Medısına • 14 Sáýir, 2021

Qymbat medısınalyq qyzmetter qoljetimdi bolmaq

11 ret kórsetildi

Qazaqstanda medısınalyq saqtandyrý júıesin iske asyrýdy eskere otyryp, qymbat turatyn medısınalyq qyzmetter kólemi 2025 jylǵa deıin kezeń-kezeńimen 42%-ǵa ulǵaıady. Bul onyń halyqqa qoljetimdiligin edáýir jaqsartýy tıis. Eger 2021 jyly medısınalyq saqtandyrý qory 950 myńǵa jýyq qymbat medısınalyq qyzmetti qarjylandyrýdy josparlasa, 2025 jylǵa qaraı onyń sany 1 355 myńǵa deıin artady. Densaý­lyq saqtaý mınıstrliginde Mindetti áleýmettik medısınalyq saqtan­dyrý (MÁMS) esebinen qymbat turatyn medısınalyq qyzmetterdiń qol­jetimdiligi máseleleri talqylandy.

Sýretti túsirgen Erlan OMAR, «EQ»

Qazirgi ýaqytta birqatar óńir­de medı­­sınalyq uıym­dar­dyń tehnı­ka­lyq jaraqtan­dyrylýynyń tómen bolýyna baılanysty halyq úshin osy qyz­­metterge qoljetimdilik deń­­geıiniń tómendigi baıqalýda. Qol­­jetimdiliktiń eń tómen deńgeıi Túrkistan, Qostanaı, Aqtóbe jáne Almaty oblystarynda baıqalady. Densaýlyq saqtaý mınıstrligi atap ót­kendeı, Qostanaı, Almaty jáne Túrkistan oblystarynyń ákim­dikterine memleket-jeke menshik árip­testik aıasynda qosymsha jab­dyq­tar satyp alyp, ınvestısııalardy bel­sendi tartý qajet.

«Ár emhana ózine bekitilgen tur­­ǵyndardy qymbat qyz­metterge ba­ǵyttaý jónindegi jos­parlardy anyqtaýy, sondaı-aq pasıentterdiń qyzmetterdi ýaq­tyly alýy úshin baǵ­daryn belgileýi tıis. Onyń mer­zimi 10 kúnnen aspaýy kerek. On­kologııalyq aýrýlarǵa kúdik týyn­daǵan kezde áleýmettik ma­ńyzy bar jáne sozylmaly aýrýlary bar pasıentterdi qym­bat turatyn qyzmettermen qam­tamasyz etý mańyzdy», dedi mı­nıstrliktiń MÁMS úılestirý de­par­tamentiniń dırektory Gúljan Shaıhybekova

Qymbat turatyn qyzmetterdiń qol­jetimdiligin arttyrý jónin­degi otyrysqa Áleýmettik medı­sı­nalyq saqtandyrý qory­nyń, oblystardyń, Nur-Sul­tan, Al­maty, Shymkent qala­la­ry­nyń densaýlyq saqtaý bas­qar­ma­larynyń, medısınalyq uıym­dar­dyń ókilderi qatysty.

Otyrys barysynda mınıstr­lik medısınalyq saqtandyrý qoryna, den­saýlyq saqtaý bas­qar­malaryna, medı­sınalyq uıymdar men ýchaskelik dári­gerlerge arnalǵan is-sharalar jos­paryn usyndy. Bul jospardy júzege asyrý úshin barlyq múd­deli uıymdardyń úılesimdi jumysy jáne medısınalyq uıymdarmen únemi keri baılanys qajet. Sonymen qatar, G.Shaıhybekova Densaýlyq saqtaý mınıstrligi tarapynan be­ril­gen negizgi tapsyrmalarǵa na­zar aýdardy. Máselen, ob­lys­tar­dyń, respýblıkalyq mańyzy bar qala­lardyń den­saýlyq saqtaý basqar­malary ha­lyqtyń qajettiligin 100%-ǵa qamtamasyz etý úshin qym­bat turatyn qyzmetterdiń tıis­ti kólemine ótinimderdi ýaq­tyly qalyp­tastyrýdy, óńir­diń den­saýlyq saqtaý ın­fra­qurylymyn damytý monı­torıngin, medısınalyq uıym­dar bólinisinde qymbat tu­ra­tyn qyz­metterdiń 100% qol­jetimdiligin qam­tamasyz etý monıtorıngin, olardyń josparyna sáıkes is-sharalardy oryndaýdy qamtamasyz etýi qajet. Sondaı-aq, medısınalyq qyzmetterge kezekterdi boldyrmaý maqsatynda memleket-jeke menshik áriptestiginiń obektileri men jeke sektordy tarta otyryp, den­saý­lyq saqtaý nysandary boıynsha pa­sıent­terdi baǵdarlaýdy ázirleý jáne uıym­dar men halyqqa jetkizýi tıis. Áleý­mettik medısınalyq saqtandyrý qory densaýlyq saqtaý sýbektilerine kórsetiletin qyzmetter kólemin ýaq­tyly ornalastyrýdy, kórsetiletin qymbat turatyn qyzmetterdiń kólemi men sapasy boıynsha sharttyq mindet­temelerdiń oryndalýyna mo­nı­torıngti, qymbat turatyn qyz­met­terdiń qoljetimdiligine qatysty ha­lyqtyń júginýlerine monı­torıngti jáne óńirler bólinisinde qymbat turatyn qyzmetterdi kórsetý boıyn­sha aqparat usynýdy jalǵastyrýy qajet. Al medısınalyq uıymdar me­dısınalyq qyzmetkerler arasyn­da qymbat turatyn qyzmetterdi kór­setý sharttary boıynsha oqytý jáne túsindirý jumystaryn júrgizý, qym­bat turatyn qyzmetterdi kórsetý boıynsha birlesip oryndaý sharttaryn ýaqtyly jasasý, joldamalardy ýaqtyly usynýdy ishki baqylaý jáne pasıentterdiń qyzmetterdi alýyn baqylaý qajet.

Nur Otan partııasynyń «О́zgeris joly: árkimge laıyqty ómir!» saılaýaldy baǵdarlamasynyń atalǵan is-sharasynyń oryndalýyna monıtorıng júrgizý turaqty negizde júzege asyrylmaq.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar