Bilim • 10 Sáýir, 2021

Elordalyq oqýshylar IV toqsanda qalaı oqıdy?

25 ret kórsetildi

Nur-Sultan qalasynyń bas sanıtarııa dárigeri Sarhat Beısenovanyń jańa qaýlysy shyqty, dep habarlaıdy Egemen.kz

Shahardaǵy epıdemııalyq ahýaldy retteýge baǵyttalǵan jańa qujatta negizinen IV toqsandaǵy bilim berý formatyna birqatar ózgeris engizilgen.

Atap aıtqanda bilim obektilerinde oqytýdy uıymdastyrý tártibi bylaı belgilengen:

- 19 sáýirden bastap ata-analardyń ótinishi boıynsha oqýshy sany 300-ge deıin, synyptaǵy bala sany 10 adamnan aspaıtyn qalalyq mektepterde balalar dástúrli formatta oqıdy.

- bilim obektileriniń jumysyn qashyqtan oqytý tártibinde uıymdastyrý kózdelgen. Munda tek mektep bitirýshi synyp (9, 11 (12) synyptar) oqýshylarynyń ata-ana ótinishi boıynsha mektepke baryp oqýyna ruqsat etilgen. Olar sabaqty aralas formatta (pánderdiń 70% - dástúrli formatta, 30% - qashyqtan) oqıdy. Synypta 15 adamnan artyq bolmaýy kerek.

Bilim obektileriniń jumysy Densaýlyq saqtaý mınıstriniń 2020 jylǵy 28 tamyzdaǵy №QR DSM-98/2020 buıryǵynyń 10-taraýyn saqtaı otyryp ruqsat etiledi.

Bilim obektilerinde COVID-19 jaǵdaıy tirkelgen kezde obektini karantınge jabý osy qaýlynyń №1 qosymshasyna sáıkes júrgiziledi.

Joǵary oqý oryndary men kolledjderdiń birinshi kýrs stýdentterin qashyqtan oqytý jalǵasady.

Bilim mekemelerinde sabaqtan tys ýaqytta oqýshylardyń jeke oqýyn uıymdastyrýǵa tyıym salynady.

Menshik nysanyna qaramastan, mektepke deıingi uıymdarda kezekshi toptardyń jumysyn ár topta 15 baladan artyq emes etip toltyryp uıymdastyrýǵa ruqsat etilgen. Jańa kezekshi toptardy ashýǵa tyıym salynady.

Bas sanıtardyń jańa qaýlysy 12 sáýir kúni saǵat 00.00 bastap kúshine enedi.

 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar