Ekologııa • 14 Sáýir, 2021

Balyqtar jappaı qyryldy

46 ret kórsetildi

Taıaýda Ekologııa, geologııa jáne tabıǵı resýrstar mınıstrligi Balyq sharýashylyǵy komıtetiniń Tobyl-Torǵaı oblysaralyq basseındik balyq sharýashylyǵy ınspeksııa­syna Aqtóbe óńirindegi Jarsaı aýylynyń Kýzmın toǵanynda balyqtardyń jappaı qyrylǵany týraly habarlama túsken edi.

Bul habarlama túsken boıda ınspeksııa mamandary Vete­rınarlyq baqylaý jáne qadaǵalaý komıtetiniń Aqtóbe oblysyndaǵy aýmaqtyq ınspeksııasy jáne oblystyq tabıǵı resýrstar basqarmasymen birlesip, atalǵan sý aıdynyna tekserý júrgizdi.

Jınalǵan óli balyqtardyń sany 4 tonnany qurady. Ony joıý boıynsha tıisti jumys­tar uıymdastyrylyp, zertha­nalyq zertteý júrgizýge sý men balyqtan synama alyndy. Al­dyn ala jasalǵan boljamǵa sáıkes, balyqtardyń qyrylýyna sý deńgeıiniń jetkiliksizdigi (1,0-1,5 m) saldarynan sýdaǵy otteginiń tapshylyǵy sebep bolýy múmkin. Naqty sebebi tıisti zert­hanalyq zertteý júrgizil­gen­nen keıin qosymsha habarlanady.

Kýzmın toǵany Aqtóbe qalasynan 140 shaqyrym qashyq­tyqta Qobda aýdanynyń Jar­saı aýyldyq okrýginde ornalasqan. Toǵannyń aýdany 3 gektarǵa jýyq. Nysan balyq sharýa­shy­lyǵy sý aıdyndarynyń tizimine enbegen. Toǵan maldy sýarýǵa arnal­ǵandyqtan sý qoımasynyń janynda óndiristik nysandar joq.

 

Sońǵy jańalyqtar

Uqsas jańalyqtar