Aımaqtar • 08 Sáýir, 2021

Qaraǵandylyqtar jappaı egýge qamdanýda

7 ret kórsetildi

Qaraǵandy oblystyq qoǵamdyq densaýlyq saqtaý qyzmetiniń basshysy Bıbigúl Tólegenova usynǵan málimetke saı, óńirde búginge deıin reseılik Spýtnık V vaksınasynyń birinshi komponentimen 11 207 adam, al ekinshisimen 5 634 adam egilipti.

Jalpy, oblysta vaksınalaý syndy asa jaýapty sharýamen 30 kabınetten turatyn 14 ortalyq aınalysady. Olar Qaraǵandy, Temirtaý, Abaı, Saran, Shah­tın­sk, Balqash jáne Jezqazǵan qala­la­rynda jumys istep tur. Keıinde Qar­­qa­raly aýdanyndaǵy orta­lyq aýrýhana janynan taǵy bir ortalyq ashyldy.

Aldaǵy ýaqytta 35 vaksınalaý orta­lyǵy iske qosyl­maq­shy. Munda árqaı­sy­nyń ótkizý qabileti táýligine 70-80 adamdy quraıtyn 115 egý kabı­neti bolady.

Qaraǵandy oblysy 1 sáýir­de atalǵan vak­sı­na­nyń birinshi komponentiniń 7 600 dozasyn alǵan. Epı­de­mıo­lo­gııalyq jaǵdaı eskerile oty­ryp, birinshi kezekte bul partııamen medısınalyq jáne áleý­met­tik mekemelerdiń táýekel top­qa jatatyn qyzmetkerleri men son­daǵ­y adamdardy vak­sı­na­laý­ǵa sheshim qabyl­da­nyp­ty.

– Osy aptanyń sońyna qaraı Qara­ǵan­dy farma­sev­tı­ka­lyq kesheninde óndi­riletin Spýtnık V vaksınasynyń taǵy 40 myń dozasy jetkizilýi tıis. Sáýir aıynda taǵy da kezekti partııasyn alamyz, – deıdi B.Tólegenova.

Qoǵamdyq densaýlyq saq­taý qyzmeti­ni­ń basshysy tur­ǵyn­dardy jappaı vaksınalaý sáýir aıynyń ortasynda bastalatynyn aıtady. Osy oraıda iri saýda úılerinde vak­sı­nalaý ortalyqtaryn ashý uıǵarylǵan. Bul jyljymaly beketter emes, tolyqqandy qurylymdar bolmaqshy. Onda dárigerlik jáne egý kabı­net­teri, vaksınadan keıin­gi baqylaý jáne shuǵyl kómek aımaqtary bolady. Olardyń bári stasıonarlyq medı­sı­nalyq tońazytqyshtarmen jáne barlyq qajetti jab­dyq­­­tar­men qamtamasyz eti­le­di. Qa­zirgi ýaqytta bul orta­lyq­tar­dyń jumysyn úıles­tirý sanıtarlyq-epıdemııa­lyq qyzmetpen birge pysyq­talý ústinde.

Koronavırýsqa qarsy vaksına alý erikti jáne tegin ekenin aıta ketken jón. Ba­la­lar men 18 jasqa deıingi jas­óspi­rim­der­ge vaksınalaý júrgizilmeıdi. Al basqa jas­ta­ǵy adamdarǵa shekteý joq.

Ekpe saldyrýǵa nıet bil­dir­gen tur­ǵyndar aldymen ózderi tirkelgen em­ha­na­ǵa baryp, kútý tizimine jazylýy kerek. Eger belgili bir adam qandaı da bir sebeptermen belgilengen kúni vaksınalaýǵa kele almasa, ol mindetti túrde bul týra­ly habarlaýy tıis. О́ıtkeni árbir doza qatań esepte turady. Mysaly, kele al­ma­ǵan álgi adamnyń kezegi basqaǵa aýys­tyrylady.

Qoǵamdyq densaýlyq saq­taý qyz­me­ti­niń basshysy B.Tólegenova vaksı­na­laý­dyń pandemııany toqtatýdyń jal­ǵyz ǵana tásili ekenin, bul mańyzdy sharýaǵa tur­ǵyn­dardyń úlken ja­ýap­ker­shilikpen jáne túsinis­tikpen qaraýlary kerek­tigin aıtady.

Eske sala ketetin bir jaıt, qazirgi ýa­qyt­ta mamandar jasandy ımmýnıtettiń bolǵany abzal degen uıǵarymdy jaqtap júr. Mysaly, Spýtnık V vaksınasyn jasap shyǵarǵan N.Gamaleıa atyndaǵy ult­tyq zertteý ortalyǵynyń ǵalym­da­ry ózderi jarııalaǵan ma­qa­lalarda ım­mý­nıtettiń qa­lyp­tasý úderisi eki jylǵa deıin sozylatynyn málim etti.

Sońǵy táýlik boıynsha jetken máli­met­­terge saı, Qara­ǵandy oblysynda 144 adam koronavırýs ınfeksııasyn juq­ty­ryp­ty. Al keshegi usy­nylǵan aqparat boıynsha, 89 naýqas aýrýdan jazylyp shyqqan.

 

Qaraǵandy oblysy

 

Sońǵy jańalyqtar

Nar tulǵa

Rýhanııat • Keshe

Ekpe saldyrý ózekti

Medısına • Keshe

Sheteldik basylymnan

Álem • Keshe

Aq úıdiń alǵashqy meımany

Álem • 17 Sáýir, 2021

Poıyz avtokólikti soqty

Oqıǵa • 17 Sáýir, 2021

Petropavlda tilsiz jaý der kezinde quryqtaldy

Aımaqtar • 17 Sáýir, 2021

ShQO-da mal urylary ustaldy

Aımaqtar • 17 Sáýir, 2021

Bir táýlikte 2822 adamnan koronavırýs anyqtaldy

Koronavırýs • 17 Sáýir, 2021

Uqsas jańalyqtar