Bıznes • 08 Sáýir, 2021

Shaǵyn jáne orta kásipkerlikti qoldaý sharalary jalǵasady

10 ret kórsetildi

Prezıdent janyndaǵy Ekonomıkalyq ósýdi qalpyna keltirý jónindegi memlekettik komıssııanyń otyrysy barysynda Ulttyq ekonomıka mınıstri Áset Erǵalıev kásipkerlerdiń kredıtteri boıynsha salyqtyq yntalandyrý jáne boryshtyq júktemeni tómendetý boıynsha qosymsha qoldaý sharalaryn tanystyrdy.

«Memleket basshysynyń tapsyrmasyn oryndaý úshin ekonomıkanyń neǵurlym zardap shekken sektorlarynda kásipkerlerdiń kredıtteri boıynsha salyqtyq yntalandyrý jáne borysh júktemesin azaıtý boıynsha qosymsha qoldaý sharalary ázirlendi», dedi mınıstr.

Á.Erǵalıevtiń aıtýynsha, ShOB-ty qoldaý úshin zardap shekken salalardaǵy ShOB sýbektileri úshin eńbekaqy tóleý qorynan barlyq salyq pen tólemderdi tóleý keıinge qaldyryldy. Bul norma 500 myń kásipkerge qatysty. Sa­lyqtar men tólemderdi keıinge qaldyrýdyń boljamdy somasy – 67 mlrd teńge. Sondaı-aq salyqtyq jáne ke­dendik bereshekti májbúrlep óndirip alý sharalary toqtatylady. Bul 374 mlrd teńge bereshek somasy bar 90 myń bız­nes sýbektisin qamtýǵa múmkindik beredi.

Ulttyq ekonomıka mınıs­tr­liginiń basshysy atalǵan keıinge qaldyrý sharalary 2021 jylǵy 1 sáýir men 1 shil­de aralyǵynda áreket etetinin atap ótti.

«Sondaı-aq taýar­larǵa ilespe júkqu­jat­tar men elektrondy shot-faktý­ra­lardy resimdeý boıyn­sha qa­nat­qaqty jobany iske asyrý 2021 jylǵy 1 shildeden 1 qazanǵa aýysty­­rylady. «Ata­meken» UKP men Qarjy­lyq naryqty retteý jáne damytý agenttigimen birge ekono­mıkanyń neǵurlym zardap shekken salalarynda ShOB kredıtteri boıynsha paıyzdyq mólsherlemeni sýbsıdııalaý kezeńin uzartý máselesi pysyqtaldy», dedi mınıstr.

Osy rette 6 myńnan asa ShOB sýbektisine qol­daý kórsetiledi. Kredıt qorjy­ny­nyń somasy – 425,5 mlrd teńge.

«Sýbsıdııalaý merzimin 2021 jylǵy 1 sáýirden 1 shil­dege deıin anyqtaý usyny­lady. Sýbsıdııalardy baǵalaý quny – 8,8 mlrd teńge. Bar­lyq joǵaryda aıtylǵan qol­daý sharalary boıynsha qa­jet­ti zańnamalyq túzetýler ázir­lendi», dedi UEM basshysy.

Sońǵy jańalyqtar

«Ertis ormany» rezervatynda órt shyqty

Aımaqtar • Búgin, 21:30

Tarıhı jeńiske qol jetkizdi

Tennıs • Búgin, 20:12

Nar tulǵa

Rýhanııat • Búgin, 20:10

Ekpe saldyrý ózekti

Medısına • Búgin, 20:07

Sheteldik basylymnan

Álem • Búgin, 20:02

Arýlarymyz alty júlde aldy

Sport • Búgin, 19:55

Qazaqstanǵa agrobank qajet pe?

Qazaqstan • Búgin, 19:51

Aıtyldy-oryndaldy: Jeti JOO jabyldy

Prezıdent • Búgin, 18:31

Qasıetti aıda qaıyrymdylyq jasady

Aımaqtar • Búgin, 09:20

Poıyz avtokólikti soqty

Oqıǵa • Keshe

ShQO-da mal urylary ustaldy

Aımaqtar • Keshe

Uqsas jańalyqtar