Qazaqstan • 09 Naýryz, 2021

Mektepterde qazaq kúresi men toǵyzqumalaq sabaq retinde ótkiziledi

60 ret kórsetildi

Orta mektepterde «qazaq kúresi», «toǵyzqumalaq», «asyq atý» boıynsha mindetti sabaq ótkizý ádistemesi ázirlep jatyr. Bul týraly Májilis depýtattarynyń saýalyna Premer-Mınıstr Asqar Mamınniń jaýabynda aıtylǵan, dep habarlaıdy Egemen.kz

«Búginde sport seksııalarmen shamamen 1,4 mln bala nemese mektep jasyndaǵy balalardyń jalpy sanynyń (3,5 mln) 40 paıyzy, onyń ishinde 422 myńnan bastam bala mektepten tys uıymdarda qamtylǵan. Buqaralyq sportty damytý aıasynda sport ınfraqurylymyn, onyń ishinde aýyldy jerlerde damytýǵa basa nazar aýdarylyp otyr. Máselen, 2023 jylǵa deıin shamamen 159 aýyl mektebin sport zalmen qamtamasyz etý josparlanǵan», dedi Asqar Mamın.

Úkimet basshysynyń atap ótýinshe, Bilim jáne ǵylym mınıstrligi dene shynyqtyrý muǵalimderiniń biliktiligin arttyrý jumysyn jolǵa qoıǵan. О́tken jyly 447 dene shynyqtyrý muǵalimi biliktilik arttyrý kýrsynan ótti. Al bıyl 2 myńnan astam pedagogty qaıta daıarlaý kózdelip otyr. Sonymen qatar 2021 jyldyń qańtarynan sabaqtan tys sport úıirmelerin ótkizgeni úshin dene shynyqtyrý muǵalimderine bazalyq laýazymdyq jalaqynyń 100 paıyzy mólsherinde ústemeaqy tóleý engizildi. Ústemeaqy dene shynyqtyrý muǵalimderin bilim berý uıymdarynda seksııalar ashýǵa yntalandyratyn bolady.

«Balalardyń densaýlyǵy men tálim-tárbıesine ulttyq sport túrlerinen sabaq ótkizý de oń áserin tıgizbek. Qazirgi ýaqytta Mádenıet jáne sport mınıstrligi men Bilim jáne ǵylym mınıstrligi «qazaq kúresi», «toǵyzqumalaq», «asyq atýdy» aldaǵy ýaqytta dene shynyqtyrý boıynsha mektep baǵdarlamasyna qosý jáne mindetti sabaq retinde ótizý úshin ádisteme ázirlep jatyr», dedi Premer-Mınıstr.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar