Álem • 07 Naýryz, 2021

AQSh-ta COVID-19-qa qarsy 2,9 mıllıon vaksına salyndy

16 ret kórsetildi

Sońǵy táýlikte AQSh-ta COVID-19-qa qarsy 2,9 mıllıon vaksına jasalǵanyn el prezıdenttiń aǵa keńesshisi Endı Slevıt málimdedi.

Onyń aıtýynsha, bul vaksınasııa bastalǵannan bergi maksımaldy mólsheri. 328 mıllıon turǵyny bar memleket koronavırýsty juqtyrǵandar (29 mıllıonǵa jýyq) men ólim jaǵdaılary (524 myńnan astam) boıynsha álemde kósh bastap tur.

Polshada sońǵy aptada koronavırýs juqtyrǵandar sany 23% -ǵa ósti. El bıligi indettiń úshinshi tolqynynyń bastalǵany týraly aıtýda. Senbi kúni Polshanyń Densaýlyq saqtaý mınıstrligi bir táýlikte 14 800 Kovıd-19 oqıǵasy jáne 245 ólim jaǵdaıy tirkelgenin habarlady. Sonymen qatar, elde koronavırýstyń saldarynan aýrýhanaǵa túskenderdiń sany sońǵy jeti kúnde 16% -ǵa artty.

Chehııadaǵy koronavırýsqa qatysty jaǵdaı kúrdeli kúıinde qalýda, el Covid-19 juqtyrǵandar kórsetkishi boıynsha Eýropalyq Odaqta kósh bastap tur (1 mıllıon turǵynǵa shaqqanda 115,7 myń adam). Karlovy Vary ákimdiginiń ókili Iаn Kopalanyń aıtýynsha, aımaqta koronavırýstyń «brıtandyq» shtamy basym - bul ınfeksııanyń jańa jaǵdaılarynyń 80% -ynda anyqtalǵan.

Izraılde lokdaýndy alyp tastaýdyń úshinshi kezeńi bastalady. Vaksınanyń eki dozasymen egilgenin jáne sońǵy ıneksııadan keıin kem degende bir apta ótkenin rastaıtyn «jasyl pasporttardyń» ıeleri úshin kóptegen shekteýler jeńildetildi. Vaksınasııalanǵan ızraıldikter kafeler men meıramhanalardyń ishinde de, verandada da otyra alady. Sondaı-aq, qonaq úıler COVID-19-qa qarsy vaksınasııa alǵandarǵa barlyq qyzmet túrlerin usyna alady.

Germanııada Soltústik Reın - Vestfalııa federaldy jeri Slovakııadan COVID-19 bar on naýqasty qabyldaıdy. Halyqtyń jalpy sanyna shaqqanda, Slovakııada koronavırýstyq ınfeksııadan qaıtys bolǵandar sany boıynsha álemdegi eń joǵary kórsetkish kórsetip otyr.

Paragvaı bıligi elde COVID-19 naýqastaryn emdeýge arnalǵan dári-dármekter jetispeıtinin jáne memlekettik aýrýhanalardaǵy reanımasııa bólimshelerindegi barlyq tósek-oryndar bos emes ekenin málimdedi. 7 mıllıon turǵyny bar Paragvaıda 166 myńǵa jýyq adam indetti juqtyrǵan, 3 300-ge jýyq naýqas qaıtys bolǵan.
 
Sońǵy jańalyqtar

Eldanaǵa el rıza

Sport • Keshe

Jumekenniń «Balaýsasy»

Rýhanııat • Keshe

«Sálemetsiz be, Baqtııar!»

Rýhanııat • Keshe

Sortóbeniń baǵy eselenip keledi

Rýhanııat • Keshe

Aldaǵy apta kún jylynady

Aýa raıy • Keshe

Súıispenshilik sabaǵy

Aımaqtar • Keshe

Uqsas jańalyqtar