Qoǵam • 16 Naýryz, 2021

Almatyda «Adaldyq alańy» jobasy iske qosyldy

14 ret kórsetildi

Almaty qalalyq Polısııa departamentinde jáne onyń barlyq bólimshelerinde «Adaldyq alańy» front-ofısi ashyldy, dep habarlaıdy Egemen.kz Polisia.kz saıtyna silteme jasap

Keńseni PD basshysy Qanat Taımerdenov pen Almaty qalasyndaǵy Sybaılas jemqorlyqqa qarsy qyzmettiń basshysy Nyǵmedjan Saparov ashty.

«Maqsat – sybaılas jemqorlyq deńgeıin tómendetý jáne halyqtyń ishki ister organdaryna degen senimin arttyrý. Jobany júzege asyrýǵa qyzmetterdiń jáne bólimshelerdiń tájirıbeli qyzmetkerleri, sondaı-aq jurtshylyq qatysady. Jobalyq keńseniń basty mindeti – sybaılas jemqorlyqqa yqpal etetin usynystardy jınaý, qalyptastyrý, sebepter men jaǵdaılardy joıý boıynsha jańa tásilder men sheshimderdi ázirleý. Olar qoǵamdyq talqylaýǵa shyǵarylyp, ujymdyq túrde qaralady», dep habarlady Almaty qalalyq Polısııa departamentiniń bastyǵy Qanat Taımerdenov.

Onyń aıtýynsha, Almatydaǵy «Adaldyq alańy» keńsesin belgili jýrnalıst Vasılıı Shýpeıkın basqarady. Joba tikeleı azamattar úshin barlyq qolaıly jaǵdaılar jasalǵan jáne barlyq sanıtarlyq – epıdemıologııalyq standarttar saqtalǵan PD-niń front-ofısinen bastalady. Munda bilikti mamandar turǵyndarǵa quqyqtyq keńes beredi. Onda azamattardyń múddeleri birinshi kezekte bolady, sonymen qatar ashyqtyq pen aıqyndylyq qamtamasyz etiledi, qoǵamnyń senimi jáne sybaılas jemqorlyqqa qarsy turý qaǵıdattary iske asyrylady.

Quqyq qorǵaý organdarynyń jańa jumys formatyna kóshýi halyqpen ashyq dıalogty qamtamasyz etedi, bul azamattardyń memlekettik bılik ınstıtýttaryna degen senimin arttyrýǵa jáne sybaılas jemqorlyqqa qarsy mádenıetti qalyptastyrýǵa yqpal etedi. Bul tehnologııany qoldaný zamanaýı sybaılas jemqorlyqqa qarsy saıasattyń barlyq talaptaryna saı keledi.

«Memlekettik organdardyń ashyqtyǵy men aıqyndyǵy bizdiń jumysymyzdyń basty basymdyqtary bolyp tabylady. Biz barlyq memlekettik organdarda «Adaldyq alańynyń» front-ofısterin ashýdy jalǵastyrýdamyz. Memlekettik organdardyń mundaı ózgerisi kúndelikti sybaılas jemqorlyqty azaıtýǵa jáne azamattardyń ótinishterine jedel jaýap berýge múmkindik beredi», dedi Nyǵmedjan Saparov.

Sońǵy jańalyqtar

QHL: «Barys» «Vıtıazge» jol berdi

Hokkeı • Búgin, 19:35

«Egemenge» jazylyńyz – syılyq utyp alyńyz!

Egemen Qazaqstan • Búgin, 19:08

Kýrchatovta AES salynýy múmkin

Qazaqstan • Búgin, 18:02

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar