryn qara tizimge engizemiz - Altaı Kólginov

18 ret kórsetildi

Nur-Sultan qalasynyń ákimi Altaı Kólginov Instagram paraqshasynda jumysyna salaqtyq tanytqan qurylys qompanııalary qara tizimge engiziletinin málim etti, dep habarlaıdy elorda ákimdiginiń resmı saıty.

«Búgin Esil aýdanyndaǵy birqatar áleýmettik nysan qurylysymen tanystym. Jeńildikpen beriletin baspana salý rekordyn bıyl da qaıtalaý úshin, alǵysharttaryn byltyr-aq daıyndaǵan edik. Birneshe áleýmettik baspana ǵımaraty salynatyn osy aýdanda 2 myń oqýshyǵa shaqtalǵan mektep te salynyp jatyr, osylaısha, eki aýysymda oqıtyn qosymsha 4 myń oqýshy qamtylady.

Qurylys qarqynyn báseńdetpeýdi, úıler men oqý nysandarynyń sapasyn erekshe nazarda ustaýdy tapsyrdym. Salǵyrt qurylysshylarmen kelisimdi úzip, qara tizimge kirgizetin bolamyz.

Bıyl, shamamen 10 myń - jeńildikpen beriletin baspana tapsyramyz dep josparlap otyrmyz. Salystyrý úshin: jeńildikpen 2018 jyly - 1 100 páter, 2019 jyly – 2 900, al 2020 jyly - 7 myńnan astam áleýmettik baspana berilgen eken. Memleket basshysynyń nusqaýymen jeńildikpen beriletin baspana qurylysyn júıeli túrde arttyryp jatyrmyz.

Bilim oshaqtarynyń qurylysyna keletin bolsaq, bıyl barlyǵy 40 myń orynǵa mektepter ashamyz. Bul byltyrmen salystyrǵanda eki esege, al 2019 jylmen salystyrǵanda - tórt ese kóp.

Endi mektepterdi gabarıtti etip salýǵa kóshpekpiz. Buǵan qosa, 5-jyldyq keshendi josparǵa sáıkes memlekettik 50 mektep salamyz. Bilim oshaqtarynyń qurylysyna jeke ınvestısııa da tartylyp jatyr», deıdi qala ákimi.

Sońǵy jańalyqtar

Eldanaǵa el rıza

Sport • Keshe

Jumekenniń «Balaýsasy»

Rýhanııat • Keshe

«Sálemetsiz be, Baqtııar!»

Rýhanııat • Keshe

Sortóbeniń baǵy eselenip keledi

Rýhanııat • Keshe

Aldaǵy apta kún jylynady

Aýa raıy • Keshe

Súıispenshilik sabaǵy

Aımaqtar • Keshe

Uqsas jańalyqtar