Medısına • 11 Sáýir, 2021

Boraldaı aýrýhanasynyń dárigerleri antyna berik

51 ret kórsetildi

О́ńir turǵyndarynyń medısınalyq qyzmet alýǵa qol jetimdiligin arttyrý maqsatynda Almaty oblysynda aýyz toltyryp aıtarlyqtaı jumys istelip jatyr, dep habarlaıdy Egemen.kz

Búginde aımaqta 235 dárigerlik ambýlatorııa, 104 feldsherlik-akýsherlik pýnkti jáne 220 medısına beketi bar.

Jalpy, turǵyndarynyń 80 paıyzǵa jýyǵy aýyldy mekendeıtin aımaq úshin bul kórsetkish jaqsy bolǵanymen, máseleni tolyq sheshe almaıdy eken. Iаǵnı, oblystaǵy 2 mln jannyń basyna shaqqanda alǵashqy medısına kómegin kórsetetin oryndardyń tapshylyǵyn joıý úshin áli de biraz ýaqyt kerek. Al atqarýshy bıliktiń suranysqa ıe eldi mekenderdegi emhanalardyń jumysyn jandarýǵa kúsh salyp-aq keledi. Al qazirgideı pandemııa jaǵdaıynda aq jeleńdi abzal jandardyń jumysyna degen qurmet men syn da arttayny sózsiz. Jetisýlyq dárigerler osy talap údesinen shyǵyp otyr deýge tolyq negiz bar.

Mysaly, juqpaly indetpen kúres jaǵdaıynda qaltqysyz qyzmet kórsetip otyrǵan medısına mekemesiniń biri – Ile aýdanyna qarasty Boraldaı kentindegi aýdandyq aýrýhana. Bul mekeme Boraldaı kenti, Vodnık, KazSIK, Komsomol, Chapaı, Mejdýrechensk aýyldarynyń turǵyndaryna medısınalyq qyzmet kórsetip otyrǵan ári О́tegen batyr kentindegi ortalyq aýrýhanadan keıingi aýdandyq aýrýhana mártebesine ıe eken. Qazir munda stasıonar bólimi, kúndizgi stasıonar bólimi, qabyldaý bólimi, onkolog-mamolog, endokrınolog, stomatolog, hırýrg, gınekolog, nevrapatolog, rentgenolog, okýlıst, ÝDZ kabıneti, psıholog, áleýmettik qyzmetter mamandary, ýchaskelik jalpy tájirıbelik dárigerler bólimi jumys jasaıdy. Aýrýhanadaǵy zaman talabyna saı alynǵan laparoskopııa apparaty turǵyndardyń dertin dóp basyp anyqtap, dertine shıpa bolyp turǵanyna naýqastar dán rıza.

«Laparoskopııalyq tehnologııa degenimiz naýqastyń ishki aǵzasyna otany tilik jasamaı emdeıtin hırýrgııanyń jańa ádisi. Osy tásilmen ártúrli otalar jasalynýda. Bul jumysty óz isiniń mamany, aýrýhananyń hırýrgııa bóliminiń meńgerýshisi Nurbol Nurjanov qolǵa alǵan. Dáriger-hırýrg ota jasaýdy ózi júrgizedi. Sondaı-aq, emhanada ýltradybystyq zertteý, sút bezderiniń rentgenologııalyq zertteýi, sút bezderiniń pýnksıondyq bıopsııasyn zertteýge arnalǵan mamografııa apparaty alyndy.Bul apparatpen 40 jas pen 70 jas aralyǵyndaǵy áıelderdi sút beziniń qaterli isiginiń aldyn alý maqsatynda tekserý júrgizedi», deıdi Boraldaı kentindegi aýdandyq aýrýhananyń bas dárigeri, «Densaýlyq saqtaý isiniń úzdigi» Darıǵa Sadykova.

Boraldaıdaǵy bul aýrýhanada 75 dáriger, 125 medbıke jumys isteıdi eken. Búginde koronavırýs indetiniń taralýy asqynǵan saıyn dárigerlerdiń kásibı qyzmetine suranys artyp, jaýapkershilik júgi eseleı túsken.

Al aýrýhanada eńbegimen el alǵysyna bólenip júrgen aq jeleńdi abzal jandar kóp. Mysalǵa, dáriger-terapevt Alma Aıdarbekova, laboratorııa bóliminiń meńgerýshisi Ardaq Ospanqulova, jalpy tájirıbeli dárigerler bóliminiń meńgerýshisi Samal Aqybaeva men balalar dárigeri Ulbıbi Ahmetalıeva syndy dárigergerlerdi atap aıtýǵa bolady.

«Boraldaı aýdandyq aýrýhanasynyń qyzmetkerleri de juqpaly indet jappaı taralǵan kezeńnen beri, ıaǵnı, byltyrǵy naýryz aıynan bastap asqan jaýapkershilikpen jumys istep keledi. Aýrýhana bazasynda on tósektik provızorlyq bólimshesi ashylyp, ol qazirgi ýaqytqa deıin jumys istep tur. Saqtyq sharalary qatań túrde saqtalyp, barlyq qyzmetkerler jeke qorǵanys kıimderimen qamtamasyz etilgen. Dárigerler men medbıkeler osyndaı qıyn sátte ózderiniń eńbekterin shyńdap, úlken tájirıbe jınaqtady», deıdi bas dáriger Darıǵa Baltabekqyzy.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar