Qoǵam • 14 Sáýir, 2021

Qylmysty der kezinde quryqtaıdy

11 ret kórsetildi

Búgingi kún turǵysynan qaraǵanda, qyraǵy kóz beınekameralar bolmasa, qanshama tártip buzýshylyq pen qylmys kózden tasa bolyp qalatyny jaǵa ustatarlyqtaı. Mysaly, ótken jyly Qaraǵandy oblysy boıynsha olardyń kómegimen 200-den astam qylmys ashylyp, 27,5 myń ákimshilik quqyq buzýshylyqtyń aldyn alý múmkin bolǵan eken.

Qaraǵandy oblysynda ótken jyly quqyq­tyq tártipti qorǵaý maqsatynda 10 myńnan astam beınekamera ornatylypty. Budan bó­lek, byltyrǵy qazan aıynda «Ámbebap nómir» qyzmeti paıda boldy. Endi kez kelgen qa­ra­ǵan­dylyq ýchaskelik ınspektordyń uıaly tele­­fo­nyna qalalyq nómirden tegin qońyraý shala alady.

Osyndaı ıgi is-sharalardyń júzege asyp jatqany oblys ákimdigi janyndaǵy quqyq buzýshylyqtyń aldyn alý jónindegi kezekti vedomstvoaralyq komıssııa otyrysynda málim boldy. Sonymen qatar bul jıynda polısııanyń qoǵammen ózara is-qımyly jáne quqyqtyq tártip qyzmetin materıaldyq-tehnıkalyq turǵydan jaraqtandyrý máse­leleri talqylandy.

Qazirgi tańda óńirde 603 ýchaskelik ınspektor men olardyń 23 kómekshisi jumys isteıdi. Tártip saqshylary úshin qoǵam tarapynan bolatyn kómek  árqashan qajet. Sol sebepti olar turǵyndarmen yntymaqtastyq qurý maq­satynda onlaın rejimine ótken. Arnaıy chattar qurylǵan, oǵan PIK tóraǵalary men turǵyn­dar kiredi. Shaǵyn jáne orta bıznes ókilderimen aqparat almasý úshin de osyǵan uqsas chat bar.

Qaraǵandy oblystyq PD jergilikti polısııa qyzmeti basqarmasy bastyǵynyń orynbasary Arman Orazbaev aımaqta quqyq qorǵaý baǵytynda 135 qoǵamdyq qurylymnyń jumys isteıtinin málim etti.

– О́tken jyly olardyń qatysýymen 70-ten astam qylmys ashylyp, myńnan astam ákimshilik quqyq buzýshylyq anyqtaldy. Erekshe kózge túsken erikti kómekshiler marapattaldy, – dedi ol.

Shynynda da, eriktilerdiń polısııaǵa kór­setetin kómegi óte zor. Olar joǵalǵan adamdar­dy izdeýge, turmysy nashar otbasylarmen jumys isteý sııaqty irili-usaqty sharýalarǵa atsaly­sady, reıdterge birge shyǵady.

Qaraǵandy oblystyq Polısııa departa­menti bastyǵynyń orynbasary Qaıyrken Álıev qylmystyń aldyn alý jáne ony ashýda polısııa qyzmetin materıaldyq-tehnıkalyq jabdyqtaýdyń mańyzy zor ekenin aıtty.

– Bul maqsatqa byltyr jáne bıyl oblys­tyq bıýdjetten qarajat bólindi. Bul bizge patrýldik polısııanyń qyzmettik avtoparkin 75%-ǵa jańartýǵa múmkindik berdi. Búginde patrýldik polısııa qyzmetkerleriniń 70%-y jáne ýchaskelik ınspektorlardyń 50%-y IIM aqparattyq júıelerine qosylǵan  planshettermen qamtamasyz etilgen, – dedi ol.

Byltyrǵy jeltoqsan aıynda Qaraǵan­dynyń patrýldik polısııasy «JAK» markaly 90 avtokólikpen qamtamasyz etilipti. Jeke quramdy tasýǵa arnalǵan 5 avtobýs satyp alynǵan. Qaraǵandy men Temirtaý qalalary úshin evakýatorlar bólingenin de aıta ketken lázim. Sonymen birge elimizde balamasy joq 9 EkinPatrolG2 mobıldi apparattyq-baǵdarlamalyq kesheni paıdalanýǵa berildi. Búginde keshenniń kómegimen 33 717 tártip buzýshylyq anyqtalyp, jalpy somasy 258 mln teńge aıyppul óndirilgen.

Oblysta qoǵamdyq qaýipsizdik pen tártipti  qam­­tamasyz etý maqsatynda beınebaqylaý kame­­ralaryn ornatý jumystary jalǵasa bermek. Bıyl taǵy 3 myńnan astam «qyraǵy kóz» kóshe­lerdegi tártipti baqylaýda kómekke kelmek.

 

Qaraǵandy oblysy

 

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar