Qazaqstan • 08 Naýryz, 2021

Nurlan Nyǵmatýlın 8 naýryz merekesimen quttyqtady

11 ret kórsetildi

Májilis tóraǵasy Nurlan Nyǵmatýlın elimizdegi barlyq ardaqty analar men arýlardy kóktem mezgiliginiń eń jarqyn, mereıli meıramy 8 naýryz halyqaralyq áıelder kúnimen quttyqtady, dep habarlaıdy Egemen.kz.

«Qazaqstandaǵy barsha áıelder qaýymyn 8 naýryz merekesimen quttyqtaımyn! Bizdiń qoǵamda áıel azamattar otbasynyń ǵana emes, memleketimizdiń berekesi, mereıi. Sondyqtan, aıtýly merekede abzal analar men aıaýly arýlarǵa zor densaýlyq, mol baqyt, qýanysh, shattyq tileımin!» dep jazdy N. Nyǵmatýlın Twitter -degi paraqshasynda.

Sondaı-aq, Májilis tóraǵasy qazaqstandyq áıelderdiń joǵary kásibı qasıetterimen qatar, árdaıym náziktigimen erekshelenetinin atap ótti.

Nurlan Nyǵmatýlınniń aıtýynsha, áıelder qaýymy shańyraǵynyń uıytqysy bolyp, óskeleń urpaqty otbasylyq qundylyqty qurmetteý rýhynda tárbıelep, elimizdiń damýyna, eń aldymen, qazaqstandyqtardyń áleýmettik ál-aýqatyn jaqsartý úshin qajetti zańdardyń qabyldanýyna zor úles qosýda. Sonymen qatar, Májilis spıkeri el basshylyǵynyń elimizdiń qoǵamdyq-saıası ómirindegi áıelderdiń rólin arttyrýǵa, ana men balany qoldaýǵa asa mańyzdy baǵyttardyń biri retinde erekshe kóńil bóletinine nazar aýdardy.

«Barlyq áıelderge kóktemgi kóterińki kóńil-kúı, myqty densaýlyq, amandyq jáne barlyq bastamalaryna tabys tileımin!»  dedi májilis tóraǵasy.

Sońǵy jańalyqtar

Eldanaǵa el rıza

Sport • Keshe

Jumekenniń «Balaýsasy»

Rýhanııat • Keshe

«Sálemetsiz be, Baqtııar!»

Rýhanııat • Keshe

Sortóbeniń baǵy eselenip keledi

Rýhanııat • Keshe

Aldaǵy apta kún jylynady

Aýa raıy • Keshe

Súıispenshilik sabaǵy

Aımaqtar • Keshe

Uqsas jańalyqtar