О́ner • 08 Naýryz, 2021

Halyqaralyq áıelder kúnine oraı gala-konsert ótti

38 ret kórsetildi

«Astana balet» sahnasynda Halyqaralyq áıelder kúnine oraı gala-konsert ótti. 6-7 naýryzda, qatarynan eki kún boıy, elimizdiń úsh teatry – «Astana Balet», «Astana Opera», Abaı atyndaǵy Qazaq UAOBT jetekshi solıstteri,  qazaqstandyq balet juldyzdary bir sahnada bas qosyp, óner kórsetti, dep habarlaıdy Egemen.kz

Eki bólimnen turǵan kesh baǵdarlamasy 16 nómerden quralǵan: ártister klassıkalyq muraǵa aınalǵan spektaklderdiń úzindilerin, sondaı-aq, sony horeografııalyq qoıylymdardy oryndap shyqty.

«Baǵdarlamamyz óte mazmundy ári san-alýan boldy, sondaı-aq, keıbir nómerler sahnamyzda alǵash oryndalǵanyn atap ótýimiz kerek. Osy baǵdarlamany daıyndaǵan kezde, óz basym, kelip jetken kóktem shýaǵyn jańa ómir tynysyn, mahabbat pen ińkár sezimdi jetkizgim keldi. Sondyqtan, ár bı mahabbattyń san qyryn sýretteıdi: qushtarlyq, romantıkalyq, melanholııalyq sezim ıirimderi», dedi «Astana Balet» teatrynyń kórkemdik jetekshisi Nurlan Kanetov.

Birinshi bólimde S.Pýnıdiń «Esmeralda», P.Chaıkovskııdiń «Aqqý kóli», B.Asafevtiń «Parıj alaýy», K.Glıýktiń «Áýen», A.Adannyń «Korsar», P.Maskanıdiń «Diversity», P.Chaıkovskııdiń «Divine» syndy baletteriniń úzindileri kórsetildi.

Birinshi bólimniń sońynda úsh teatrdyń jetekshi solıstteri: Farhad Bórıev, Bahtııar Adamjan men Janel Tókeeva Adolf Adan mýzykasyna qoıylǵan «Korsar» baletinen trıo oryndap, kórermen qaýymnyń zor yqylasyna bólendi.

Ekinshi bólimde «Jızel» baletinen grand-pa, «Karmen-sıýıta» baletinen dýet, «Aqqý kóli» baletinen adajıo, Fedor Lopýhov horeografııasyndaǵy «Gopak», «Spartak» baletinen dýet, «Shopenıana» baletinen vals, «Love FearLoss» baletinen dýet jáne «Don Kıhot» baletinenpa-de-de kórsetildi.

Bı keshiniń jarqyn kórinisiniń biri A.Hachatýrıan mýzykasyna horeograf Georgıı Kovtýn qoıǵan «Spartak» baletinen adajıo edi. Elordalyq teatr sahnasyna spektakl úzindisin «Astana Balet»Teatrynyń kórkemdik jetekshisi, RF eńbek sińirgen qaıratkeri Nurlan Kanetov kóshirdi. Spartak pen Frıgııanyń beınesin Farhad Bórıev pen AınuÁbilǵazına somdady.

Eki kesh boıy óner kórsketken «Astana Balet» teatrynyń solıstteri men ártisteri: Tatıana Ten, Farhad Bórıev, Qazbek Ahmedııarov, AınuÁbilǵazına, Dılara Shomaeva, Aıjan Muqatova, Ýeslı Karvalo, Eldar Sársembaev, Baljan Ábdirahmanova jáne ózge bıshiler.

Gala-konsertte shaqyrylǵan ártister retinde óner kórsetkender: «Astana Opera» teatrynyń premerBahtııar Adamjan, Abaı atyndaǵy Qazaq UAOBT jetekshi solıstteri Janel Tókeeva, RahyDaıyrov pen Málıka Elshibaeva.

Esterińizge sala keteıik, naýryz aıynda bizdiń ujym «Valpýrgıev túni» jáne «Gaııa» bir aktili baletteri men Naýryz meıramynyń qarsańynda «Ulttyq horeografııa keshin» kórsetedi. Teatrdyń kórkemdik jetekshisi sáýir aıyndaǵy qoıylymdar jaıly da aıtyp qaldy. Kóp uzamaı, kórermen kózaıymyna aınalǵan «Beıbarys sultan», «Mahabbat týraly ańyz» jáne «Jızel» baletteri qaıta kórsetiletin bolady.

Sońǵy jańalyqtar

Eldanaǵa el rıza

Sport • Keshe

Jumekenniń «Balaýsasy»

Rýhanııat • Keshe

«Sálemetsiz be, Baqtııar!»

Rýhanııat • Keshe

Sortóbeniń baǵy eselenip keledi

Rýhanııat • Keshe

Aldaǵy apta kún jylynady

Aýa raıy • Keshe

Súıispenshilik sabaǵy

Aımaqtar • Keshe

Uqsas jańalyqtar