Parlament • 12 Naýryz, 2021

Senatta organıkalyq óndiris salasyn damytý máseleleri talqylandy

12 ret kórsetildi

Elimizde organıkalyq óndiris oryndary nege damymaıdy? Salaǵa qandaı zańnamalyq qoldaý qajet? Bul salaǵa halyqaralyq tájirıbe qalaı serpin bere alady? Búgin Senatta organıkalyq ónim óndirisin zańnamalyq retteýge arnalǵan kezdesýge qatysýshylar osy jáne osyǵan qatysty ózge de máselelerdi talqylady.

Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń músheleri, birqatar mınıstrlikterdiń basshylary, ǵylym, qaýymdastyqtar men halyqaralyq uıymdardyń ókilderi osy másele boıynsha ózderiniń saraptamalyq pikirlerin ortaǵa saldy.

Organıkalyq ónim óndirýshilerdiń tizilimin júrgizý, óndirisi men aınalym erejelerin, sondaı-aq ony óndirýde qoldanylatyn ruqsat etilgen quraldardyń tizimin belgileıtin "Organıkalyq óndiris týraly" zań 2015 jyly qabyldanǵan bolatyn. Alaıda, salalyq komıtettiń ókili Álı Bektaevtyń aıtýynsha, bul baǵyt áleýeti men perspektıvalaryna qaramastan, tıisti deńgeıde damı alǵan joq.

«Negizgi problemalardyń biri osy saladaǵy zańnamanyń jetildirilmeýi, organıkalyq ónimdi jáne ony óndirýdi sertıfıkattaýdyń ulttyq júıesi men organıkalyq ónimdi biryńǵaı tańbalaý ınstıtýtynyń bolmaýy bolyp otyr. Osy jáne basqa da faktorlar saladaǵy bıznesti damytýǵa nıet bildirýshilerge tusaý bolýda», dedi Álı Bektaev.

Senator Aqylbek Kúrishbaev óz kezeginde organıkalyq óndiris jónindegi EO reglamentimen jáne basym ótkizý naryqtarynyń shetel memleketteriniń standarttarymen balamaly ulttyq standarttardy ázirleý qajettigin atap ótti.

«Organıkalyq ónim óndirisi men aınalymyn esepke alý men qadaǵalaýdyń qazirgi zamanǵy júıesin engizý, Qazaqstannyń organıkalyq óndirisiniń biryńǵaı ınternet-portalyn qurý, organıkalyq ósimdik sharýashylyǵyna jaramdy tuqymdar men otyrǵyzý materıaldarynyń tizilimin jasaý qajet», dedi Aqylbek Kúrishbaev.

Aýyl sharýashylyǵy mınıstriniń orynbasary Nurbek Daıyrbekov qazir organıkalyq ónim óndirý jáne onyń aınalymy salasyndaǵy ulttyq zańnamany jaqsartý, atap aıtqanda, ulttyq jáne halyqaralyq standarttarǵa sáıkes ekologııalyq taza organıkalyq ónimniń sáıkestigin rastaý jáne baqylaý jónindegi ulttyq organdardy qurý jáne tirkeý jónindegi sharalar pysyqtalyp jatqanyn aıtty.

Saýda jáne ıntegrasııa mınıstriniń orynbasary Erjan Qazanbaev organıkalyq ónimderdi tehnıkalyq retteý jáne eksporttaý máseleleri týraly kezdesý qatysýshylarǵa aıtyp berdi. Ol sondaı-aq qazaqstandyq brendterdi nysanaly naryqtarǵa ilgeriletý jónindegi jumystar týraly jáne organıkalyq ónim óndirý prosesteriniń sáıkestigin rastaý jónindegi sarapshy-aýdıtorlarǵa qoıylatyn ruqsat berý talaptaryn bekitý jónindegi sharalar týraly esep berdi.

Dóńgelek ústel barysynda aıtylǵan usynystar keıinnen múddeli taraptarǵa jiberiletin usynymdarda kórinis tabatyn boldy. Senat depýtattary sonymen qatar aǵymdaǵy jyly organıkalyq ónim óndirý máseleleri jónindegi zań jobasyn ázirleý jóninde bastama jasaýdy josparlap otyr.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar